u Rwanda rwohereje ingabo nyinshi mu ntara y’amajyepfo guhangana n’abamaze iminsi bagaba ibitero baturutse hanze

Amakuru   Yanditswe na: Dusingizimana Remy 28 February 2019 Yasuwe: 6053

Leta y’u Rwanda yamaze gufatira ingamba abantu bamaze iminsi bagaba ibitero mu turere tumwe na tumwe tugize intara y’Amagepfo,aho yongereye umubare w’abasirikare.

Mu kiganiro Guverineri w’ Intara y’ Amajyepfo, CG Emmanuel Gasana yagiranye n’ abanyamakuru kuwa Gatatu tariki 27 Gashyantare 2019, yavuze ko u Rwanda rwohereje ingabo nyinshi mu turere two mu ntara y’Amajyepfo duherutse kwibasirwa n’abanzi baturutse hanze, bashyira ibintu ku murongo.

Yagize ati “Mu minsi ishize mwigeze kubyumva higeze kuba ibibazo by’ umutekano muke hariya muri Nyungwe, cyokora bazanye ingabo nyinshi zirafunga neza ziratunganya ubu nta kibazo”

Ubwo Perezida Kagame yasuraga akarere ka Nyamagabe kuwa Kabiri w’iki cyumweru,yasabye abaturage bako kujya batangira amakuru ku gihe,igihe babonye umuntu ushaka kwica umutekano w’u Rwanda kuko nta muntu wunguka iyo igihugu kiri mu ntambara.

Perezida Kagame yabwiye abaturage ba Nyamagabe ko umutekano aribo ugomba guheraho ndetse bakwiriye kujya bamenyesha amakuru inzego z’umutekano igihe hari umuntu bakeka ko ashobora kuba yinjiye mu gihugu aje guhungabanya umutekano.

Mu mwaka ushize nibwo abantu bitwaje intwaro binjiye mu murenge wa Nyabimata,mu karere ka nyaruguru bica abantu 2, bakomeretsa abandi batandatu ndetse banatwika imodoka y’ Umunyamabanga Nshingwabikorwa w’uyu murenge na moto y’ umuturage basubira mu ishyamba rya Nyungwe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

U Rwanda na Uganda bafashe ingamba zirindwi zikomeye zirimo ko Abanyarwanda...

Abahagarariye Leta y’u Rwanda na Uganda bateraniye i Kigali uyu munsi taliki...
16 September 2019 Yasuwe: 3220 0

Niyomukiza Dynamique wigaga muri Kaminuza y’u Rwanda yitabye Imana haburaga...

Umukobwa witwa Niyomukiza Dynamique wigaga muri Kaminuza y’ u Rwanda...
16 September 2019 Yasuwe: 4058 0

Hahishuwe akayabo k’amamiliyari y’u Rwanda ikigega Agaciro kigezeho

Ubuyobozi bw’ikigega Agaciro Development Fund (AgDF), buratangaza ko mu...
16 September 2019 Yasuwe: 2694 0

U Rwanda rwasabye Uganda kuvugisha ukuri mu biganiro byo gushaka uko...

Uyu munsi nibwo abayobozi b’u Rwanda n’aba Uganda bahuriye mu nama iri...
16 September 2019 Yasuwe: 1139 0

Intumwa za Uganda ziyobowe na Minisitiri w’ububanyi n’amahanga ziri mu...

Kuri uyu wa mbere abayobozi ku ruhande rw’u Rwanda na Uganda baragirana...
16 September 2019 Yasuwe: 1034 0

Imyaka fatizo yo gutangira gukora akazi mu butegetsi bwite bwa Leta...

Imyaka fatizo yo gutangira gukora akazi mu butegetsi bwite bwa Leta...
15 September 2019 Yasuwe: 1383 2