Ubukene ntabwo butubereye, turashaka kubuca burundu- Paul Kagame

Amakuru   Yanditswe na: Iyamuremye Janvier 26 July 2017 Yasuwe: 676

Paul Kagame watanzwe n’ishyaka FPR Inkotanyi yabwiye abaturage ba Nyabihu ko bwaki ikwiye gucika uko byagenda kose. Yanavuze ko ubukene atari ikintu buri wese yakwiratana ahubwo ko bukwiye gucika burundu.

Ibi yabitangaje kuri uyu wa 26 Nyakanga 2017 mu bikorwa byo kwiyamamariza yagiriye mu ntara y’Iburengerazuba. Kuri gahunda y’umunsi, Paul Kagame ariyamamariza mu Karere ka Musanze, ahave ajya Nyabihu hanyuma asoreze Rubavu.

Paul Kagame yatangiye ijambo rye ashimira abaturage kuba baje ari benshi, ati "Nanjye ndabakunda"

Kagame ati “Nidukomeza gufatanya, gukorera hamwe, nta cyatunanira kandi intego yacu iteka ni amajyambere, ni umutekano, ni ubumwe, ni umurimo. Nyabihu rero ibyo mumaze kugeraho muri iyi minsi ishize, usibye ibya kera nubwo nta n’ibyari bihari, ibyo byose ndashaka kuvuga ngo ibyiza biri imbere […] Ibyo tumaze kugeraho ni byinshi, ni byiza, ariko ibyinshi biruta kandi byiza kuruta, biracyari imbere.”

Muri aka karere kandi yavuze ko "nta bwaki dushaka"

“Iyo tariki ya kane rero Kanama, icyo bivuze ni ugutangira indi myaka irindwi tukubaka ibikorwa remezo, imihanda, amashanyarazi, amashuri, amavuriro n’ibindi, ni ukuduha umwanya wo kubageza kuri biriya bindi byiza twifuza kugeraho.

Turifuza ko abagore n’abagabo, abana bavuke bafite ubuzima bwiza, bagakurana ubuzima bwiza. Nta bwaki dushaka kuko ibiyiturinda birahari.

Umwana yamara kuvuka akarerwa neza, akajya mu mashuri, akabasha kwivuza yarwaye, na nyina akivuza, ibyo niho amajyambere yacu ashingira, iyo abanyarwanda bafite imibereho myiza.

Paul Kagame asoje ijambo rye yifuriza abatuye Nyabihu gukora cyane no kwiteza imbere.

Kagame ashimye amashyaka umunani yemeye kwiyunga ku mukandida wa FPR, avuga ko n’ubundi bose ibyo baharanira ari inyungu z’abanyarwanda.
Akomeje agira ati ‘Ubukene ntabwo butubereye, turashaka kubuca burundu nka kwa kundi navuze tugomba guca bwaki’

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble uwanyirigira. awustokia

    Uyu nitwari yurwanda tuzamugwa inyuma

    July 2017

Inzindi nkuru

Umuturage yasabye Uganda kwemerera imfungwa n’ abagororwa gutora

Umuturage wa Uganda yandikiye urukiko rukuru rwa Kampala arugaragariza...
20 February 2018 Yasuwe: 180 0

Abamotari ntibumva impamvu bacibwa amande bakuyeho umugenzi

Abamotari ntibumva impamvu bacibwa amande bakuyeho umugenzi Abamotari...
17 February 2018 Yasuwe: 649 0

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 509 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2591 4

Umunya- Canada yitabye Imana bitunguranye avuye gusura ingagi mu...

Umukerarugendo James Trevor wari uvuye mu Birunga yafashwe n’ uburwayi bwo...
9 February 2018 Yasuwe: 3931 0

Pasiteri Mpyisi yasabye Niyibikora wibasiye abagore kumwegera...

Ezira Mpyisi, umupasiteri akaba n’ inararibonye yavuze ko kugereranya...
8 February 2018 Yasuwe: 6407 0