addresiya
startimes

Ukekwaho kwica umuvugizi w’ishyaka rya Ingabire Victoire yatawe muri yombi

Amakuru   Yanditswe na: Martin Munezero 16 March 2019 Yasuwe: 5283

Nyakwigendera Anselme Mutuyimana

Urwego rw’ Igihugu rw’ Ubugenzacyaha RIB rwatangaje ko rwataye muri yombi umuntu umwe ukekwaho kwica Anselme Mutuyimana wari umuvugizi w’ Ishyaka FDU-Inkingi rya Ingabire Victoire ritaremerwa n’ amategeko y’ u Rwanda.



Nyakwigendera Mutuyimana Anselme wari mu kigero cy’ imyaka 30, umurambo we watoraguwe mu nkengero z’ ishyamba rya Gishwati tariki 9 Werurwe 2019.

Ngo uyu murambo wabonywe n’ umukozi wa Kampani icunga umutekano ya ISCO ari nawe wamenyesheje inzego zibishinzwe.

Umuvugizi wa RIB Mbabazi Modeste yatangaje ko umugabo umwe ukekwaho kwica Mutuyimana yatawe muri yombi tariki 11 Werurwe, akaba akomeje gukorwaho iperereza kugira ngo hamenyekane niba hari abo baba barafatanyije.

RIB nayo ivuga ko yamenye amakuru avugwa n’ abaturage ko umunsi Mutuyimana yicwa babonye imodoka irimo abantu bambaye imyenda isa n’ iya polisi ariko itariho ibendera ry’ igihugu n’ amazina yabo ndetse n’ abandi bari bambaye gisirikare. Aya makuru nayo ngo RIB iracyayakoraho iperereza.

Tariki 14 Werurwe 2019, Ishyaka riharanira Demukarasi no kurengera ibidukikije riyoborwa na Depite Frank Habineza ryasohoye itangazo ryamagana ubwicanyi bwakorewe Anselime Mutuyimana.

DGPR yasabye Leta y’ u Rwanda kwihutisha iperereza kugira ngo abishe Nyakwigendera Mutuyimana Anselme bagezwe imbere y’Urukiko. Isaba ko urubanza rwazaburanishirizwa mu ruhame aho icyaha cyabereye.

Ishyaka FDU- Inkingi rivuga ko Mutuyimana yari avuye i Kigali agiye gusura se utuye mu gace yiciwemo ariko yicwa ataragerayo.

Umuhoza Victoire Ingabire, Umuyobozi wa FDU – Inkingi yatashye mu Rwanda avuye mu Bubiligi muri 2010, avuga ko agiye kwiyamamaza mu matora ya Perezida yabaye muri uwo mwaka.

Ntibyamuhiriye kuko yahise atabwa muri yombi akurikiranyweho ibyaha birimo n’ ibyo gushaka guhungabanya umutekano w’ igihugu. Victoire yakatiwe imyaka 15 ariko muri Nzeli 2018 Perezida w’ u Rwanda Paul Kagame yamuhaye imbabazi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2089 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 736 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20537 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1034 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1835 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8064 0