Ukuriye ishami ry’ikinya muri Kaminuza y’u Rwanda yatawe muri yombi azira kwaka ruswa abanyeshuli

Amakuru   Yanditswe na: Dusingizimana Remy 10 August 2019 Yasuwe: 2765

Umwarimu muri Kaminuza y’u Rwanda usanzwe akuriye ishami ryigisha gutera ikinya yatawe muri yombi Urwego rw’igihugu rw’ubugenzacyaha (RIB) rumukurikiranyeho kwaka abanyeshuri amafaranga kugira ngo abahe amanota.

Ubuyobozi bwa RIB bwatangarije kuri Twitter ko bwataye muri yombi uyu muyobozi,ubu akaba afungiye kuri station yayo iri mu murenge wa Kimihurura mu Karere ka Gasabo.

Umuvugizi wa RIB,Modeste Mbabazi yemeje aya makuru ndetse ashima abayatanze asaba n’undi wese wagira amakuru y’inyongera afite kuzayageza ku bagenzacyaha.

Umuvugizi wa Kaminuza y’u Rwanda Mike Karangwa yavuze ko uriya mwarimu yafashwe ubu akaba ari mu maboko ya RIB ndetse ko bategereje ikizava mu iperereza rya RIB.

Yagize ati: “Icyo dukora ni ugutegereza ikizava mu iperereza. Uko wabyumvise niko natwe twabyumvise. Ariko turi gukorana na RIB ngo tumenye uko ibintu bimeze.”

Avuga ko Kaminuza y’u Rwanda nayo ifite amategeko ayigenga agena uko umwarimu, umuyobozi n’umunyeshuri agomba kwitwara ndetse n’ibihano ahabwa iyo ibyaha bimuhamye.

Mu bihano bihabwa umwarimu wo muri kaminuza witwaye nabi harimo kuba yakwihanangirizwa, guhagarikwa by’agateganyo mu gihe runaka cyangwa kwirukanwa burundu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rusizi: Gitifu w’akagari n’umuyobozi wa DASSO babatawe muri yombi bazira...

Umunyamabanga Nshingwabikorwa w’Agateganyo w’Akagari ka Hangabashi mu Karere...
19 October 2019 Yasuwe: 3788 0

Umubiri wa nyakwigendera Brig. Gen. Andrew Rwigamba wagejejwe mu...

Ku isaha ya saa Saba z’ijoro ryakeye nibwo umubiri wa nyakwigendera Brig...
19 October 2019 Yasuwe: 3100 1

Nyagatare: Umwarimu muri kaminuza yatawe muri yombi akekwaho gusambanya...

Umwarimu wigisha muri Kaminuza y’u Rwanda ishami rya Nyagatare ukomoka muri...
19 October 2019 Yasuwe: 2647 1

Nyiri Televiziyo ya Goodrich yaburiwe irengero ari guhigwa bukware

Dr Francis Habumugisha uregwa gukubitira umukobwa mu ruhame, akomeje...
19 October 2019 Yasuwe: 5803 0

Umufasha wa Ben Rutabana yahakanye ibaruwa imaze iminsi icicikana mu...

Umufasha wa Benjamin Rutabana yahakanye ibaruwa imaze iminsi icicikana mu...
19 October 2019 Yasuwe: 3951 0

Ben Rutabana wari waraburiwe irengero amaze ukwezi mu gihugu cya...

Amakuru mashya yagiye hanze, ahamya ko Ben Rutabana ari muri Uganda kuva mu...
19 October 2019 Yasuwe: 12212 0