skol
startimes

Umugabo w’imyaka 37 yabaye umuntu wa 08 wahitanwe na Coronavirus mu Rwanda

Amakuru   Yanditswe na: Dusingizimana Remy 12 August 2020 Yasuwe: 6010

Kuri uyu wa Gatatu tariki ya 12 Kanama 2020,mu Rwanda hapfuye umugabo uw’imyaka 37 y’amavuko wahitanwe na Coronavirus aba uwa 08 uhitanwe nayo ku butaka bw’u Rwanda.Uyu mugabo yapfiriye i Kigali.

Hanabonetse abantu bashya banduye Coronavirus 18(Kigali: 15, Ngoma:2 n’umwe I Rubavu). Abamaze kwandura bose ni 2,189.

Hakize kandi abantu 46 bituma umubare w’abamaze gukira bose uba 1524. Abakirwaye ni 657. Abapfuye:8.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Abayobozi bane b’akarere ka Rubavu bashyizwe mu kato nyuma y’uko bigaragaye ko bahuye n’umuntu wanduye covid-19, ibiro bakoreragamo na byo bikaba byafunzwe kugira ngo biterwe umuti.

Abashyizwe mu kato ni Umuyobozi w’akarere ka Rubavu, Habyarimana Gilbert, Umuyobozi w’akarere wungirije ushinzwe imari n’iterambere ry’ubukungu Nzabonimpa Deogratias ,umuyobozi w’akarere wungirije ushinzwe imibereho myiza Ishimwe Pacifique, Umuyobozi ushinzwe imirimo rusange Niyibizi Hubert.

Abandi ni umujyanama wa Komite Nyobozi n’Umujyanama w’Umuyobozi w’Akarere, Nyirabagenzi Athanasie.

Umuyobozi muri Minisiteri y’Ubuzima ushinzwe imikoranire n’Itangazamakuru, Julien Mahoro Niyingabira, avuga ko ari ibisanzwe mu rwego rwo kugabanya ikwirakwizwa ry’ubwandu.

Ati "Ni ibisanzwe niko bigenda iyo bigaragaye ko umuntu yahuye n’uwanduye ashyirwa mu kato kugirango adakwirakwiza ubwandu".

Ubwo twageraga ku biro by’akarere twasanze urujya n’uruza rwagabanutse ndetse n’inama yari yateguwe ya Guverineri w’intara y’iburengerazuba, Munyantwari Alphonse yo kureba aho kubaka amashuri bigeze mu ntara yagombaga kubera ku karere ka Rubavu, yayimuye ayijyana mu murenge wa Nyamyumba.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kayonza: Umugabo yishe umwana w’umugore we w’imyaka ibiri amuteye...

Mu Ijoro ryakeye mu Mudugudu w’Irebero mu Kagari ka Nyagatovu mu Murenge wa...
18 January 2021 Yasuwe: 5114 0

Umurambo wa Mirimo Gaspard Wataburuwe; Yaramaze imyaka 4 yitabye Imana-...

Mirimo Gaspard ni umunyemari ukomeye witabye Imana muri Gicurasi 2016 aho...
16 January 2021 Yasuwe: 9162 0

Apotre Mignone uri mu bavugabutumwa bakunzwe muri Kigali yakijijwe avuye mu...

Birashoboka cyane ko byaba atari ubwa mbere wumvise izina Apotre Mignone...
16 January 2021 Yasuwe: 14417 0

Nyarugenge: Yashakaga gufungirana ibintu by’umupangayi we ngo atazamutoroka...

Yagiye mu mazi abira kubera ibyo yarimo akorera umupangayi we wari umurimo...
16 January 2021 Yasuwe: 6647 0

Umuryango,inshuti n’abavandimwe basezeyeho bwa nyuma nyakwigendera Umuhire...

Umunyamakuru Umuhire Valentin uheruka kwitaba Imana, abo mu muryango...
11 January 2021 Yasuwe: 9208 0

Amashuri y’incuke n’icyiciro cya mbere cy’abanza agiye gutangira

Minisiteri y’Uburezi yatangaje ko abiga mu mashuri y’incuke n’abo mu cyiciro...
7 January 2021 Yasuwe: 4177 1