Umugabo watemye inka 12 za wa muturage wo mu karere ka Nyabihu yafatiwe mu nkambi ya Kiziba

Amakuru   Yanditswe na: Dusingizimana Remy 28 March 2019 Yasuwe: 5507

Umugabo witwa Karabayinga uba mu nkambi y’abanyekonga ya Kiziba i Karongi yemereye abanyamakuru ko ariwe watemye inka 12 za Ndabarinze utuye mu karere ka Nyabihu abitewe na kamere mbi, nyuma yo gufatwa n’iperereza rya RIB.

Kuri uyu wa Kane taliki ya 28 Werurwe 2019,Nibwo RIB yeretse abanyamakuru uyu Karabayinga watemye inka 12 za Ndabarinze, utuye mu mudugudu wa Gakamba, mu kagari ka Mulinga.

Uyu Mugabo yemereye abanyamakuru ko ari we watemye inka 12 z’umuturage w’i Nyabihu warokotse jenoside witwa Ndabarinze mu ijoro ryo ku cyumweru tariki 24 Werurwe, ashaka kumwihimuraho ngo kuko yigeze kumukubita amuhora kumwishyuza inka yamugabiye.

Uyu mugabo w imyaka 39 ufite umugore n’abana bane, yavuze ko yatemye ziriya nka azisanze ziryamye nyuma yo kugura umuhoro mushya akawutyaza kuri ponceuse.

RIB yabonye amakuru y’uko uyu Karabayinga yashakaga kwica Ndabarinze ariko aramubura niko kwadukira inka ze, atema 12 maze 10 zirapfa nkuko amakuru atugeraho abitangaza.

Umuvugizi wa RIB,Mbabazi Modeste yavuga ko Karabayinga akurikiranyweho ikindi cyaha cyo gutunga indangamuntu y’u Rwanda kandi ari impunzi.

Yasabye Abanyarwanda ko mu gihe bitegura kujya mu cyunamo bibuka Jenoside yakorewe Abatutsi ku nshuro ya 25 birinda guhemuka.

Umuntu wese, ku bw’inabi, wica cyangwa agakomeretsa bikomeye amatungo ye cyangwa ay’undi, aba akoze icyaha. Iyo abihamijwe n’urukiko, ahanishwa igifungo kitari munsi y’amezi atandatu(6)ariko kitarenze umwaka umwe(1) n’ihazabu y’amafaranga y’u Rwanda atari munsi y’ibihumbi magana atatu( 300. 000Frw) ariko atarenze ibihumbi magana atanu(500.000Frw) cyangwa kimwe muri ibyo bihano

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble santosjuniorpazzo@gmail.com

    bamuhe ibimukwiriye

    3 months ago
  • chat_bubble santosjuniorpazzo@gmail.com

    bamuhe ibimukwiriye

    3 months ago
  • chat_bubble Muraho?Nitwa Egide Birasa.

    Jye Ku ubwanjye numva uy mugabo wafashe umwanya WO kujya kugura umupanga akawutyaza hanyuma akagenda agatema ziriya nka ahubwo yagahaswe ibibazo agasobanura abandi bari kumwe bari inyuma yabyo kuko birenze ukwemera abagome baracyariho gutema inka koko Uzi akamaro k’inka? Birababaje amategeko azubahirizwe.

    3 months ago

Inzindi nkuru

Kayonza: Indi modoka ya Coaster yaguye mu manga ihitana abantu...

Ku munsi w’ejo taliki ya 16 Nyakanga 2019,habaye impanuka zitandukanye...
17 July 2019 Yasuwe: 1506 0

Gicumbi: Habineza yariwe n’ikiryabarezi bimutera kwiyahura arapfa

Umugabo witwa Habineza Bartazar w’imyaka 51 ukomoka mu Mudugudu wa Murambi,...
16 July 2019 Yasuwe: 3739 1

Kirehe: Umukecuru arashinjwa kuroga umusore gutunda amatafari yambaye ubusa...

Umukecuru w’imyaka 62 witwa Nyankuba Mariya utuye mu Murenge wa Kirehe mu...
16 July 2019 Yasuwe: 3669 1

Mu mategeko 1000 Inteko Ishinga Amategeko y’u Rwanda yavanyeho harimo...

Kuri uyu wa 15 Nyakanga 2019, Inteko ishinga Amategeko yatoye umushinga...
16 July 2019 Yasuwe: 3234 0

Bugesera: Polisi yarashe wa mugabo wafataga abagore ku ngufu yihimura ku...

Umugabo uzwi nka Eric wabaga mu ishyamba rya Gako washinjwaga na bamwe mu...
16 July 2019 Yasuwe: 4967 1

Karongi: Imodoka ya Coaster yahitanye ubuzima bwa benshi nyuma yo...

Imodoka itwara abagenzi ya kompanyi Ugusenga yarenze umuhanda yibirindura...
16 July 2019 Yasuwe: 8293 3