Rubavu: Umugabo yatemye umugore we aramwica amuhoye umurima w’ibisheke

Amakuru   Yanditswe na: Dusingizimana Remy 30 August 2019 Yasuwe: 2312

Umugabo witwa Mahangayiko yishe uwahoze ari umugore we witwa Uzamukunda amusanze mu murima w’ibisheke wo mu murenge wa Nyamyumba mu Kagari ka Burushya mu Mudugudu wa Kaberamo.



Ahagana ku isaha ya saa sita kuri uyu wa gatanu,nibwo uyu mugabo yageze muri uyu murima w’ibisheke ahasanga umugore bahoze babana ahita amutema ijosi ahita apfa.

Abasanzwe babazi bavuga ko n’ubundi aba bantu bari bafitanye amakimbirane mu bihe byahise ndetse ubuyobozi bukaba bwari bwarabatandukanyije aho bemeje ko uyu murima w’ibisheke wari uw’uyu mugore wishwe.

Ubuyobozi bwari bwarabagabanyije imirima umwe bamuha uruhande rwe n’undi urwe ariko ngo ubwo ibi bisheke byari bigiye kwera uyu mugore bivugwa ko yabigurishije.

Uyu wahoze ari umugabo we abimenye yabwiye uwabiguze ko namusanga muri uwo murima abisarura azamwica, amusaba kumusubiza amafaranga ye.Nyakwigendera yatemwe aje kureba niba ibisheke byeze ngo abigurishe abandi.

Umuyobozi w’agateganyo w’Umurenge wa Nyamyumba, yatangarije Umuseke dukesha iyi nkuru ko aya makuru ariyo.

Avuga ko iyi miiryango bari barayitandukanyije kubera amakimbirane banabagabanya imitungo ku buryo buri umwe yari afite ibye ariko ngo batunguwe no kumva umugabo yishe umugore.

Muri uyu Murenge bari muri gahunda y’amahugurwa ku miryango ifitanye amakimbirane, bamaze guhugura abarenze 170 mu tugari twose.

Umuyobozi asaba abaturage kwirinda amakimbirane kuko ateza ibibazo bitandukanye harimo imfu za hato na hato ndetse no gufungwa.

Uyu mugabo ubu afungiye kuri sitasiyo ya Police ya Gisenyi mu gihe umurambo w’uriya mugore wajyanywe ku Bitaro bya Gisenyi kugira ngo ukorerwe isuzuma.

Inkuru ya Umuseke.rw

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze:Barifuza udukingiririzo tw’ubuntu kubera isoni zo kujya...

Urubyiruko rwo mu Karere ka Musanze rurasaba ko muri uyu mujyi no mu...
17 November 2019 Yasuwe: 435 0

Senateri Nyirasafari Esperance yakoze ihererekanyabubasha na ba Minisitiri...

Ku gicamunsi cyo kuri uyu wa gatanu, Senateri Nyirasafari Esperance wahoze...
15 November 2019 Yasuwe: 1494 1

Karongi:Pasiteri yakubise umwana w’imyaka 15 amwangiza ubugabo

Umwana w’umuhungu ufite imyaka 15 wo mu murenge wa Bwishyura,mu karere ka...
15 November 2019 Yasuwe: 4199 0

Victoire Ingabire yasanishijwe n’ubutumwa Perezida Kagame yatangiye mu ngoro...

Abakoresha imbuga nkoranyambaga na bamwe mu banyamakuru, basanishije...
15 November 2019 Yasuwe: 4551 1

Sobanukirwa iby’ubutaka buri mu mujyi wa Kigali butabyazwa umusaruro bugiye...

Ku wa mbere tariki 11 Ugushyingo 2019 nibwo umujyi wa Kigali watangaje ko...
15 November 2019 Yasuwe: 2365 4

U Rwanda rwatesheje agaciro itangazo rya Leta ya Uganda rivuga ku bagande...

Guverinamo y’u Rwanda yatesheje agaciro itangazo rya leta ya uganda rivuga...
15 November 2019 Yasuwe: 2943 0