Umuganda: Perezida Kagame yasabye ko ibikorwa bitagenewe mu gishanga byimurwa vuba [AMAFOTO]

Amakuru   Yanditswe na: Nsanzimana Ernest 24 June 2017 Yasuwe: 1259

Perezida w’ u Rwanda Paul Kagame yasabye abaturage bafite ibikorwa mu bishanga atariho byagenewe kuba ko babihakura vuba mu rwego rwo kurushaho kubungabunga urusobe rw’ ibinyabuzima.

Ubu butumwa Perezida Kagame yabutangiye I Nyandugu mu karere ka Kicukiro aho yifatanyije n’ abaturage mu muganda wo gutunganya igishanga cya Nyandugu kigiye kugirwa pariki y’ ubukerarugendo.

Yagize ati “Gutunganya ibishanga tugomba kubyitaho kuko bijyana no kuzuzanya k’urusobe rw’ibinyabuzima. Abafite ibikorwa bitandukanye mu bishanga kandi atari ho byagenewe, bagomba kubyimura vuba ibishanga tukabibungabunga.”

Perezida Kagame yavuze ko umuganda ari ikimenyetso cy’ ubufatanye no gukorera hamwe avuga ko ubufatanye no gukorera hamwe ari byo byatuma Abanyarwanda bagera kuri byinshi bibabereye.

Umukuru w’ igihugu yashimye uko abaturage b’ Akarere ka Kicukiro bitabiriye umuganda rusange wo kuri uyu wa Gatandatu tariki 24 Kamena 2017.

Ati “Ndabashimira ko mwitabira Umuganda mwese: abasore, inkumi, urubyiruko n’abakuru. Dukomeze dushyire imbaraga zacu hamwe, tugire imitekerereze myiza tugamije kwiyubaka no kubaka igihugu cyacu. Igihugu cyacu tugihe iterambere n’umutekano gikwiye. Umunyarwanda abeho atekanye kandi ateye imbere”

Iyi pariki irimo gutunganywa mu gishanga cya Nyandungu yitezweho kugarura ubwoko bw’ ibiti n’ ubwoko bw’ inyoni biri mu marembera.

Mu kiganiro umuyobozi w’ ikigo kirengera ibidukikije mu Rwanda REMA, Eng. Colethe Ruhamya yagiranye n’ abanyamakuru mu mpera za Gicurasi uyu mwaka yavuze ko Leta y’ u Rwanda ishaka ko abanyamahanga bitabira inama muri Kigali bajya babona aho gutemberera bitabaye ngombwa ko basura pariki ziri mu ntara zitandukanye z’ igihugu. Iki nacyo ngo ni kimwe mu byo iyi pariki ya Nyandungu izakemura.

Amafoto



Amafoto village urugwiro

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kandidatire ya Mushikiwabo ku mwanya w’umunyamabanga mukuru wa OIF...

Minisitiri w’Ububanyi n’Amahanga, ubutwererane n’ibikorwa by’Umuryango wa...
11 July 2018 Yasuwe: 1433 0

Gatsibo: Abakozi babiri b’ ikigo nderabuzima bakurikiranyweho kwiba ifu...

Abakozi babiri bakora mu kigo nderabuzima cya Nyagihanga giherereye mu...
11 July 2018 Yasuwe: 1577 1

Amatora y’ Abadepite: Abashaka kuba abakandida bigenga bikubye...

Mu gihe hasigaye iminsi ibarirwa muri 50 ngo mu Rwanda habe amatora y’...
10 July 2018 Yasuwe: 525 0

Karongi: Nyabitabo ngo ituma umukazana yakirwa neza mu muryango...

Bamwe mu baturage bo mu murenge wa Gitesi mu karere ka Karongi mu ntara y’...
9 July 2018 Yasuwe: 1046 1

‘Uwasomye neza Bibiliya ntashobora kuba umutinganyi’ - UMUHAMYA WA...

Ubutinganyi ni kimwe mu bibazo bikomeye byugarije Isi ndetse bamwe mu...
7 July 2018 Yasuwe: 1081 1

U Rwanda rwungutse Abapolisi bashya barenga 890

Igipolisi cy’u Rwanda cyungutse abapolisi bashya 892 barangije amahugurwa...
7 July 2018 Yasuwe: 1859 1