#Umuganura2019:Uturere 4 twagaragaje umusaruro mwiza kurusha utundi twahebwe[AMAFOTO]

Amakuru   Yanditswe na: Martin Munezero 2 August 2019 Yasuwe: 3453

Kuri uyu wa 2 Kanama 2019 mu karere ka Nyanza habereye ibirori bisoza icyumweru cy’Umuganura cyatangiye tariki 29 Nyakanga 2019. Ibi birori byabereye mu karere ka Nyanza ku rwego rw’igihugu.

Uyu munsi mukuru w’Umuganura wabereye muri Stade ya Nyanza ukaba watangijwe n’umutambagiro w’abayobozi basuraga ahamurikirwaga, ibikorwa biteza imbere akarere ka Nyanza ndetse na ba rwiyemezamirimo bafatanya n’akarere mu bikorwa by’iterambere.

Abayobozi banyuranye batemberejwe aho abaturage bamurikiraga umusaruro wabo

Muri ibi birori hahembwe uturere tune twarushije utundi kugaragaza umusaruro uhiga abandi. Aha akarere ka Nyagatare kahembewe nk’akarere kahize utundi mukugira umusaruro ukomoka ku buhinzi, akarere ka Rwamagana gahembwa nk’akagize umusaruro ukomoka kuri serivise nziza, akarere ka Gasabo gahembwa nk’akagize umusaruro ukomoka ku nganda mu gihe akarere ka Rubavu kahembwe nk’akagize umusaruro ukomoka ku bucuruzi kurusha utundi.

Minisitiri w’Intebe, Dr Ngirente Edouard wari umushyitsi mukuru muri ibi birori yavuze ko Umuganura ari umunsi ngarukamwaka ukomeye mu mateka y’u Rwanda, bikagaragarira mu kwishimira umusaruro w’ibyagezweho uvuye mu maboko y’abana b’Abanyarwanda, bikajyana no kwiyemeza kubishimangira no kubyubakiraho ibindi byinshi.

Ati “Mu kwizihiza Umuganura, turasabana, tugasangira ibyo twejeje ariko kandi tukanafata ingamba zo gukomeza gukora neza, kugira ngo tugere ku majyambere arambye duharanira kwishakamo ibisubizo no kwigira.”

Minisitiri w’Intebe Dr Ngirente yagaragaje bimwe mu byo Abanyarwanda bishimira ko bagezeho, harimo ko igihugu kigeze ku kigero gishimishije cyo gutuburira imbuto imbere mu gihugu, mu rwego rwo kuzigeza ku bahinzi ku bwinshi kandi zihendutse.

uyu wari umutambagiro w’inyambo

“Hakomeje gutunganywa amaterasi y’indinganire n’imirwanyasuri mu rwego rwo gufata ubutaka neza. Mu rwego rwo guteza imbere ibikorerwa mu Rwanda, ubu hirya no hino mu Gihugu hari kubakwa ibyanya byahariwe inganda.”

“Mu rwego rw’ibikorwaremezo, hakomejwe gahunda yo gukwirakwiza amashanyarazi mu ngo, aho kugeza ubu ingo nyinshi z’Abanyarwanda zimaze kugerwaho n’amashanyarazi. Mu rwego rwo gufasha abaturage kugeza umusaruro ku masoko, koroshya ubuhahirane n’amahanga, kunoza imiturire no kwihutisha iterambere, hakomejwe kubaka no gusana imihanda yo ku rwego rw’igihugu, imihanda y’uturere n’imijyi n’iy’imigenderano.”

Yakomeje abwira abitabiriye iki gikorwa ati “Nifuza kubashishikariza kwita ku murimo unoze no kuwukorana umwete. Ndagira ngo ngaruke cyane cyane ku rubyiruko rwo mizero y’igihugu, ko rukwiye kwitabira umurimo ubabyarira inyungu kuko bizabafasha kwiteza imbere.”

“Mukwiye kubyaza umusaruro amahirwe Leta yabahaye harimo gahunda y’imyuga n’ubumenyingiro, kubona igishoro mu rwego rwo guteza imbere imishinga binyuze mu nguzanyo z’ikigega cya BDF, n’ubundi bufasha butandukanye.”

Minisitiri w’Intebe Dr Ngirente yagaragaje ibyo Abanyarwanda bakwiye kwishimira ku Umuganura


Minisitiri w’Umuco na Siporo Nyirasafari Esperance ageza ijambo ku bitabiriye ibi birori


Minisitiri w’Intebe Dr Ngirente Edouard yakirwa i Nyanza ahabereye ibirori by’Umunsi w’Umuganura





Senderi Hit yataramiye abaturage b’i Nyanza kuri uyu munsi


Jules Sentore yataramye muri ibi birori


Clarisse Karasira yataramiye abitabiriye ibi birori

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RUSIZI:Kamuzizi yafashe icyemezo cyo gutwika diplome ye abitewe n’itorero...

Umugabo witwa Kamuzinzi Daniel wo murenge wa Bugarama mu karere ka Rusizi,...
23 August 2019 Yasuwe: 1546 0

Urukiko rwanze kurekura ba banya Kenya bakurikiranyweho kubeshya urubyiruko...

Urukiko rw’ibanze rwa Kagamara ruherereye mu karere ka Kicukiro rwategetse...
23 August 2019 Yasuwe: 299 0

Kabagema wabaye Umujyanama w’Umwami Kigeli V Ndahindurwa mu gihe cy’imyaka 4...

Kabagema Christophe wabaye Umujyanama w’Umwami Kigeli V Ndahindurwa mu gihe...
22 August 2019 Yasuwe: 2251 0

Ingingo z’ingenzi zikubiye mu masezerano Perezida Kagame na Museveni...

Kuri uyu wa Gatatu taliki ya 21 Kanama 2019 nibwo perezida Kagame na...
21 August 2019 Yasuwe: 4249 0

Perezida Kagame na Museveni basinye amasezerano y’ubufatanye n’umutekano

Perezida Paul Kagame, Yoweri Kaguta Museveni wa Uganda, João Lourenço wa...
21 August 2019 Yasuwe: 3943 1

Kicukiro: Polisi yaraye irashe abasore babiri barimo umwe washatse...

Polisi yaraye irashe abasore babiri mu karere ka Kicukiro barimo umwe wari...
21 August 2019 Yasuwe: 5670 0