Umuhanuzi bivugwa ko ari Umunyarwanda wakoreraga I Burundi yirukanwe burundu ku butaka bwabwo ashinjwa gusambanya abagore

Amakuru   Yanditswe na: Dusingizimana Remy 15 April 2019 Yasuwe: 5170

Umuhanuzi witwa Kayihura Modesste wari uzwi ku izina rya “Prophète Modeste”,yirukanwe nabi mu gihugu cy’Uburundi yari amaze igihe akoreramo ivugabutumwa ashinjwa gusambanya abagore b’abandi ndetse no gukoresha ibyangombwa by’ibihimbano.

Nkuko ikinyamakuru Indundi cyabitangaje,uyu mugabo yirukanwe n’igipolisi cy’uburundi nyuma y’iperereza cyamukozeho kigasanga afite imyitwarire idahwitse ndetse atunze impapuro mpimbano zimwemerera kuba mu Burundi.

Kuri uyu wa Mbere taliki ya 15 Mata 2019,nibwo polisi y’Uburundi yirukanye burundu Kayihura Modesste we n’umuryango we,babwirwa ko nta burenganzira bubemerera kongera kugera mu Burundi bafite.

Nkuko byatangajwe na Minisitiri w’umutekano no kurwanya Ibiza mu Burundi, Petero Nkurikiye,uyu muhanuzi yari afite ubwenegihugu bw’u Rwanda ndetse ngo yasambanyaga abagore basengeraga iwe,yari igisambo anatunze ibyangombwa bimwemerera kuba mu Burundi by’ibihimbano.

Uyu muhanuzi washinze itorero ryitwa “Faith Practice Miracles Ministries”yirukanwe mu Burundi nyuma y’iminsi 15 yari amaze mu maboko y’abashinzwe iperereza ahitwa Jabe mu mujyi wa Bujumbura.

Umuhanuzi Modeste yakoze agashya mu minsi ishize ubwo yabwiraga Radio yitwa Buja FM ko nadahabwa icya cumi mu mafaranga abakinnyi b’Uburundi bazahahembwa kubera ko babonye itike yo kwerekeza muri CAN 2019,nta mukino n’umwe bazatsinda ndetse ngo nta n’umwe mu bakinnyi babonye iyi tike uzerekeza mu Misiri muri kamena.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kamonyi : Ikamyo itwara umucanga yagonzwe na Hiace abantu 18...

Ku mugoroba wo kuri uyu wa Gatanu taliki ya 23 Kanama 2019,imodoka yo mu...
24 August 2019 Yasuwe: 474 0

GISENYI:Abaturage babangamiye icyemezo cy’umuhesha w’inkiko cyo gusenyera...

Abaturage bo mu Kagari ka Bugoyi mu Murenge wa Gisenyi babangamiye icyemezo...
23 August 2019 Yasuwe: 2282 0

RUSIZI:Kamuzizi yafashe icyemezo cyo gutwika diplome ye abitewe n’itorero...

Umugabo witwa Kamuzinzi Daniel wo murenge wa Bugarama mu karere ka Rusizi,...
23 August 2019 Yasuwe: 3016 0

Urukiko rwanze kurekura ba banya Kenya bakurikiranyweho kubeshya urubyiruko...

Urukiko rw’ibanze rwa Kagamara ruherereye mu karere ka Kicukiro rwategetse...
23 August 2019 Yasuwe: 532 0

Kabagema wabaye Umujyanama w’Umwami Kigeli V Ndahindurwa mu gihe cy’imyaka 4...

Kabagema Christophe wabaye Umujyanama w’Umwami Kigeli V Ndahindurwa mu gihe...
22 August 2019 Yasuwe: 2479 0

Ingingo z’ingenzi zikubiye mu masezerano Perezida Kagame na Museveni...

Kuri uyu wa Gatatu taliki ya 21 Kanama 2019 nibwo perezida Kagame na...
21 August 2019 Yasuwe: 4337 0