skol
startimes

Umujyi wa Kigali wihanangirije abanyabirori

Amakuru   Yanditswe na: Martin Munezero 23 August 2020 Yasuwe: 3710

Muri ibi bihe isi yugarijwe n’icyorezo cya COVID-19 kigenda gihitana abatari bake,ubuyobozi bw’umujyi wa Kigali buvuga ko hari abantu badohotse barenga kungamba zashyizweho mu gukumira ndetse bwihanangirije abakora ibirori bitandukanye birimo baby shower, bride shower n’abandi.


Muri ibi bihe urubyiruko ni rwo rugenda rugarara rwadohotse rwarenze kumabwiriza yo kwirinda ikwirakwiza ry’icyorezo cya Corona ahanini bitewe n’uko abenshi ubu ntakazi bafite.

ku rubuga rwa Twitter rw’umujyi wa Kigali haciyeho itangazo ryo kuburira abantu bakora ibirori bitandukanye.Bugira buti”Mu gihe tugihanganye na COVID-19 ko atari umwanya wo gukora za baby shower, bride shower n’ ibindi birori bitandukanye ngo ubitumiremo abandi.

Wibashora mu kaga, kuko buri wese ntuba uzi uko yaje ahagaze, reka twirinde ni tuyitsinda tuzishima birambye.”

Ibi bije nyuma yaho bamwe mubakinyi n’ umutoza Karekezi Oliver bashyizwe mu kato nyuma yo kugaragara mu birori by’isabukuru y’umukunzi wa Sarpong bari batumiwemo, amafoto agatangira gusakazwa ku mbuga nkoranyambaga bitewe bari mu byishimo bitubahirije ingamba zo kwirinda.

Kuri uyu wa Gatandatu tariki ya 22 Kanama 2020, mu Rwanda habonetse abarwayi bashya 109 ba COVID-19 barimo abo muri Kigali:81 (bapimwe mu masoko ya Kigali), Rusizi:24 (bapimwe mu bibasiwe kurusha abandi), Huye:3, Nyamasheke:1.Abamaze kwandura iki cyorezo bose mu Rwanda ni 2,889.

Kuri uyu munsi kandi hakize abantu 42 bituma abamaze gukira bose baba 1,754 naho abakirwaye ni 1,124. Abantu 11 nibo bamaze guhitanwa na COVI-19.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ishami ry’umuryango w’abibumbye ryita ku buzima (OMS) n’iryita ku bana (UNICEF), basabye ibihugu bya Afurika guteza imbere uburyo burimo kwirinda, ku buryo amashuri yakongera gufungura imiryango muri iki cyorezo cya Coronavirus.

Aya mashami y’Umuryango w’Abibumbye avuga ko gukomeza gufunga amashuri ari ibintu byagira ingaruka mbi ku banyeshuri.

OMS na UNICEF basabye za leta gushora imari mu bikorwa remezo by’isuku, mu kwirinda ikwirakwira ry’ubwandu bwa Coronavirus mu mashuri, hanyuma bakongera kuyafungura.

Iyi miryango yavuze ko abanyeshuri bari kurya indyo ituzuye, abakobwa bari guterwa inda imburagihe ndetse bagakorerwa n’urugomo, muri iki gihe bakomeje kuguma mu rugo batari ku ishuri.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 52 bakize Covid-19 mu Rwanda abandi 21 barayandura

Minisiteri y’Ubuzima yatangaje ko uyu munsi tariki ya 27 Ugushyingo 2020,...
27 November 2020 Yasuwe: 903 0

RIB iri gushakisha umugabo w’imyaka 36 wasambanyije umwana

Urwego rw’Igihugu rushinzwe Ubugenzacyaha (RIB) rurashakisha uwitwa Ikuzwe...
26 November 2020 Yasuwe: 1654 0

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 3108 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1125 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2339 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4665 0