Umunyamabanga wa PSR yavuze ukuntu muri Jenoside Abafaransa bihinduraga abirabura

Amakuru   Yanditswe na: Nsanzimana Ernest 6 November 2017 Yasuwe: 1307

Umunyamabanga w’ ishyaka ry’ abakozi PSR, avuga ko muri Jenoside yakorewe abatutsi mu Rwanda Abafaransa bajyaga gukora jenoside bihinduye abirabura.

Alphonse Kayiranga Mukama yabivugiye mu kiganiro Ishyaka PSR n’ ishyaka UDPR bahaye abanyamakuru kuri uyu wa Mbere 6 Ugushyingo 2017.

Mukama yashimangiye ibyari bimaze kuvugwa na Depite Rucibigango Jean Baptitse ko indege yari itwaye Juvenal Habyarimana yarashwe n’ Abafaransa, agaragaza uruhare rw’ Abafaransa muri Jenoside yakorewe abatutsi aho yavuze ko n’ amaso yiboneye abazungu b’ Abafaransa bihinduye abirabura.

Mukama yavuze ko ibyo abafaransa bongeye gukora cyo kubyutsa iperereza ku wahanuye indege ya Habyalimana barimo kubiterwa nuko bakoze ibyaha ntibahanwe.

Ati “Ubundi iyo umunyacyaha abadahanwe ni nka bombe…ahora yikanga uwamuvugaho ibyo yakoze. Tubahaye urugero bw’ u Bufaransa muri jenoside yakorewe Abatutsi, iriya ngengabihe yose ya Jenoside abafaransa bayigizemo uruhare.

“Guhera 1990 kugeza 1994, reka nekuvuga ibyo abandi bavuze mbabwire ibyo niboneye. Mpere 1992, niberaga mu ntara y’ uburengerazuba narinje I Kigali, ngeze hariya Nyabugogo nasanze hariya ku kiraro cyo kwa Mirimo, mu rufunzo, hari ingabo z’ Abafaransa, bari bisize amarangi y’ umukara, kuvuga ngo ni godoro ntabwo byaba aribyo kuko abazungu bazi agaciro k’ uruhu rwabo. Ni imiti yatumaga birabura”.

“Bari muri Somalia ko ntabyo bizize? Bari muri centre Afrika ko ntabyo bisize? Ni uko bari bazi icyo baje gukora! “Bagira ngo bya byuma byabo nibibafata amashusho bazavuge ngo dore ni abirabura nta muzungu urimo”

Mukama avuga ko abazungu bafataga abantu bamwe bakabicaza kuri za bariyeri abandi bakabareka abagakomeza, ngo abicazwaga kuri bariyeri ntawe utanga ubuhamya bw’ uko byagenze kuko bicwaga.

Hashize imyaka 23 Jenoside yakorewe abatutsi igahitana abarenga miliyoni ibaye. Kuva icyo gihe kugeza ubu u Rwanda ntirusiba gutunga urutoki u Bufaransa kukuba bwaba bwaragize uruhare muri jenoside yakorewe abatutsi. U Rwanda rwifuza ko u Bufaransa bwakwemera uruhare bwagize muri jenoside yakorewe abatutsi bukanasaba imbabazi ariko u Bufaransa busa n’ ubutabikozwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Kayumba Casmir yitabye Imana bitunguranye

Kayumba William Casmiry wari umaze igihe kinini akora mu itangazamakuru...
16 January 2018 Yasuwe: 1797 0

Minisitiri Uwacu yasabye abanyeshuri guhoza ku mutima indangaciro z’ umuco...

Minisitiri w’Umuco na Siporo Uwacu Julienne yasabye urubyiruko 150 rwavuye...
15 January 2018 Yasuwe: 164 0

Nyamirambo: Umugore bakundaga kwita Mama Fifi bamusanze mu nzu...

Munyana Aline bakundaga kwita Fifi waruzaga akabari , I Nyamirambo mu...
15 January 2018 Yasuwe: 2604 0

Ibyo Bishop Rugagi yahanuriye Umurundikazi byarasohoye UN irumirwa

Umurundikazi wakoreraga umuryango w’Abibumbye mu gihugu cya Sudan y’epfo...
13 January 2018 Yasuwe: 2170 0

Gacinya yasabye gufungurwa akajya kwita ku mugore n’abana

Umuyobozi wa Kompanyi ya MICON akaba na visi Perezida w’ikipe ya Rayon...
11 January 2018 Yasuwe: 686 0

Umunyekongo ukekwaho kwica Dr Dusabe yagejejwe imbere y’ urukiko

Umugabo ukomoka muri Repubulika iharanira Demukarasi ya Congo bwa mbere...
11 January 2018 Yasuwe: 888 0