Umunyamakuru Habimana Olivier wa RBA yatawe muri yombi akekwaho gukwirakwiza ibihuha

Amakuru   Yanditswe na: Dusingizimana Remy 26 March 2019 Yasuwe: 7385

Umunyamakuru Habimana Olivier ukorera ikigo cy’igihugu cy’itangazamakuru RBA, kuri Radio y’Abaturage ya Rubavu (RC Rubavu), yatawe muri yombi akekwaho ibihuha bigamije guhungabanya umutekano w’igihugu.

Dosiye ikubiyemo ibiregwa Habimana yamaze gushyikirizwa ubushinjacyaha bumukurikiranyeho icyaha cyo gukwirakwiza ibihuha abinyujije ku rubuga rwa You tube nkuko RIB yabitangarije Ukwezi.rw dukesha iyi nkuru.

Mu cyumweru gishize nibwo Olivier Habimana yatawe muri yombi n’inzego z’umutekano zamusanze i Rubavu aho asanzwe akorera akazi k’itangazamakuru,nyuma yo gushyira ku rubuga rwa You tube amashusho akwirakwiza ibihuha, agaragazaga ibinyoma ku bijyanye n’ikibazo cy’umutekano mu gihugu.

Nyuma yo gukora iperereza, inzego z’umutekano zaje gutahura ko konti (account) ya You tube yakoreshaga n’ubwo itari mu mazina ye, ari we waba uyifashisha mu gukwirakwiza amakuru y’ibihuha yagira ingaruka ku mutekano n’umudendezo wa rubanda.

Arthur Asiimwe, umuyobozi mukuru wa RBA, yabwiye ikinyamakuru Ukwezi dukesha iyi nkuru ko umunyamakuru wabo afunzwe akaba arimo gukorwaho iperereza n’inzego z’umutekano ku bihuha yakwirakwije, gusa uyu muyobozi asobanura neza ko ibyo yakoze ntaho bihuriye n’akazi asanzwe akorera iki kigo, ahubwo ko ari ibyo akekwaho gukora ku giti cye biri hanze y’akazi ka RBA.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mahoro

    AHO GUKORERA IGIHUGU UMUNTU AGISEBYA YAGENDA NEZA AGASANGA ABO YEMERA AKAGENDA ARI UMWE AHO KWICA BENSHI MUBWONKO

    2 months ago
  • chat_bubble fkaka

    ariko njye ko numva aribihuha muba mubafungira iki ntibyaba ahubwo arukubamenyakanisha cne

    2 months ago

Inzindi nkuru

Perezida Kagame yasubije ibibazo bitandukanye yabazwaga n’urubyiruko birimo...

Perezida wa Repubulika, Paul Kagame yasubije ibibazo bitandukanye yabazwaga...
15 June 2019 Yasuwe: 6923 1

Perezida Kagame yagaragarije abitabiriye inama ya“Eisenhower Fellowoships”...

Ubwo yari mu nama y’Umuryango Mpuzamahanga witwa “Eisenhower Fellowoships”...
14 June 2019 Yasuwe: 593 0

Ibihugu byo mu Karere k’Uburasirazuba byatangarije rimwe imari bizakoresha...

Mu gihe kimwe kuri uyu mugoroba wo kuwa kane tariki 13 ba minisitiri b’imari...
14 June 2019 Yasuwe: 1561 2

U Rwanda rwakiriye abanyarwanda 20 bari bamaze igihe batoterezwa muri...

U Rwanda rwaraye rwakiriye abanyarwanda barenga 20 bari bamaze igihe...
13 June 2019 Yasuwe: 2224 1

RWAMAGANA:Nduwayezu yasanzwe yapfuye bivugwa ko yazize inzara yatewe...

Mu Karere ka Rwamagana mu murenge wa Fumbwe hafi y’urugabano rw’Aka Karere...
12 June 2019 Yasuwe: 5277 3

Perezida Kagame yagiriye uruzinduko muri Nigeria nyuma yo kuva kuri Gabon...

Nyakubahwa perezida wa Repubulika,Paul Kagame, yasuye igihugu cya Nigeria...
11 June 2019 Yasuwe: 2712 0