Umunyemari Habumugisha nyiri Goodrich TV wakubitiye umukobwa mu ruhame yongeye gutabwa muri yombi

Amakuru   Yanditswe na: Dusingizimana Remy 9 October 2019 Yasuwe: 2938

Umunyemari Dr Francis Habumugisha wamenyekanye cyane kubera amashusho yagiye hanze ari gukubitira umukobwa witwa Kamali Diane mu ruhame,yongeye gufungwa nyuma y’iminsi mike urukiko rutegetse ko aburana ari hanze.



Kuri uyu wa Kabiri,taliki ya 08 Ukwakira 2019,nibwo Urukiko Rwisumbuye rwa Nyarugenge rwategetse ko uyu munyemari yongera gufatwa agafungwa nyuma y’Ubujurire bw’Ubushinjacyaha.

Ku wa 23 Nzeri nibwo Urukiko rwisumbuye rwa Nyarugenge rwarekuye by’agateganyo,

Dr Francis Habumugisha, umushoramari akaba na nyiri Goodrich TV, ukurikiranyweho gukubitira mu ruhame umukobwa witwa Kamali Diane, icyaha ashinjwa ko yakoze ku wa 15 Nyakanga.

Mu kuburana ku ifungwa n’ifungurwa ry’agateganyo, Ubushinjacyaha bwasabye ko Habumugisha afungwa by’agateganyo mu gihe hakomeje iperereza, kugira ngo atazasibanganya ibimenyetso mu gihe urukiko rwo rwategetse ko yaburana ari hanze cyane,kubera ko yatanze abishingizi urukiko rusanga ari abantu bazwi kandi b’inyangamugayo.

Urukiko kandi rwagaragaje ko kuba icyaha Dr Habumugisha akurikiranyweho kitamufungisha igifungo kirenze imyaka itanu, ibi biri mu byo urukiko rwavuze ko bituma akurikiranwa ari hanze.

Umwanzuro w’urukiko rwisumbuye rwa Nyarugenge kuri uyu wa Kabiri, wemeje ko Ubujurire bw’Ubushinjacyaha kuri Dr Habumugisha Francis bufite ishingiro, rwemeza ko akurikiranwa afunzwe, bityo agomba guhita afatwa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Kimiya

    Imyaka mike bagombye gufunga uyu mugabo nako amezi ni 6 i Mageragere.

    2 months ago

Inzindi nkuru

Dr Donald Kaberuka yahawe imirimo mishya

Kuri uyu wa Gatanu taliki ya 6 Ukuboza 2019,inteko rusange y’ umuryango w’...
7 December 2019 Yasuwe: 3149 0

Karongi:Basabose Pierre yakubise ishoka Gitifu mu mutwe

Umuturage witwa Basabose Pierre wo mu mudugudu wa Gafuruguto, Akagari ka...
7 December 2019 Yasuwe: 6618 2

Uwanyirigira Marie Chantal yatorewe kuyobora akarere ka Burera

Yasimbuye kuri uyu mwanya Uwambajemariya Florence wagizwe Umunyamabanga...
6 December 2019 Yasuwe: 2286 0

Abadepite mu Nteko Ishinga Amategeko y’u Rwanda bagiye kwegera abaturage mu...

Abadepite mu Nteko Ishinga Amategeko y’u Rwanda bagiye kwegera abaturage mu...
6 December 2019 Yasuwe: 564 0

Rusizi: Umukecuru yateye imboga nyinshi kugira ngo ajye aziha abaturanyi be...

Umukecuru witwa Mukangwije Thacienne ukomoka mu karere ka Rusizi mu...
4 December 2019 Yasuwe: 3795 1

Guciririkanwa n’umumotari muri 2020 bizaba ari amateka

Kuri uyu wa Mbere tariki 2 Ukuboza i Kigali ,ikigo cy’ikoranabuhanga cyo...
4 December 2019 Yasuwe: 1657 0