Umupaka w’u Rwanda na RDC wafunzwe kubera icyorezo cya Ebola kiri kuvuza ubuhuha I Goma

Amakuru   Yanditswe na: Dusingizimana Remy 1 August 2019 Yasuwe: 1105

Mu gitondo cyo kuri uyu wa Kane,imipaka ihuza u Rwanda na Repubulika Iharanira Demokarasi ya Congo yo mu Karere ka Rubavu yafunzwe kubera icyorezo cya Ebola gikomeje guca ibintu mu mujyi wa Goma.



Kuri uyu wa Kane mu gitondo,nibwo abaturage bakorera ubucuruzi n’akazi mu mujyi wa Goma babujijwe gutambuka kubera ko imipaka yafunzwe.

Ubuyobozi bwafashe uyu mwanzuro kubera ko mu mujyi wa Goma hamaze gupfa abantu 2 bahitanywe n’iki cyorezo ndetse hari n’umwana w’umwaka umwe bapimye bamusangana iyi ndwara ya Ebola.

Mu mibare mishya yatangajwe kuri uyu wa Gatatu yagaragaje ko abkongomani bagera ku 1,803 bamaze gutakaza ubuzima bwabo bishwe na Ebola.

Ubuyobozi bw’umujyi wa Goma nawo wahagaritse ingendo z’ amato ajya Bukavu mu gitondo cyo kuwa 31 Nyakanga kubera gushaka abahuye n’ umugore urwaye Ebola washakaga kujya Bukavu.

Ubuyobozi bw’ urwego rushinzwe abinjira n abasohoka mu mujyi wa Goma bwakajije umutekano ku byambu n’ ikibuga cy indege cya Goma kugira ngo abarwayi ba Ebola badakomeza kuyikwirakwiza.

Amakuru agera ku Umuryango ni uko iyi mipaka ishobora gufungwa hagati y’iminsi 21 n’ukwezi kugeza ubwo iki cyorezo kizaba gicogoye.

Umupaka muto wa Petite Barrière muri Rubavu usanzwe ucaho abantu ibihumbi 55 ku munsi mugihe uwa Grande Barrière ucaho abantu 7 000 ku munsi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gicumbi:Abakirisitu 3 ba ADEPR batawe muri yombi kubera gushoza imvururu mu...

Abakirisitu batatu bo mu itorero rya ADEPR batawe muri yombi n’Urwego...
22 November 2019 Yasuwe: 942 0

Dr Mutsinzi wabaye Perezida w’Urukiko rw’Ikirenga wa mbere nyuma ya Jenoside...

Dr Jean Mutsinzi wabaye Perezida w’Urukiko rw’Ikirenga wa mbere nyuma ya...
21 November 2019 Yasuwe: 2336 1

Minisitiri Nduhungirehe yahishuye impamvu nyamukuru yatumye inama y’abakuru...

Umunyamabanga wa Leta muri Minisiteri y’Ububanyi n’amahanga,ushinzwe EAC...
21 November 2019 Yasuwe: 2947 0

Burera:Abagabo 3 barashwe bavuye muri Uganda

Burera, abagabo batatu barashwe barakomereka ubwo bari bafatanywe Kanyanga...
20 November 2019 Yasuwe: 6251 1

Nyarugenge: Havumbuwe umurambo w’umukobwa ukiri muto wasanzwe yambaye...

Mu gitondo cyo kuri uyu wa Gatatu,Taliki ya 20 Ugushyingo 2019, mu murenge...
20 November 2019 Yasuwe: 6948 2

Rubavu: Umukozi wo mu rugo arakekwaho kwica abana 2 bo mu rugo yakoragamo...

Uwari umukozi wo mu rugo witwa Nyirarukundo Claudine, ari mu maboko y’Urwego...
20 November 2019 Yasuwe: 3587 2