Umusore ukekwaho ubujura yarasiwe I Shyorongi amaze gutema umuryango wa shoferi

Amakuru   Yanditswe na: Dusingizimana Remy 28 March 2019 Yasuwe: 8403

Umusore utaramenyekana umwirondoro yaraye arasiwe i Shyorongi ubwo yuriraga imodoka ipakiye ibirayi yamanuka igana i Kigali afite umupanga,yarangiza agatema ku idirisha rya shoferi.

Uyu musore yarashwe n’abapolisi mu rukerera rwo kuri uyu wa kane,Taliki ya 27 Werurwe 2019, mu murenge wa Kanyinya mu kagari ka Nyamweru, ku murambo we basanze nta bimuranga afite. Mugenzi we bari kumwe, yabashije gucika polisi nkuko amakuru yabitangaje.

Amakuru yahawe Umuseke dukesha iyi nkuru, avuga ko yari yitwaje umuhoro amaze guca ihema ritwikiriye ibirayi binyanyagira mu muhanda.

Umuvugizi wa Police mu mujyi wa Kigali CIP Marie Goretti Umutesi avuga ko umwe muri bariya bavugwaho gushaka kwiba yaje atemye ihema ibirayi bikanyanyagira mu muhanda mugenzi we agakomeza ajya gutema idirishya ry’aho shoferi yari yicaye.
Uyu ngo niwe warashwe arapfa ubwo yirukaga. Shoferi nawe yumvise isasu rivuze imodoka ayikubita ikiboko ava aho.

CIP Umutesi avuga ko abacuruzi batagomba guterwa ubwoba n’abo bajura kuko umutekano uba uhari kandi agasaba abafite ubushake bwo kwiba ko babwikuramo.

Uyu n’umuntu wa gatandatu urasiwe mu mujyi wa Kigali akekwaho ubujura urashwe muri uku kwezi.

Mu kiganiro Police y’u Rwanda iherutse guha abanyamakuru, Commissioner of Police Félix Namuhoranye ushinzwe ibikorwa muri Police y’igihugu yavuze ko nta ntego yo kurasa abajura ihari,asaba umuntu wese ufatiwe mu cyaha yakwirinda kurwanya abamufashe kuko byatuma bakoresha imbaraga zabo.Yanasabye cyane abakora icyaha cyo kwiba kubireka kuko ngo bitazabagwa neza.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Habumuremyi yasobanuye inzira yanyuzemo kugira ngo imodoka imusige nyuma...

Habumuremyi Jean Baptiste bakunze kwita ‘John’ utuye mu Mujyi wa Muhanga mu...
19 July 2019 Yasuwe: 6016 1

Perezida Kagame yifatanyije n’umuryango wa senateri Bishagara washyinguwe...

Nyakubahwa perezida wa Repubulika Paul Kagame yifatanyije n’umuryango wa...
19 July 2019 Yasuwe: 4546 0

Nyiringabo Claudine witeguraga ubukwe yaguye mu mpanuka y’imodoka ajya...

Umukobwa witwa Claudine Nyiringabo wo mu Murenge wa Macuba mu Karere ka...
19 July 2019 Yasuwe: 6713 2

KICUKIRO:Ikamyo nini itwara amavuta yaturitse ihitana ubuzima...

Abantu babiri bahitanywe n’ iturika ry’ ikamyo itwara amavuta yasudirwaga n’...
19 July 2019 Yasuwe: 3127 0

Rulindo: Umurambo wa DASSO wavumbuwe mu ishyamba n’abana bashakaga...

Umu DASSO witwa Nshimiyimana Denis wakoreraga mu murenge wa Cyinzuzi mu...
18 July 2019 Yasuwe: 2494 0

Umunyamakuru Constantin Tuyishimire wa Radio na TV1 yaburiwe...

Umunyamakuru witwa Constantin Tuyishimire wakoreraga Radio na TV1 I Gicumbi...
18 July 2019 Yasuwe: 10455 0