Umuvugizi wa ADEPR yavuze ko umukirisitu uzajya urwaza ‘Bwaki’ azajya ahagarikwa mu itorero

Amakuru   Yanditwe na: Iyamuremye Janvier 15 August 2017 Yasuwe: 1862 0

Umuvugizi wa ADEPR , Rev. Karuranga yatangaje ko nta mukirisitu ukwiye kurwaza bwaki cyangwa se ngo abana be bate ishuri, uyu muyobozi avuga ko umukirisitu nk’uwo akwiye guhagarikwa mu itorero.

Ibi yabitangarije mu karere ka Gasigara mu Ntara y’Amajyepfo ubwo umushumba mushya w’iryo torero, Jean Claude Bimenyimana yahabwaga inshingano ku mugaragaro, ku itariki ya 12 Kanama 2017.

Mu ijambo rye, Rev. Karuranga yagajeje ku bitabiriye uyu muhango yahamije umukirisitu urwaza bwaki cyangwa se abana be bagata ishuri akwiye guhagarikwa mu itorero kuko aba atakiri umukirisitu.

Agira ati “Bene uwo ntaba akwiye kwitwa umukirisitu kuko umukirisitu si uwirirwa azinze amaboko, ni uwishakamo ibisubizo, nk’uko na Leta ihora ibidushishikariza. Bene uwo ahubwo kuri jye mba numva yahagarikwa.”

Yasabye abashumba b’itorero bari mu turere tw’Intara y’Amajyepfo gukomeza kuba hafi abo bakirisitu bahura n’ibibazo bitandukanye bagafashwa mu buryo bwose bushoboka ariko abana babo bakabaho neza.

Agira ati “Biri mu nshingano z’umushumba kwegera bene abo bantu, akabigisha ndetse akanabafasha kuko uburyo burahari.

Hari uburyo busanzwe, hari n’uburyo bw’ubutunzi bw’amafaranga itorero rigomba gufashamo abo bantu.”

Pasitoro J Claude Bimenyimana, umushumba mushya w’itorero ADEPR yavuze ko iki kibazo kitazagorana ku gikemura kuko mu itorero harimo abantu benshi bize kandi bazi akamaro ko kugira ubuzima bwiza.

Mu magambo ye ati “Iki kiraro kucyambuka ntibikomeye kuko leta yacu ifite gahunda nziza yo guteza imbere Abanyarwanda,natwe nk’itorero dufite abantu bajijutse,harimo abarimu muri kaminuza n’abandi.

Igisigaye numva ari uguhaguruka twese ntawe usigaye tugasanga aba bantu tukabigisha kuko ntibyumvikana ukuntu umukirisitu arwaza bwaki.”

Ibitecyerezo

  • Log in

    Amategeko n'amabwiriza birkurikizwa


  • chat_bubble TOM

    Ibyo yavuze ni byo ariko nagire akemure n’ikibazo cy’abapasiteri bakoranye na bariya bari i Mageragere bakomeza kunyunyuza imitsi y’abakirisitu mu buryo butari bwo bakaba bacyidegembya mu buyobozi bw’itorero. Abakristo dutangiye kurambirwa gutegereza.

    1 month ago
  • chat_bubble schadrack

    ariko bagiye bareka kwirata iyo nimitsi yabachristo ahaze babatura amaturo nibyacumi nandi mafranga yimirengera baka se baba bashyira mungo zabo cyangwa urivugira abawe naho abacubo irabahitana mwigaramiye

    1 month ago

Inzindi nkuru

Iperereza ry’ ibanze ku rupfu rwa Pasiteri Maggie ryagaragaje ko yishwe...

Polisi y’ u Rwanda yatangaje ko iperereza ry’ibanze ryagaragaje ko Pasiteri...
16 September 2017 Yasuwe: 3995 0

Rusizi: Umuturage yishwe n’ isasu ryaturutse muri Congo

Iyamuremye Samuel wo mu Karere ka Rusizi, ku mugoroba wo kuri uyu wa...
16 September 2017 Yasuwe: 1001 0

Gatabazi yahawe ububasha n’uwo asimbuye asabwa gukorana neza na bose...

Kuri uyu wa 14 Nzeli, I Musanze ku kicaro cy’intara y’Amajyaruguru habereye...
14 September 2017 Yasuwe: 2288 1

Kamonyi: Hagiye kubakwa uruganda rukora ikigage gipfundikiye

Ahitwa Bishenyi mu karere ka Kamonyi mu murenge wa Runda mu kwezi gutaha...
12 September 2017 Yasuwe: 1441 0

Perezida Kagame yakiriye indahiro z’ abayobozi bashya batarahiye tariki 31...

Kuri uyu wa Mbere tariki 11 Nzeri 2017, Perezida w’ u Rwanda Paul Kagame...
11 September 2017 Yasuwe: 1505 0

Minisitiri w’ intebe mushya w’ u Rwanda yakorewe ibirori byo kumusezera no...

Minisitiri mushya w’ intebe w’ u Rwanda Dr Edouard Ngirente yakorewe ibirori...
9 September 2017 Yasuwe: 7250 1