addresiya
startimes

Umuyobozi wa Transparency International Rwanda ntiyumva impamvu WASAC ishaka ko ayibera umushoramari

Amakuru   Yanditswe na: Dusingizimana Remy 20 May 2019 Yasuwe: 4319

Umuyobozi wa Transparency international Rwanda, Ingabire Marie Immaculée yavuze ko atishimiye ibiciro by’amazi ndetse ngo azakomeza kubyamagana kugeza igihe ikigo gishinzwe gukwirakwiza amazi WASAC kizamusobanurira impamvu cyifuza ko akibera umushoramari.



Madamu Ingabire Marie Immaculée na benshi mu banyarwanda bagaragarije ku mbuga nkoranyambaga ko batishimiye ibiciro bishya by’amazi WASAC iherutse gushyiraho,bihanitse cyane.

Mu kiganiro madamu Ingabire Marie Immaculée yagiranye n’ikinyamakuru UKWEZI dukesha iyi nkuru,yatangaje ko yahagurukiye kwamagana ibi biciro bishya by’amazi byashyizweho na WASA, ndetse yemeza ko iki kigo kirimo gushaka ko abaturage baba abashoramari mu bikorwa byacyo byo gutunganya amazi, bityo ngo cyagakwiye no kwereka abo baturage inyungu bazajya bahabwa buri mwaka nk’abashoramari.

Yagize ati “Ubundi ntaho biba, biriya ni ugushaka kutugira aba investors (abashoramari), ntaho biba ko umuturage aba umushoramari mu bikorwa by’amazi.

Njyewe nzaceceka umunsi bansobanuriye neza impamvu ngomba kuba umushoramari muri WASAC,banyeretse n’inyungu nzajya mbona buri mwaka. Barashaka ko twishyura nk’aba investors (abashoramari) hari aho byabaye? Niba bakora bahomba kubera mismanagement (imicungire mibi) ni ikosa ryacu?.

Ingabire yakomeje ati: "Ubundi amazi ntiyakaduhenze mu gihe cyose twishyura ayo twakoresheje. Ikibazo ni uko bashaka kutwishyuza n’amafaranga bashyira muri investments (ishoramari) kandi atari twebwe ducuruza amazi. Muri ya myumvire mike yacu, bumvaga tutazabibona".

Kuwa 13 Gicurasi 2019, nibwo RURA iri kumwe n’ikigo gishinzwe amazi, isuku n’isukura,WASAC, basobanuriye abanyamakuru ibijyanye n’ibiciro bishya by’amazi, ngo byashyizweho hitawe kuri buri kiciro Umunyarwanda abarizwamo mu gukoresha amazi.

RURA yatangaje ko yagabanyije Abanyarwanda mu ibyiciro bitatu bitewe n’amazi ya WASAC bakoresha.

Icyiciro cya mbere kirimo abakoresha litiro ziri hagati ya zero na 5000 (0m3 -5m3) mu kwezi, aho umuntu azajya yishyura FRW 340/1m3 (ni ukuvuga litiro 1000).

Ikiciro cya kabiri kigizwe n’abakoresha guhera kuri litiro 5000 kugeza kuri litiro 20 000 bazishyura FRW 720 kuri litiro 1000.

Ikiciro cya gatatu kigizwe n’abakoresha hagati ya litiro 20 000 na litiro 50 000 mu kwezi, bazajya yishyura 845Frw kuri litiro 1000 bakoresheje.

Umuyobozi wa Transparency international Rwanda, Ingabire Marie Immaculée yasabye Inteko Ishinga amategeko nk’intumwa za rubanda, kurengera abaturage ngo kuko RURA na WASAC ataribo babatoye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Immaculee

    uvuze ukuri madame Immaculee. niba WASAC ibona ihomba, nicuruze amazi nkuko REG icuruza umuriro. umuntu agure unites z’amazi afitiye ubushobozi ariko bareke kwishyuza umunyamarwanda amafranga atuma yijujuta cg atanashoboye kwishyura. nta kibazo tugirana na REG KUKO TUGURA UMURIRO DUFITIYE UBUSHOBOZI.

    May 2019
  • chat_bubble Stiven

    Umvugiye ibintu rwose, Rura na Wasac bafashe umwanzuro bahubutse kuko ntabusobanuro bwumvikana batanga, basubizeho ibiciro bisanzweeee

    May 2019
  • chat_bubble Geovani Mbarubukeye

    Ngukunda kubi Imakulata we! Uwakugira Umuvunyi Mukuru cyangwa akakugeza Muri Parliament wadukorera akazi kose

    May 2019
  • chat_bubble ka

    ibyo uvuga nibyo ijana kwijana abadepite dutora bite byabo ko bagerayo bakicecekera bakabaye bagufasha kumvikanisha akababaro kacu abanyarwanda

    May 2019
  • chat_bubble mansoor

    urakoze wamubyeyi we!uretseko banabeshya kubyo bashing irahenze bishyuza amazi, murugo dukabije gukonsoma amazi ntitwarenza amajerekani atanu! bazanye factures nsanga byikubye 3 ugendeye kugiciro bavuga!jye mbona bashaka ko twishyura ibihombo barimo kdi ntaruhare tubifitemo!nyamuna ntumwa za rubanda mutuvugire turaremerewe!uzi kuba utarenzaga 2000,ukabona bazanye factures ya 6500!

    May 2019
  • chat_bubble

    Urakoze ga nukurimubyeyi,ibyuvu

    May 2019

Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2086 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 730 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20491 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1034 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1831 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8060 0