Umwe mu basirikare bashinjwa kwica umuturage yabwiwe ko niyemera icyaha azababarirwa

Amakuru   Yanditswe na: Iyamuremye Janvier 28 July 2017 Yasuwe: 3668

Abasirikare bato barimo uwitwa Pte Nshimyumukiza Jean Pierre na Pte Ishimwe Claude, bakurikiranyweho kwica Ntivuguruzwa Aimé Ivan, wari utuye i Gikondo mu karere ka Kicukiro imbere y’urukiko bahakanye ibyaha byose baregwa uko ari bitanu.

Aba bombi bashinjwa ibyaha bitanu birimo ubwicanyi n’ubufatanyacyaha mu bwicanyi, ubwambuzi bukoresheje ikiboko, ubugande ku kazi, kurasa nta tegeko no konona ibintu by’undi ku bw’inabi.

Kuri uyu wa 28 Nyakanga 2017 nibwo habaye urubanza rw’iburanishwa ryo mu mizi rwabereye aho icyaha cyakorewe mu murenge wa Gikondo akagari ka Karugira muri Kicukiro.

Tariki ya 23 Kamena 2017 nibwo bari bagejejwe imbere y’urukiko baburana ku ifungwa n’ifungurwa ry’agateganyo, umwe muri aba basirikare yari yemeye ibyaha aregwa byose mu gihe mugenzi we yari yemeye icy’ubufatanyacyaha mu bwicanyi gusa.

Mu kwisobanura ku mpamvu bahakanye ibyaha bari barabyemeye, umwe muri bo yagize ati “Jyewe nari nabwiwe ko nimbyemera nzababarirwa ariko naje gusanga ntakwishinja ibyaha ntakoze, kuko uwapfuye yarashwe mu rwego rwo kwitabara”.
Mugenzi we ati “Kubera ko uwapfuye yari arimo kunyambura imbunda, tuyirwanira, nanjye yashoboraga kunyica ndetse akaba yarasa n’abandi baturage. Umuntu rero iyo yishe undi mu rwego rwo kwitabara nta cyaha aba yakoze”.

Umushinjacyaha wa gisirikare, Cpt Rushakiro Ndaruhutse Felicien, yavuze ko bitumvikana ukuntu bahakana ibyaha bemereye imbere y’urukiko n’abantu.

Ati “Ubushize mu iburanishwa ku ifunga n’ifungurwa ry’agateganyo, abaregwa bemeye ibyaha ndetse no mu rukiko rukuru rwa gisirikare ni ko byagenze. Kuba rero bahinduye imvugo, ndasaba urukiko kubyitaho no kubiha agaciro”.

Me Uwimana Thaddé waburaniraga abaregwa, yasabye ko bagirwa abere bagafungurwa kuko ngo nta cyaha kibahama.

Ati “Umusirikare uri mu kazi yahawe, umuntu akaza kumwambura imbunda hanyuma akitabara, jye ndumva yarakoze ibyo yagomabaga gukora.

Nizeye ko urukiko mu bushishozi bwarwo, abaregwa ruzabagira abere kuko ibyaha baregwa ntabyo bakoze”.

Perezida w’urukuko, Maj Sumanyi yavuze ko urubanza ruzasubukurwa ku wa 8 Nzeri 2017 saa tatu za mugitondo, kugira ngo abaregera indishyi n’abaziregwa bazisobanure.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Kananga evarist

    Nizerako ubutabera bw’u Rwanda mubushishozi bwarwo aba bakurikiranyweho ibyaha bitandukanye ndetse n’umuryango wabuze umuntu wabo nkanavuga societe nyarwanda muri rusange twizereko ubutabera butatangwa kandi neza maze nubwo uwitabye Imana atagaruka, ubutabera buganze mu rwanda, abahamwe n’ibyaha bahanwe.

    3 months ago
  • chat_bubble uwimana

    ubu ibizingiti amasasu yatoboye bwo yarwanaga nade ( ubo wasanga madimba abihakana koko)

    3 months ago

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 836 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1536 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2401 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3176 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4761 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2999 0