Undi mugororwa yatorotse gereza akoresheje umugozi

Amakuru   Yanditswe na: Martin Munezero 9 April 2018 Yasuwe: 4805

Urwego rushinzwe imfungwa n’abagororwa (RCS) rwatangaje ko mu ijoro ryo kuri iki cyumweru taliki ya 8 Mata 2018, umugororwa witwa Mwumvaneza Patrick yatorotse Gereza ya Huye iherereye ku Karubanda.

Umuvugizi wa RCS, SIP Sengabo Hillary, yabwiye itangazamakuru ko Mwumvaneza Patrick yatorotse yuriye uruzitiro akoresheje umugozi.

Yagize ati “Yego ni byo yatorotse mu ijoro ryacyeye. Yakoresheje imigozi ubu hari gukorwa iperereza kugira ngo tumenye aho aherereye.”

Mwumvaneza Patrick w’imyaka 30 y’amavuko yari yarakatiwe igihano cyo gufungwa burundu y’umwihariko nyuma yo guhamwa n’icyaha cyo gusambanya umwana w’umukobwa no kumufasha gukuramo inda mu Ukuboza 2017.

Uwo mwana w’umukobwa w’imyaka 14 ni umwe mu mpunzi zikomoka muri Repubulika Iharanira Demokarasi ya Congo zicumbitse mu Nkambi ya Kigeme mu Karere ka Nyamagabe.

Icyo gihe byavuzwe ko uwo mukobwa babanaga mu nzu imwe amukorera imirimo yo mu rugo, nyuma yo kumutera inda, uyu mugabo yahise amushakira imiti yo kuyikuramo.

Mwumvaneza Patrick akomoka muri Repubulika iharanira Demokarasi ya Congo, yari acumbitse mu nkambi y’impunzi ya Kigeme iherereye mu Murenge wa Gasaka, Akarere ka Nyamagabe.

Amategeko ahana y’u Rwanda agena ko umuntu wese utoroka yarakatiwe ahanishwa igihano gikubye inshuro ebyiri icyo yari asigaje ariko uyu watoroste nta kindi kiri hejuru y’igifungo cya burundu y’umwihariko kiba mu Rwanda.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble habinshuti martinez

    ntimuzongere kuvugako harumugororwa watorotse gereza kuko iyiturufu yogucikisha ba ruharwa hakoreshejwe imigozi imaze kurambirana mu magereza ..ikindi utarafungwa Ho narimwe niwewabyemera. Kuko uburinzi bukorwa muri gereza ntahandi bubaho. Ahubwo Afande Hirary abacunga gereza bawe bigeho kuko babifitemo ubufatanye nabatoroka. Ntibyumvikana uburyo muri gereza imwe hatoroka abantu 4 Bose bakoresheje imigozi mugihe kitarenze umwaka..

    9 April

Inzindi nkuru

Perezida Kagame yavuze aho agejeje amenya ururimi rw’Igifaransa

Perezida wa Repubulika y’u Rwanda Paul Kagame yahishuye ko amaze kumenya...
16 October 2018 Yasuwe: 2801 3

Mu Rwanda hatangijwe amasomo ajyanye n’ubwenge bw’ubukorano azamara...

Ikigo Nyafurika gitanga ubumenyi bushingiye ku mibare, AIMS, cyatangiye...
15 October 2018 Yasuwe: 899 1

Mu mezi 6, u Rwanda rwahombye miliyari 204 n’ abaturage barenga 200 kubera...

Minisiteri y’ Ibiza no gucyura impunzi Midimar, yatangaje ko mu mezi...
15 October 2018 Yasuwe: 620 0

‘Dufite Abanyarwanda bajya kwanduranya mu gihugu cy’abaturanyi’- Gen. Mubarak...

Gen. Mubarak Muganga yaburiye abanyarwanda bajya kwanduranya muri Tanzania...
14 October 2018 Yasuwe: 3605 0

Pro- Femmes Twese Hamwe yishimiye itorwa rya Mushikiwabo

Profemmes Twese Hamwe yishimiye itorwa rya Mushikiwabo Abanyamuryango b’...
13 October 2018 Yasuwe: 329 0

Umwana w’umukobwa yabonye inzoka nini cyane mu cyumba cye nijoro...

Umukobwa witwa Ashleigh Muller w’imyaka 19,ukomoka mu mujyi wa Brisbane muri...
12 October 2018 Yasuwe: 4750 0