Urubanza rwa wa muyobozi wa Goodrich TV uherutse gukubita umukobwa rwasubitswe kubera internet

Amakuru   Yanditswe na: Dusingizimana Remy 17 September 2019 Yasuwe: 3311

Urukiko rw’ibanze rwa Nyamirambo rwasubitse gusoma urubanza ku ifunga n’ifungurwa ry’agateganyo ry’umunyemari Francis Habumugisha kubera ibura rya murandasi ndetse n’ibimenyetso bitarajya mu ikoranabuhanga.



Kuwa Gatanu w’icyumweru gishize, taliki ya 13 Nzeri 2019, nibwo Dr Francis Habumugisha uherutse kugaragara akubitira umukobwa witwa Kamali Diane mu ruhame ndetse akanavuna telefoni ye yagejejwe imbere y’ubutabera ,nyuma y’aho perezida Kagame yemeje ko agiye gukurikirana iki kibazo.

Urukiko rwibanze rwa Nyarugenge rwumvise iburana rya Dr Francis Habumugisha wasabaga kurekurwa by’agateganyo nyuma yo gushinjwa guhohotera abakobwa babiri barimo uyu Kamali Diane yakubise urushyi ndetse n’undi witwa Mary Magdalene Nzaramba yatutse ibitutsi bikomeye ubwo bari mu nama ya kompanyi yitwa Alliance Motion yakubitiyemo uyu Kamali.

Dr Francis Habumugisha wafashwe amashusho na CCTV akubita Kamali kuwa 15 Nyakanga 2019, yabanje guhakana ibyo yashinjwaga n’ubushinjacyaha byo gukubita Kamali ariko nyuma aza kwigarura yemera ko yamukubise agashyi gato.Habumugisha yahakanye ibyo yasabye ko yarekurwa.

Habumugisha yavuze ko Kamali na Nzaramba bari bahanganye mu bucuruzi.Ngo bari bahagarariye indi kompanyi ikora nk’ibyo akora muri Uganda ndetse ngo bakoreraga mu Rwanda mu buryo budakurikije amategeko ndetse ngo niwe wenyine wari ufite ibyangombwa wenyine mu Rwanda.

Habumugisha yavuze ko aba bakobwa babiri bashakaga kumugambanira ngo afungirwe muri Uganda kuko ngo bagiye baha abayobozi b’iki gihugu amafoto ari kumwe n’abo mu Rwanda kugira ngo nasubira muri iki gihugu bazamufate bamufunge bamwita maneko.Ngo iyi niyo ntandaro y’inzigo yari hagati yabo.

Umucamanza amubajije aho guhangana muri business bihuriye no gukubita ndetse no kumena telefoni ya kamali yavuze ko yazabiranyijwe n’uburakari kubera ko ngo bashakaga kumufungisha muri Uganda ndetse bakaba bamufataga n’amajwi.

Urukiko rwavuze ko impamvu iri somwa ryasubitswe ari uko havutse ikibazo cya murandasi, kuba hari CD igaragaza Habumugisha ahohotera umukozi we itarashyirwa mu ikoranabuhanga rikoreshwa n’urukiko, no kuba inyandiko z’abishingizi ba Habumugisha zari zitaratangwa.

Ubushinjacyaha bwasabye ko Habumugisha afungwa by’agateganyo,urukiko ruvuga ko ruzasoma urubanza kuri uyu wa Kabiri ariko birangiye rwimuriwe tariki 23 Nzeri 2019.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abantu bagura ibibanza bikamara imyaka irenga 3 batarabyubakamo akabo...

Minisiteri y’Ibidukikije yatangaje ko igiye gufata mu buryo bukomeye ikibazo...
26 February 2020 Yasuwe: 2160 2

Musanze:Uwatwikiwe abana 2 yavuze uburyo abaturanyi be bigeze kumwita...

Ku mugoroba wo kuwa Gatandatu tariki ya 22 Gashyantare 2020, umuryango...
26 February 2020 Yasuwe: 2093 0

Minisitiri w’Imari n’Igenamigambi Dr. Ndagijimana Uzziel yagaragaje uburyo...

Minisitiri w’Imari n’Igenamigambi Dr. Ndagijimana Uzziel,yagaragejo ko...
25 February 2020 Yasuwe: 445 2

LODA yashyikirije Inteko Ishinga Amategeko ibisubizo by’ibibazo byagaragaye...

Ikigo k’igihugu gishinzwe guteza imbere ibikorwa by’iterambere mu nzego...
23 February 2020 Yasuwe: 1931 0

Abasaga ibihumbi bibiri bitabiriye umuhango wo gushyingura Kizito Mihigo...

Umuryango,inshuti n’abavandimwe ndetse n’abafana b’umuhanzi Kizito Mihigo...
22 February 2020 Yasuwe: 30854 2

Gatuna: Hatangajwe igihe abanyarwanda bazasubirira muri Uganda

Kuri uyu wa Gatanu taliki ya 21 Gashyantare 2020 nibwo abakuru b’ibihugu...
21 February 2020 Yasuwe: 15901 0