Uruganda rwa Rwigara rwareze Leta y’ u Rwanda

Amakuru   Yanditswe na: Nsanzimana Ernest 31 January 2018 Yasuwe: 4098

Urukiko rw’ubucuruzi rwa Nyarungenge, rwatangiye kuburanisha urubanza Uruganda “ Premier Tobacco Company” rw’umuryango wa Rwigara Assinapol, ruregamo ikigo c’igihugu gishinzwe kwinjiza imisoro n’amahoro RRA. Uru ruganda , rusaba urukiko gutegeka iki kigo, kuvanaho inzitizi zose zatumye uru ruganda ruhagarika akazi karwo k’ubucuruzi.

Mu kirego cyihutirwa cyatanzwe n’Uruganda Premier Tobacco Company” rwunganirwa na Me Janvier Rwagatare, rwagejeje ku rukiko rw’ubucuruzi rwa Nyarugenge, uru ruganda rusaba urukiko guhatira ikigo cy’igihugu gishinzwe kwinjiza imisoro n’Amahoro, gukuraho inzitizi zigera kuri 3 zibuza uruganda gukomeza akazi karwo k’ubucuruzi.

BBC dukesha iyi nkuru, itangaza ko uyu munyamategeko yabwiye urukiko ko ikigo cy’imisoro cyafatiriye ibikoresho ngenderwaho by’uruganda. Mu byo yavuze harimo amakonti yo mu mabanki yafunzwe ndetse n’ibitabo by’ibaruramutungo byafatiriwe.
Yavuze kandi n’ububiko bw’itabi ryamaze gukorwa ndetse n’ibikoresho byifashishwa mu gukora itabi byafunzwe.

Yabwiye umucamanza ko ikigo PTC cyagize igihombo gikomeye cyatewe n’uku gufungirwa, ko cyatakaje abakiliya ba buri munsi ndetse kikaba gishobora no gutakarizwa icyizere kubera amasezerano cyari cyarasinye ntikiyubahirize kubera gufungirwa.

Yasabye urukiko gukuraho izi nzitizi kugira ngo uruganda rushobore gukomeza gukora bityo n’igihugu gikomeze kunguka kubera imisoro myinshi yatangwaga n’uru ruganda.

Uruhande rwunganira ikigo cy’imisoro rwo rwavuze ko nta kintu cyihutirwa muri iki kirego kuko imirimo y’uruganda itahagaritswe.

Bavuga ku makonti yafunzwe, abanyamategeko Clement Gatera na Bajeni Byiringiro bunganira ikigo cy’imisoro bavuze ko icyemezo cyafashwe kubera imisoro itarishyuwe.

Ku byafatiriwe, aba banyamategeko bavuga ko ntacyo byahungabanije ku mikorere y’uruganda kuko bitari ibikenerwa umunsi ku wundi.
Gusa umunyamategeko Rwayitare wunganira uruganda akavuga ko ibi ari ukwigiza nkana.

Yibajije ukuntu uruganda rwakora kandi ibikoresho by’ibanze bifungiranye, rudashobora kugera mu bitabo by’ibaruramari ndetse ngo rushobore gukoresha amakonti yarwo.

Ubwo bavugaga ko akazi katahagaze humvikanye urusaku rw’abo byabonekaga ko bahagarariye abakozi basaga n’abatemera ibivuzwe.
Aba bari bake mu bakozi babarirwa muri 200 bakoreraga uruganda ngo bamaze amezi 7 baraheze mu gihirahiro.

Uruganda Premier Tobacco Company ni urw’umuryango wa Rwigara Assinapol umaze imyaka ibiri apfiriye mu mpanuka y’imodoka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble KAYUMBA

    MUKOSORE INTERURO YANYUMA MWIBESHYE AHUBWO AMAZE IMYAKA IBIRI YICIWE MU MPANUKAA YIMODOKA

    3 weeks ago

Inzindi nkuru

Umunyamakuru Mama Eminente wari ufungiye ubwambuzi bushukana...

Nyuma y’ igihe gito hatangajwe amakuru y’ uko umunyamakuru Mugabushaka Jeanne...
22 February 2018 Yasuwe: 3337 0

Perezida Lungu ategerejwe I Kigali

Umukuru w’ igihugu cya Zambia Edgar Lungu kuri uyu wa Gatatu tariki 21...
21 February 2018 Yasuwe: 299 0

Umuturage yasabye Uganda kwemerera imfungwa n’ abagororwa gutora

Umuturage wa Uganda yandikiye urukiko rukuru rwa Kampala arugaragariza...
20 February 2018 Yasuwe: 228 0

Abamotari ntibumva impamvu bacibwa amande bakuyeho umugenzi

Abamotari ntibumva impamvu bacibwa amande bakuyeho umugenzi Abamotari...
17 February 2018 Yasuwe: 734 0

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 529 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2641 4