Urukiko rwategetse ko Nsabimana Callixte “Sankara” afungwa iminsi 30 y’agateganyo adahari

Amakuru   Yanditswe na: Dusingizimana Remy 28 May 2019 Yasuwe: 1487

Urukiko rw’Ibanze rwa Gasabo rwemeje ko Nsabimana Callixte uzwi nka Sankara uherutse kwemera ibyaha 16 yashinjwe n’ubushinjacyaha akabisabira imbabazi, ko yafungwa iminsi 30 by’agateganyo.

Uru rukiko rwafashe uyu mwanzuro nyuma y’aho uregwa n’umwunganira mu mategeko bombi ntawaje kumva Icyemezo cy’urukiko.

Kuwa 23 Gicurasi 2019,nibwo Nsabimana Callixte “Sankara”,yagejejwe imbere y’urukiko kugira ngo yiregure ku byaha 16 yashinjwe n’ubushinjacyaha birimo birimo Kurema umutwe w’ingabo zitemewe, Iterabwoba ku nyungu za politike, Gukora no kugira uruhare mu bikorwa by’Iterabwoba, Gutanga amabwiriza mu bikorwa by’Iterabwoba, Kuba mu mutwe w’Iterabwoba, Ubwicanyi n’ubwinjiracyaha mu bwicanyi, Kugambana no gushishikariza abandi iterabwobwa.

Sankara yemeye ibyaha byose yashinjwaga ndetse agaragaza asaba imbabazi abanyarwanda n’umukuru w’igihugu kubera ibikorwa by’ubwicanyi bwakozwe n’ingabo z’umutwe wa FLN yari abereye umuvugizi.

Me Nkundabarashi Moise wunganira Nsabimana yavuze ko umikiriya we hari amakuru menshi yatanze n’inyandiko zafashwe, ku buryo ashobora kurekurwa agakurikiranwa adafunzwe, kuko atabangamira iperereza.

Kuri uyu wa kabiri saa 15h15 nibwo umucamanza yageze mu cyumba k’iburanisha cyarimo abantu benshi barimo n’abanyamakuru benshi.

Umucamanza yasubiye mu byagiye bigarukwaho n’impande zombi ubwo zaburanaga ku ifunga n’ifungurwa by’agateganyo,birangira afashe umwanzuro w’uko Sankara w’imyaka 37 afungwa iminsi 30 by’agateganyo kugira ngo atazabangamira iperereza mu gihe hategerejwe ko urubanza rutangira kuburanishwa mu mizi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

U Rwanda rwungutse inkura 5 z’umukara rwakuye I Burayi

Ku nshuro ya mbere mu mateka habaye iyimurwa ry’inkura z’umukara eshanu...
24 June 2019 Yasuwe: 1107 0

Perezida Kagame yasabye abanyaburayi kugabanya kumva ko bari hejuru mu...

Nyakubahwa perezida Paul Kagame yasabye ibihugu byo ku mugabane w’Uburayi...
24 June 2019 Yasuwe: 884 1

Dore amwe mu mazina ajimije abantu basigaye bakoresha iyo bagiye kugura...

Ubusanzwe umuntu agura agakingirizo agamije kwikingira indwara zandurira mu...
22 June 2019 Yasuwe: 5522 1

Hatangajwe igihe filime ivuga ku butwari bw’ingabo 600 za FPR Inkotanyi zari...

U Rwanda ruri kwizihiza imyaka 25 ishize rubohowe, umunsi nyirizina...
22 June 2019 Yasuwe: 2644 1

Urukiko rwatesheje agaciro ubusabe bwa Lt. Mutabazi

Urukiko rw’ubujurire rwatesheje Agaciro ubusabe bwa Liyetona Joel Mutabazi...
22 June 2019 Yasuwe: 512 0

Minisitiri Gashumba yikomye kiriziya Gatolika yitambitse gahunda ya Leta yo...

Minisitiri w’Ubuzima, Diane Gashumba, yasabye yasabye Abasenateri n’Abadepite...
21 June 2019 Yasuwe: 2341 1