Urukiko rwatesheje agaciro ubujurire bw’abo kwa Rwigara kuri cyamunara yakozwe ku mashini z’uruganda rwabo rw’ itabi

Amakuru   Yanditswe na: Dusingizimana Remy 1 April 2019 Yasuwe: 1461

Urukiko rwisumbuye rwa Gasabo rwatesheje agaciro ubujurire bw’abo kwa Rwigara kuri cyamunara yakorewe imashini z’uruganda rwabo rw’ itabi PTC yakozwe mu mwaka ushize.



Kuri uyu wa Mbere taliki ya 01 Mata 2019 nibwo Urukiko rwisumbuye rwa Gasabo rwategesheje agaciro ubujurire bw’ umuryango wa Rwigara kuri cyamunara y’imashini z’ uruganda rwabo rw’ itabi rwa PTC ariko ntirwahita rugaragara icyo rwashingiyeho rufata iki cyemezo.

Muri Mutarama uyu mwaka,nibwo Umucamanza mu rukiko rw’ubucuruzi rwa Kigali mu Rwanda yanzuye ko Uwamahoro Anne Rwigara uyobora uru ruganda rw’itabi rwa se ndetse na mugenzi we witwa Neza Yvonne wari ushinzwe icungamutungo ko bagize uruhare mu micungire mibi y’imari yatumye uruganda rutishyura imisoro ingana na miliyari 6 FRW ndetse bakwiriye kuziryozwa.

Umucamanza ntiyatangaje ingingo yashingiyeho afata icyemezo cyo gutesha agaciro ubujurire bw’ abo kwa Rwigara gusa yavuze ko zizatangazwa mu nyandiko izajya ahagaragara kuri uyu wa 2 Mata 2019.

Muri Kanama umwaka ushize nibwo hatejwe cyamunara imashini zikora itabi z’uruganda rw’itabi rwa PTC mu rwego rwo kwishyura imisoro uru ruganda rwari rubereyemo Leta.

Izi mashini zaguzwe akayabo ka miliyari 1.7 ndetse n’itabi ryagurishijwe miliyoni 500 Frw muri Werurwe uwo mwaka.

RRA n’ umuhesha w’ inkiko barezwe n’ uyu muryango ntabwo bagaragaye mu isomwa ry’ uyu mwanzuro wo kuri uyu wa Mbere.

Umuryango wa Rwigara watanze iki kirego uvuga ko icyamura cyakozwe ku ruganda rwabo ubwo hagurishwaga imashini zikora itabi kitakozwe mu mucyo.

Anne Rwigara wari uhagarariye uruganda PTC yabwiye itangazamakuru ko atishimiye iki cyemezo ndetse ku bwe cyererekana ko u Rwanda rugifite urugendo mu bijyanye n’ ubutabera ariko ngo yizeye ko buzagerwaho.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Karongi:Pasiteri yakubise umwana w’imyaka 15 amwangiza ubugabo

Umwana w’umuhungu ufite imyaka 15 wo mu murenge wa Bwishyura,mu karere ka...
15 November 2019 Yasuwe: 3930 0

Victoire Ingabire yasanishijwe n’ubutumwa Perezida Kagame yatangiye mu ngoro...

Abakoresha imbuga nkoranyambaga na bamwe mu banyamakuru, basanishije...
15 November 2019 Yasuwe: 4214 0

Sobanukirwa iby’ubutaka buri mu mujyi wa Kigali butabyazwa umusaruro bugiye...

Ku wa mbere tariki 11 Ugushyingo 2019 nibwo umujyi wa Kigali watangaje ko...
15 November 2019 Yasuwe: 2268 0

U Rwanda rwatesheje agaciro itangazo rya Leta ya Uganda rivuga ku bagande...

Guverinamo y’u Rwanda yatesheje agaciro itangazo rya leta ya uganda rivuga...
15 November 2019 Yasuwe: 2797 0

Umubyeyi wa Mutabazi meya w’akarere ka Bugesera yamutunguye mu biro bye...

Umuyobozi w’Akarere ka Bugesera Richard Mutabazi yatunguwe mu biro bye...
15 November 2019 Yasuwe: 10766 0

U Rwanda rwasabye Uganda kwimura ibiganiro bagombaga kugirana mu gushyira...

Nubwo byari biteganyijwe ko kuwa 18 Ugushyingo 2019 aribwo abayobozi b’u...
15 November 2019 Yasuwe: 1484 0