Kigali

Abadepite ba Turkiya basuuye inteko ishinga amategeko y’u Rwanda-AMAFOTO

Amakuru   Yanditswe na: Iyamuremye Janvier 29 November 2017 Yasuwe: 328

Itsinda ry’abagize inteko ishinga amategeko bo mu gihugu cya Turkiya bari mu ruzinduko mu Rwanda, kuri uyu wa gatatu basuye inteko ishinga amategeko imitwe yombi mu rwego rwo gutsura umubano inteko zishinga amategeko z’ibihugu byombi zisanganywe.

Umuyobozi w’itsinda ry’abashingamategeko muri Turkiya Dr. Alim Tunç yashimye imikorere y’inteko ishinga amategeko y’u Rwanda, avuga ko hari byinshi bizatuma ibihugu byombi bikomeza gufatanya mu iterambere.

Muri urwo ruzinduko abagize inteko ishinga amategeko yo muri Turkiya baganiriye n’ab’u Rwanda, imiterere n’imikorere y’inteko ishinga amategeko y’u Rwanda, aho basobanuriwe inshingano zabo zirimo gutora amategeko, kugenzura imikorere ya guverinoma no guhagararira abaturage. Abo badepite kandi basobanuriwe imikoranire n’amahuriro agize inteko ishinga amategeko y’u Rwanda n’ay’inteko zishinga amategeko zo mu bindi bihugu.

Ukuriye itsinda ry’abagize inteko ishinga amategeko bo muri Turkiya Dr. Alim Tunç yavuze ko uru ruzinduko rubahaye kumenya byinshi bashingiraho mu iterambere ry’igihugu cyabo. Yagize ati, ’’Dukurikije ibiganiro twagiranye n’abagize inteko ishinga amategeko, twongeye kubona ko u Rwanda rukomeye kandi rufite amategeko atajegajega muri aka karere ruherereyemo. Ikindi ni uko rutera imbere rushingiye ku baturage bakorera mu bufatanye, hari n’icyizere cy’uko ruzakomeza kwihuta mu iterambere, Turkiya n’u Rwanda dufite byinshi duhuriyeho, dutekereza ko byatuganisha ku iterambere.’’

Perezida wa Sena Bernard Makuza yavuze ko uretse ubushuti busanzweho hagati y’inteko zishinga amategeko z’ibihugu byombi, ngo hazakomeza kurebwa uruhare rwo guteza imbere abaturage binyuze mu butwererane. Ati, ’’ibyo inteko zishinga amategeko zikora hari ibyo imwe iba irusha indi, n’indi ikaba yakwigiraho mu mikorere, ibyo bizakomeza kuganirwaho binyuze mu matsinda y’ubushuti, ariko icyo nagarukaho cyane ni ibijyanye n’uruhare inteko zishinga amategeko zigira nk’abahagarariye abaturage, mu gushobora guteza imbere abo baturage binyuze mu butwererane n’umubano mwiza hagati y’igihugu n’ikindi.’’

Mu rwego rwo gushimangira umubano n’ubutwererane hagati y’inteko zishinga amategeko z’ibihugu byombi, hasanzwe harashyizweho amatsinda y’ubucuti ku mpande zombi aho abagize inteko zishinga amategeko bunguraniramo ibitekerezo bakanagena ibyo bakora mu rwego rw’ubutwererane n’ishoramari.
RBA


Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

PL iravuga ko niribona imyanya mu nteko hari ibizahinduka ku byiciro by’...

Umuyobozi w’ ishyaka riharanira ukwishyira ukizana kwa buri muntu PL...
14 August 2018 Yasuwe: 670 1

Umukozi w’ akarere ka Rwamagana wishimiye intsinzi y’ akarere kabo mu buryo...

Kuri uyu wa 9 Kanama 2018 nibwo hatangajwe uko uturere twarushanyijwe kwesa...
10 August 2018 Yasuwe: 5747 1

Perezida Kagame yarakariye abayobozi bategera abaturage ngo ntibashaka...

Perezida w’u Rwanda Paul Kagame yanenze bikomeye abayobozi batandukanye...
9 August 2018 Yasuwe: 2321 0

Ibyemezo by’inama y’abaminisitiri yateranye ku wa Gatatu tariki ya 08 Kanama...

None ku wa Gatatu, tariki ya 08 Kanama 2018, Inama y’Abaminisitiri yateranye...
9 August 2018 Yasuwe: 3234 0

Abakandida 521 nibo bazatorwamo abadepite 80, abigenga babaye...

Komisiyo y’amatora (NEC) yatangaje ko mu bantu 539 batanze kandidatire zabo...
6 August 2018 Yasuwe: 1100 0

Perezida Kagame yamaze ubwoba abatinya kujya mu gisirikare ngo...

Perezida w’ u Rwanda Paul Kagame akaba n’ umutoza w’ ikirenga w’ Abanyarwanda...
5 August 2018 Yasuwe: 4605 0