Kigali

Abadepite banenze imvugo Me Evode yakoresheje mu nteko

Amakuru   Yanditswe na: Nsanzimana Ernest 18 October 2017 Yasuwe: 9470

Abadepite banenze zimwe mu mvugo z’ Umunyamabanga wa Leta ushinzwe Itegeko Nshinga n’andi mategeko muri Minisiteri y’Ubutabera Me Evode Uwizeyimana.

Kuri uyu wa Gatatu tariki 18 Ukwakira 2017, ubwo Me Evode yagaragarizaga abadepite ishingiro ry’ ivugurura ry’ igitabo cy’ amategeko ahana ibyaha mu Rwanda yagereranyije uko icyo gitabo cyari kimeze ‘ishyamba ry’ inzitane’ ashaka kugaragaza ko cyari kigizwe n’ ingingo nyinshi bikagorana kubonamo ingingo runaka.

Iyi mvugo abadepite barimo Murara Jean Damascene bayigaye bavuga ko Me Evode atari akwiye kugereranya igitabo cy’ amategeko ahana ibyaha n’ ishyamba ry’ inzitane.

Depite Murara ati “Ngira ngo twese tuzi ishyamba ry’inzitane, ntabwo dukwiye kugereranya iri tegeko (riri kuvugururwa) rikwiye kwitiranywa n’iryo shyamba.”

Depite Uwayisenga Yvonne yavuze ko kuba Me Evode yagereranyije itegeko abadepite batoye n’ ishyamba ry’ inzitane ari ugutesha agaciro akazi kakonzwe.

Yagize ati “Imvugo ishyamba ry’ inzitane ndumva atari byo kuko turyiga byatewe n’ aho ibihe byari bigeze. Nadusobanurire ibijyanye n’ isobanura mpamvu yaje hano kudusobanurira, ibindi bidafite agaciro abyihorere”

Abadepite bakomeje kugaruka kuri iyi mvugo bagaragaza ko yababaje Perezida w’ inteko ishinga amategeko umutwe w’ abadepite, Donatille Mukabalisa yibutsa abadepite ko ingingo ya 22 mu mategeko abagenga abuza umudepite gusubiramo ibyo mugenzi yavuze.

Undi mudepite yongeye anenga indi mvugo yakoreshejwe na Me Evode aho yagereranyije umugore n’ ‘Ikimashini”

Uwo Mudepite yagize ati “Hari indi mvugo nyakubahwa Minisitiri (Me Evode) yakoresheje numva itesha agaciro umugore, aho yagereranyije umugore n’ ikimashini, bashyiramo ikintu. Umugore ntabwo ari ikimashini, umwana ntabwo ari ikintu”

Me Evode Uwizeyimana yiseguye kubadepite aho yaba yakoreshe imvugo idakwiye cyangwa imvugo yaba itumvikanye neza.

Yagize ati “Icyo naheraho, niba hari ijambo nakoresheje rikumvikana ukundi, hari igihe ijambo riba rifite ibisobanuro ryumvikana ukwinshi (polysemie) abantu bakaba baryumva bitandukane. Aho nakoresheje ijambo ridakwiye c’ est retire ”

Yavuze ko ijambo “Ikimashini” riri mu nteruro iri mu masezerano ya Maputo ahavuga ngo

“Une femme ne peut à aucun cas considerée comme une machine fabricant le bébe’’

Me Evode yavuze ko icyabayeho ari ugusemura nabi akavuga ikimashini aho kuvuga imashini, ashimangira ko ibyo yavuze byanditse atari ibyo yahimbye.

Umushinga w’ itegeko rishya rihana ibyaha igizwe n’ ingingo 361 mu gihe itegeko ririmo kuvugururwa ryari rigizwe n’ ingingo 766.

Kuba itegeko rihana ibyaha ryari rigizwe n’ ingingo nyinshi nibyo Me Evode yashingiyeho arigereranya n’ ishyamba ry’ inzitane. Ati ‘Uwagutuma gushaka ikintu muri Nyungwe byakugora ku kibona, bikakorera kukibona hano muri jardin y’ inteko ishinga amategeko’

Umushinga w’ itegeko rishya uvuga ko ubushoreke atari icyaha gihanwa n’ amategeko. Aha abadepite bagize impungenge ko bishobora kubangamira abaturage kuko ngo umuntu abajije abaturage ashobora gusanga umuturage avuga ko ubushoreke n’ ubusambanyi aribyo bimubangamiye kurusha ibindi.

Ikindi abadepite bibajije ni ukuntu ubusambanyi bwakomeza kuba icyaha ubushoreke ntibuhanwe n’ amategeko kandi ubushoreke ari ubusambanyi bwisubiramo kenshi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble zayas

    Evode nta kosa agiye nuko ababwiza ukuri

    October 2017
  • chat_bubble twin yeah

    Icyo yavuze kitari ukuri ni ikihe! Ikigaragaza ko amategeko aba adasobanutse ni isubirwamo ryayo rihoraho. Kandi kuba umugore adakwiye kuba ikimashini/imishini ibyo koko ntibikkwiye yabyamaganaga. Keretse iyo aba yabivuze abyemeza(affirmative sense)! Naho gutoa amategeko yasohoka ugasanga ishyirwa mu bikorwa ryayo rirayoberanye rirabangamye bisobanura intege nke no kudakurikira, mureke umunyamategeko avuge ibintu mu mazina yabyo
    !! Ibindi murimo ni imiteto!

    October 2017
  • chat_bubble Njoroge

    Evode nanjye ndumva bamwumvise nabi ark mubyukuri ntacyaha yakoze cyo gusabira imbabazi!! Guys amakosa nkayo mumvugo yikinyarwanda ntawe bitabaho!

    October 2017
  • chat_bubble Njoroge

    Evode nanjye ndumva bamwumvise nabi ark mubyukuri ntacyaha yakoze cyo gusabira imbabazi!! Guys amakosa nkayo mumvugo yikinyarwanda ntawe bitabaho!

    October 2017
  • chat_bubble fkaaa

    uyu njye sinamwizera nagato kko niryarya kd imana nicyo cyaha yanga

    October 2017
  • chat_bubble JB

    Hon Evode nta kosa na rimwe yakoze, ahubwo aba ba depute iyo babonye urwaho ku mpamvu zitanariho umuyobozi bamwigiraho uburimiro, aho kujya mu byagirira abaturage akamaro mu bibazo by’ingutu igihugu gifite bagata umwanya basubiramo ibidafite umumaro. Niba iryo tegeko ryari riremereye, ridafututse, ari nayo mpamvu barivuguruye byimbitse, kuryita ishyamba ry’inzitane nta cyaha na gito! Naho kuba yavuga ko umugore adakwiriye kwitwa cg gufatwa imashini cg se ikimashini...ni ukuri ntakwiriye kubyitwa cg ngo afatwe nyine gutyo! Ntibakabure ibyo bavuga ngo bate umwanya...Nibahagurukire ihohoterwa mu miryango, kunyereza ibya leta...bave mu matiku!

    October 2017
  • chat_bubble JB

    Hon Evode nta kosa na rimwe yakoze, ahubwo aba ba depute iyo babonye urwaho ku mpamvu zitanariho umuyobozi bamwigiraho uburimiro, aho kujya mu byagirira abaturage akamaro mu bibazo by’ingutu igihugu gifite bagata umwanya basubiramo ibidafite umumaro. Niba iryo tegeko ryari riremereye, ridafututse, ari nayo mpamvu barivuguruye byimbitse, kuryita ishyamba ry’inzitane nta cyaha na gito! Naho kuba yavuga ko umugore adakwiriye kwitwa cg gufatwa imashini cg se ikimashini...ni ukuri ntakwiriye kubyitwa cg ngo afatwe nyine gutyo! Ntibakabure ibyo bavuga ngo bate umwanya...Nibahagurukire ihohoterwa mu miryango, kunyereza ibya leta...bave mu matiku!

    October 2017
  • chat_bubble JB

    Hon Evode nta kosa na rimwe yakoze, ahubwo aba ba depute iyo babonye urwaho ku mpamvu zitanariho umuyobozi bamwigiraho uburimiro, aho kujya mu byagirira abaturage akamaro mu bibazo by’ingutu igihugu gifite bagata umwanya basubiramo ibidafite umumaro. Niba iryo tegeko ryari riremereye, ridafututse, ari nayo mpamvu barivuguruye byimbitse, kuryita ishyamba ry’inzitane nta cyaha na gito! Naho kuba yavuga ko umugore adakwiriye kwitwa cg gufatwa imashini cg se ikimashini...ni ukuri ntakwiriye kubyitwa cg ngo afatwe nyine gutyo! Ntibakabure ibyo bavuga ngo bate umwanya...Nibahagurukire ihohoterwa mu miryango, kunyereza ibya leta...bave mu matiku!

    October 2017
  • chat_bubble in7777777

    Hon Evode nta kosa na rimwe yakoze, ahubwo aba ba depute iyo babonye urwaho ku mpamvu zitanariho umuyobozi bamwigiraho uburimiro, aho kujya mu byagirira abaturage akamaro mu bibazo by’ingutu igihugu gifite bagata umwanya basubiramo ibidafite umumaro. Niba iryo tegeko ryari riremereye, ridafututse, ari nayo mpamvu barivuguruye byimbitse, kuryita ishyamba ry’inzitane nta cyaha na gito! Naho kuba yavuga ko umugore adakwiriye kwitwa cg gufatwa imashini cg se ikimashini...ni ukuri ntakwiriye kubyitwa cg ngo afatwe nyine gutyo! Ntibakabure ibyo bavuga ngo bate umwanya...Nibahagurukire ihohoterwa mu miryango, kunyereza ibya leta...bave mu matiku!

    October 2017
  • chat_bubble Eric Kaboss

    Uyu mugabo rwose bamunege ahubwo nibazaga ikibura nkaheba...Muri buka ubwo yashwanaga na Musenyeri Nzakamwita nanjye naramugaye.....

    October 2017
  • chat_bubble kabazo

    Evode arakingiye, ibigambo yahuraguye kuva ari hanze se yabaye iki?Amabandi, yibaseira Mgr, inteko arayicanganyukisha..... Uriya mu type zongera ave hase, kandi azabacika namara kurigwiza. Haaa

    October 2017
  • chat_bubble k

    ariko rero niba abantu bandika amategeko bagahurutura ibintu bivagavanze wamugani ntibyumvikana nyamara uyu mugabo ararengana ahubwo azira ko hari abamurwanya naho muri bariya badepite bose abenshi turabazi na n’ubushobozi bwabo mukore amategeko atomoye apana kuvangavanga

    October 2017
  • chat_bubble YUSUF

    ariko ubu uyu muyobozi nta kindi kibyihishe inyuma inyuma ashobora kuba yari yasomye ku gasembuye

    October 2017
  • chat_bubble Rukundo

    Harya uyu bamugize umuyobozi aturutsehe? Science sans conscience n’ est que....

    October 2017
  • chat_bubble Nsabimana Vedaste

    EVODE OYEEEEEEEEEEEEE URANTANGAJE GUSA NGO WASEMUYE NABI, UBWO SE IKIMASHINI N’ IMASHINI WUMVA BIHURIYE KUBURYO WABYITIRANYA. UZIGE GUKORESHA IMVUGO IDATESHA AGACIRO ABANTU

    October 2017
  • 1 | 2

Inzindi nkuru

Kera Abanyarwanda babyinaga amahoro n’ iterambere bidahari- Kangwagye

Umuyobozi mu Rwego rw’Igihugu rw’Imiyoborere (RGB) Ushinzwe Imitwe ya...
23 April 2018 Yasuwe: 531 0

Ntaribasoba ngo yumvise aruhutse ubwo Nguzumubira yiregaga ko ariwe...

Umukecuru witwa Adele Ntaribasoba n’ umugabo witwa Nguzumubira Gabriel...
20 April 2018 Yasuwe: 1332 0

Abagore baragaya bagenzi babo bigometse ku bagabo babo babyita...

Abagore bo mu ntara y’iburasirazuba bavuze ko hari bagenzi babo bumvishe...
20 April 2018 Yasuwe: 604 1

Gitifu wa Nyabihu yasezeye ku mirimo

Ngabo James Umunyamabanga Nshingwabikorwa w’Akarere ka Nyabihu yasezeye ku...
18 April 2018 Yasuwe: 2801 0

Abasenateri basuzumye amategeko agenga ibigo bya Leta

Abasenateri bahuriye mu nteko rusange y’igihembe kidasanzwe yari yatumiwemo...
17 April 2018 Yasuwe: 447 0

Busabizwa niwe meya w’ agateganyo w’ umugi wa Kigali

Nyuma y’ uko Nyamulinda Pascal wari Umuyobozi w’ umugi wa Kigali yeguye mu...
16 April 2018 Yasuwe: 5306 1