Kigali

‘Abagore bagize imirimo ikomeye ntiyahabwa agaciro’ Jeannette Kagame

Amakuru   Yanditswe na: Nsanzimana Ernest 13 November 2018 Yasuwe: 1082

Jeannette Kagame, Umugore wa Perezida w’ u Rwanda yavuze ko imiryango ikwiye kureka gufata abagore nk’abadafite agaciro mu gihe umusanzu wabo mu kubaka umuryango ari ntagereranywa.



Ubwo yagezaga ijambo rifungura inama mpuzamahanga yiga ku kuboneza urubyaro (ICFP2018), kuri uyu wa kabiri, Madamu Jeannette Kagame yagize ati “Kuva kera cyane, abagore bagiye bagira imimaro ikomeye cyane, nyamara ntibahabwe agaciro, mu gutwita, kurera, kwigisha, kugaburira no gukuza isi, akenshi ibi, bikagira n’ingaruka ziremereye ku buzima n’imibereho myiza y’abagore.”

Ati “Twabonye abagore binjira mu mirimo ikomeye ndetse isaba n’ubwitange kandi bakaba inkingi za mwamba, bagahindura byinshi impande zabo.”

Nyamara ariko Madamu Jeannette Kagame, avuga kugeza n’ubu uruhare mu kuboneza urubyaro rukiri hasi, aha yabahaye ikibazo cyo kwibaza ati “Mwibaze uko byagenda abagore b’abayobozi baticaye ku meza, aho ibyemezo bireba umuryango mugari muri rusange bifatirwa. Imiryango, bahuzwa n’isano muzi; imiryango bumva neza kurusha abandi.”

Madamu Jeannette Kagame yahamagariye abagore bitabiriye iyi nama i Kigali, gukoresha uru rubuga mu gushishikariza abagore kugira uruhare mu kuboneza urubyaro, ndetse no kwitabira serivisi z’ubuzima bw’imyororokere.

Yanashimiye u Rwanda kandi kuba rwarahisemo kwakira iyi nama ICFP2018, kuko ngo yizeye ko izatuma hongerwa imbaraga mu itangwa rya serivisi nziza zo kuboneza urubyaro n’iz’ubuzima bw’imyororokere.

Yagize ati “Inzira yacu yo gutanga ibikenewe cyane kandi bitanga impinduka mu miryango, yagize akamaro kubera akazi kakozwe n’Umuryango w’Abibumbye ndetse na za guverinoma zacu.

Mu biganiro biryoheye amatwi by’abagore bitabiriye iyi nama byari biyobowe na Dr Alma Golden, Umuyobozi mukuru wungurije ushinzwe imiyoborere mu biro bya USAID, bishinzwe ubuzima rusange, abaganiriye bikije ku kamaro k’umugore mu gufata ibyemezo bibagiraho ingaruka bikanazigira ku muryango muri rusange ariko bikaba bidahabwa agaciro.

Urugero, Moise Martine, umufasha wa perezida wa Haiti, nawe wari muri ibyo biganiro, hamwe na Nyiri icyubahiro Igikomangomakazi Sarah Zeid wa Yorudaniya, Toyins Saraki, umunya Nigeria washinze umuryango wita ku mibereho myiza (Wellbeing Foundation Africa), yavuze ko abakobwa bakiri bato batabona serivisi zo kuboneza urubyaro cyangwa bakagira isoni zo kuzisaba kubera isoni biteye n’umuryango.

Martine yagize ati “Niba dushaka kuzamura ubuzima bw’abagore bose n’abakobwa muri Haiti, tugomba gushaka uburyo buteye imbere bwo kubegera, uburyo bubaha ububasha bwo kubona serivisi zo kuboneza urubyaro hibandwa cyane ku rubyiruko, aho bajya basaba izo serivisi bakakiranwa yombi nta wubaciriye urubanza.”

KigaliToday yatangaje ko igikomangomakazi Zeid, we yavuze ko abagore ari bo ba mbere bagerwaho n’ingaruka z’amakimbirane mu duce turimo intambara kandi ngo ni na bo ba mbere mu kurinda abana n’imiryango.

Ati “Iyo umugore afashe icyemezo, ntaba akifatiye we ubwe, ahubwo aba agifatiye umuryango we, ndetse n’umuryango mugari muri rusange.”

Ku rundi ruhande, Toyins Saraki washinze umuryango Wellbeing Foundation, umuryango wigisha ubuzima bw’imyororokere, yavuze ko kugira ngo umuryango wishime, ari uko guverinoma zagira ubushobozi bwo kubahiriza uburenganzira bw’abagore.

Yongeyeho ko ubwo burenganzira butagomba gusa guhera mu mategeko, ahubwo bukwiye guhera igihe umwana avutse, buri mwana ahabwa icyemezo cy’amavuko mu kigo nderabuzima cyose avukiyemo.

Ati “Ndashaka ko buri mwana avukira kwa muganga ndetse bikagirwamo uruhare n’umubyaza wabyigiye, ndetse n’impuguke igihe cyose umugore yaba agize ingorane mu gihe cyo kubyara. Umugore kandi akwiye gusama yabitekerejeho kugira ngo abana be bazahabwe uburezi bukwiye.”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Inama ya EAC yagombaga guhuza abaperezida yimuwe ishyirwa mu mwaka...

Inama ya 21 y’abakuru b’ibihugu 6 bigize umuryango wa Afurika y’Iburasirazuba...
19 November 2019 Yasuwe: 1015 1

Perezida Kagame yahakanye ko u Rwanda rudakoresha ikoranabuhanga rifasha...

Nyakubahwa Perezida Paul Kagame yabwiye abanyamakuru mu kiganiro yagiranye...
8 November 2019 Yasuwe: 2746 0

Perezida Kagame yamaganye umuco mubi wa bamwe mu baganga bagira ubusumbane...

Perezida Kagame yanenze abaganga bita cyane ku bayobozi bakomeye bakareka...
7 November 2019 Yasuwe: 2489 0

Perezida Kagame yakoze impinduka mu gisirikare cya RDF azamurira bamwe...

Perezida wa Repubulika akaba n’Umugaba w’Ikirenga w’Ingabo z’u Rwanda, yakoze...
5 November 2019 Yasuwe: 3982 0

Perezida wa Repubulika yakoze impinduka zitandukanye muri Guverinoma

Ashingiye ku biteganywa n’itegeko nshinga rya repubulika y’u Rwanda ryo mu...
4 November 2019 Yasuwe: 7563 1

Perezida Paul Kagame yasubije wa mukobwa wakubitiwe mu ruhame n’umuherwe...

Kuwa 5 Nzeri nibwo umukobwa witwa Diane Kamari yanditse ku rukuta rwe rwa...
11 September 2019 Yasuwe: 19435 6