Kigali

Abajyanama b’ ubuzima ngo bima abaturage imiti bakayicuruza muri za Farumasi

Amakuru   Yanditswe na: Nsanzimana Ernest 13 July 2018 Yasuwe: 392

Abaturage bo mu kagari ka Mwurire mu murenge wa Mwurire mu karere ka Rwamagana, barashinja abajyanama b’ubuzima kubima imiti ahubwo ngo bakayigurisha mu bacuruza imiti no muri za Farumasi.

Aba baturage bavuga ko bajya kwivuza mu bajyanama b’ubuzima bakababwira ko nta miti ihari gusa ngo bakaba bafite amakuru yemeza ko abajyanama b’ubuzima babima iyo miti nyuma ngo bakayigurisha mu bacuruza imiti harimo muri za Farumasi n’ahandi.

Aba baturage bavuga ko ibyo bibagiraho ingaruka zirimo gutinda gukira ndetse no gushaka amafaranga yo kugura imiti mu gihe hari iy’ibanze leta iba yarabageneye binyuze mu bajyanama b’ubuzima. Barasaba ko ababishinzwe ko bakurikirana iki kibazo kugira ngo gicike burundu.

Umwe mu bajyanama b’uzuima waganiriye na TV1na Radio1 yahakanye yivuye inyuma ibyo bashinjwa n’abaturage ashimangira ko ingeso nk’iyo ntayo bagira.

Umunyamabanga nshingwabikorwa w’umurenge wa Mwurire RWAGASANA Jean Claude nawe yavuze ko icyo kibazo ari ubwa mbere acyumvise gusa yizeza abaturage ko agiye kugikurikirana.

Nyuma y’amahugurwa bahabwa, ubusanzwe abajyanama b’ubuzima bahabwa inshingano zo kuba abafashamyumvire mu by’ubuzima, bakaba batanga ubufasha bw’ibanze hirya no hino mu midugudu nko kuba bavura indwara mu gihe zitararengerana zirimo Malariya, kubabara umutwe n’izindi.

Abajyanama b’ubuzima kandi bagira n’uruhare mu kwigisha umuryango uburyo buboneye bwo kuboneza urubyaro no gukurikirana imikurire y’abana, bagatanga n’izindi nama zigamije imibereho myiza y’umuryango.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukozi w’ akarere ka Rwamagana wishimiye intsinzi y’ akarere kabo mu buryo...

Kuri uyu wa 9 Kanama 2018 nibwo hatangajwe uko uturere twarushanyijwe kwesa...
10 August 2018 Yasuwe: 5674 1

Perezida Kagame yarakariye abayobozi bategera abaturage ngo ntibashaka...

Perezida w’u Rwanda Paul Kagame yanenze bikomeye abayobozi batandukanye...
9 August 2018 Yasuwe: 2307 0

Ibyemezo by’inama y’abaminisitiri yateranye ku wa Gatatu tariki ya 08 Kanama...

None ku wa Gatatu, tariki ya 08 Kanama 2018, Inama y’Abaminisitiri yateranye...
9 August 2018 Yasuwe: 3214 0

Abakandida 521 nibo bazatorwamo abadepite 80, abigenga babaye...

Komisiyo y’amatora (NEC) yatangaje ko mu bantu 539 batanze kandidatire zabo...
6 August 2018 Yasuwe: 1085 0

Perezida Kagame yamaze ubwoba abatinya kujya mu gisirikare ngo...

Perezida w’ u Rwanda Paul Kagame akaba n’ umutoza w’ ikirenga w’ Abanyarwanda...
5 August 2018 Yasuwe: 4594 0

Perezida Kagame agiye gusoza itorero rya 11 ry’ abiga mu mahanga

Perezida Kagame ubwo yasozaga itorero ry’Indangamirwa ry’umwaka ushize...
5 August 2018 Yasuwe: 1211 0