skol
Kigali
startimes

Abantu 3000 baraye bafungiwe kwambara nabi udupfukamunwa utubari 85 twarimo abantu 300 turafungwa

Amakuru   Yanditswe na: Dusingizimana Remy 16 December 2020 Yasuwe: 4587

Minisiteri y’Ubutegetsi bw’igihugu.Prof.Shyaka Anastase,yatangaje ko nyuma y’ubufatanye bw’abapolisi n’inzego z’ibanze hafashwe imibare myinshi yarenze ku mabwiriza yo kwirinda Covid-19.


Minisitiri Shyaka yatangaje ko utubari 85 turimo abantu 300,abafashwe bambaye nabi udupfukamunwa ni 3000,abatashyize metero hagati y’abo n’abandi ni 1979,ibinyabiziga byafashwe byishe amabwiriza ya Covid-19 ni 128 mu gihe abananiwe kugerera mu rugo ku gihe ari 2538.

Minisitiri Shaka yagize ati “Ishusho yagaragaye nyuma y’amasaha make ibyemezo by’inama y’abaminisitiri bifashwe, nuko tutashyizemo ingufu.Ndasaba abanyarwanda ko twirinda kujyana mu mitsi nta mpamvu.Ibitemewe birazwi tugomba kubyirinda.”

Ku wa 14 Ukuboza 2020,Perezida Kagame yayoboye inama y’Abaminisitiri yafatiwemo ingamba nshya zo kurwanya icyorezo cya Coronavirus gikomeje gukaza umurego mu gihugu.

Ingamba zafashwe zirimo:

a. Kuva ku itariki ya 15 kugeza ku wa 21 Ukuboza 2020, ingendo zirabujijwe guhera saa Tatu z’ijoro (9:00 pm) kugeza saa Kumi za mu gitondo (4:00 am).

b. Kuva ku itariki ya 22 Ukuboza 2020 kugeza ku wa 4 Mutarama 2021, ingendo zirabujijwe guhera saa Mbili z’ijoro (8:00 pm) kugeza saa Kumi za mu gitondo (4:00 am).

c. Amateraniro rusange harimo imihango y’ubukwe, ubusabane n’ibirori bitandukanye byaba ibibera mu ngo cyangwa ahandi hose birabujijwe.

d. Umubare w’abitabira inama (meetings and conferences) ntugomba kurenga 30% by’ubushobozi bwo kwakira abantu bw’aho bateranira. Bose bagomba kubanza kwipimisha COVID-19 kandi bakubahiriza amabwiriza y’inzego z’ubuzima.

e. Ibikorwa by’inzego za Leta n’abikorera bizakomeza ariko buri rwego rurasabwa gukoresha abakozi batarenze 30% by’abakozi bose, abandi bagakorera mu rugo ariko bakagenda basimburana.

f. Imodoka zitwara abantu mu buryo bwa rusange zemerewe gutwara 50% by’umubare w’abantu zemerewe gutwara kandi hakubahirizwa amabwiriza yo kwirinda COVID-19.

g. Insengero zahawe uburenganzira bwo gukora kuko zujuje ibisabwa mu kwirinda COVID-19, zemerewe kwakira 50% by’ubushobozi bwazo bwo kwakira abantu, inshuro imwe mu cyumweru.

h. Imihango yo gushyingura ntigomba kurenza abantu 50.

i. Umubare w’abitabira ikiriyo ntugomba kurenga abantu 15 icyarimwe.

j. Imyitozo ngororamubiri ikorerwa mu nyubako z’imyidagaduro (gyms) no kogera muri pisine (swimming pool) birabujijwe. Icyakora abantu bacumbitse muri hoteli bemerewe gukora izo siporo zombi kuri hoteli bacumbitsemo ariko berekanye ko bipimishije COVID-19.

k. Imikino ya Shampiyona y’Igihugu y’Umupira w’amaguru hamwe n’imyitozo y’abakinnyi birahagaritswe. Icyakora amakipe y’umupira w’amaguru ari mu marushanwa mpuzahanga yo yemerewe gukomeza kuyitabira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umujyi wa Kigali wasubijwe muri GUMA MU RUGO

Kuri uyu wa Mbere tariki ya 18 Mutarama 2021,Perezida Kagame yayoboye Inama...
18 January 2021 Yasuwe: 5822 0

Ingendo zihuza uturere n’uturere n’umujyi wa Kigali zongeye gufungwa...

Mu rwego rwo kwirinda COVID-19, Inama y’Abaminisitiri yateranye kuri uyu...
5 January 2021 Yasuwe: 7604 1

“Twirinde rero buri wese yite ku bandi"-Perezida Kagame mu Ijambo risoza...

Mu ijambo risoza umwaka wa 2020 rinatangiza uwa 2021,Perezida Kagame...
31 December 2020 Yasuwe: 4122 0

Dr.Frank Habineza yahishuye igisubizo gitangaje yahawe n’abadepite bagenzi...

Umuyobozi w’ishyaka Democratic Green Party of Rwanda akaba n’umudepite mu...
23 December 2020 Yasuwe: 12249 2

Perezida Kagame yahaye umuburo abakora ibikorwa by’iterabwoba anasubiza...

Mu kiganiro Perezida Kagame yagiranye n’abanyamakuru ndetse n’abaturage bo...
21 December 2020 Yasuwe: 4953 0

"Tugeze aho tutakwemera ko ibyo twagezeho biba imfabusa"-Perezida...

Kuri uyu wa Mbere tariki ya 21 Ukuboza 2020,Perezida Kagame yagejeje ku...
21 December 2020 Yasuwe: 3641 0