Kigali
startimes

Abanyarwanda 79 bari bafungiwe muri Uganda bategerejwe mu Rwanda kuri uyu wa Mbere

Amakuru   Yanditswe na: Dusingizimana Remy 8 June 2020 Yasuwe: 1086

Ku mupaka wa Kagitumba hategerejwe itsinda rya mbere ry’abanyarwanda 79,biteganijwe ko bafungurwa uyu munsi bakazanwa mu Rwanda nyuma yo kurekurwa na guverinoma ya Uganda.



Abanyarwanda ba mbere bageze mu Rwanda ni 67.Biteganyijwe ko abandi 13 baza kuhagera mu masaha ari imbere.

Mu cyumweru gishize nibwo intumwa za Uganda zagiranye ibiganiro byo kuzahura umubano n’iz’u Rwanda,Sam Kutesa wari uhagarariye Uganda avuga ko igihugu cye kizarekura Abanyarwanda 130 bafungiye mu gihugu cya Uganda.

Ikinyamakuru The New Times cyatangaje ko kuri uyu wa Mbere tariki ya 08 Kamena 2020,ku mupaka wa Kagitumba hakirirwa Abanyarwanda 79 bahagera bwa mbere.

Uwahaye amakuru iki kinyamakuru yavuze ko aba bantu 79 baraza mu bice 5 guhera saa munani n’igice z’amanywa kugeza saa tatu z’ijoro.

Kuwa Kane tariki ya 04 Kamena 2020,nibwo habaye ibiganiro byahuje u Rwanda na Uganda, harebwa ku buryo bwo kuzahura umubano hagati y’impande zombi.

Ibi biganiro byabaye hifashishijwe ikoranabuhanga kubera icyorezo cya Coronavirus, ku butumire bwa Guverinoma ya Uganda,byarangiye iki gihugu cyo mu majyaruguru y’u Rwanda cyemeye kurekura Abanyarwanda 130 cyafubze binyuranyije n’amategeko.

Minisitiri w’Ububanyi n’amahanga wa Uganda, Sam Kutesa, yavuze ko Uganda yakomeje kugaragara ubushake bwo gukemura ibibazo u Rwanda rwagaragaje, kandi ubu bushake bugihari.

Yakomeje ati "Perezida wa Uganda yahaye imbabazi Abanyarwanda 130 bari bafungiwe ibyaha bitandukanye. Abo bafungwa ubu barimo kunyuzwa mu nzira ziteganywa, ku buryo ku wa Mbere cyangwa ku wa Kabiri bazashyikirizwa ubuyobozi bw’u Rwanda ku mipaka wa Cyanika na Mirama. Ndasaba abayobozi b’u Rwanda bireba kuzabakira.

Uretse abo bafungwa bababariwe, Abanyarwanda 310 bakurikiranweho ibyaha bikomeye bo barakomeza gufungwa, amakuru ajyanye nabo azashyikirizwa Guverinoma y’u Rwanda.”

U Rwanda rwasabye Uganda gukemura ibibazo

Minisitiri w’Ububanyi n’amahanga w’u Rwanda, Dr Vincent Biruta, yavuze ko hakomeje ibikorwa by’ubukangurambaga hirya no hino muri Uganda byo gushakira imbaraga imitwe irwanya u Rwanda, kandi bikagirwamo uruhare na bamwe mu bakora mu nzego z’umutekano za Uganda.

Yanavuze ko hari ibikorwa bikomeje byo guhohotera abanyarwanda mu gihguu cya Uganda, aho nko ku wa 18 Gicurasi 2020, hari abagore babiri b’abanyarwandakazi bagejejwe mu Rwanda nyuma yo gukubitwa bikomeye n’inzego z’umutekano za Uganda ubwo bari mu nzira bataha.

Hari abanyarwanda benshi kandi ngo bafungiwe muri kasho za Uganda badashobora gusurwa, cyangwa ngo bagezwe imbere y’inkiko zibifitiye ububasha.

Yanavuze ko hari ibinyamakuru bikomeje kubiba icengezamatwara ku Rwanda, mu gihe impande zombi ziheruka kwemeranya ko bihagarara, buri gihugu kikubahiriza uburenganzira bwa muntu bw’abaturage b’ikindi gihugu.

Ati “Hari ingingo zimwe zitarabonerwa ibisubizo.Nubwo hari intambwe yatewe mu gushyira mu bikorwa imwe mu myanzuro, haracyari imitwe y’iterabwoba ikorera muri Uganda, ifite intego y’ibanze yo guhungabanya umutekano w’u Rwanda.”

Minisitiri Biruta yavuze ko impande zombi zemeranyije gusuzuma ibijyanye n’abafungiwe mu gihugu kimwe ndetse kikamenyesha mugenzi wacyo, u Rwanda ngo rwarabikoze binyuze mu nzira zagenwe ku bantu bafungiwe muri Uganda.

Ati“Nyamara kugeza uyu munsi, ntabwo turakira ubutumwa nk’ubwo bureba abanyarwanda bafunzwe mu buryo bukurikije amategeko cyangwa bidakurikije amategeko muri Uganda.”

“Guverinoma y’u Rwanda kandi yandikiye Uganda iyimenyesha bimwe mu bibazo birebana n’ibikorwa by’imitwe yitwaje intwaro ku butaka bwa Uganda. Kugeza ubu nta gisubizo gifatika cyangwa ibisobanuro byatanzwe n’uruhande rwa Uganda mu kugenzura impungenge zagaragajwe n’u Rwanda.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ntabwo nigeze nsaba akazi ko kuba Perezida-Perezida Kagame

Nyakubahwa Perezida wa Repubulika Paul Kagame yavuze ko atigeze na rimwe...
10 July 2020 Yasuwe: 3375 0

Guverineri Gatabazi yavuze akari ku mutima nyuma yo gusubizwa ku mirimo ye...

Guverineri w’Intara y’amajyaruguru Gatabazi JMV waraye yongeye kugirirwa...
8 July 2020 Yasuwe: 2615 0

Irindi tsinda ry’Abanyarwanda bari bafungiwe muri Uganda barekuwe...

Irindi tsinda ry’Abanyarwanda 12 bari bafungiwe muri Uganda mu buryo...
8 July 2020 Yasuwe: 717 0

Perezida Kagame yasubije Guverineri Gatabazi ku mirimo ye,Kayitesi agirwa...

Perezida wa Repubulika Paul Kagame yasubije Gatabazi Jean Marie Vianney ku...
7 July 2020 Yasuwe: 4754 0

Abanyarwanda dufite ubwigenge n’ubushobozi bwo gukora no kugera ku byo...

Mu ijambo perezida Paul Kagame yagejeje ku banyarwanda kuri uyu wa...
4 July 2020 Yasuwe: 649 0

#Kwibohora26: Uko urugamba rwo kwibohora rwateguwe n’ibyabaye ku munsi...

Imyaka 26 irashize u Rwanda rubohowe, ubu haribukwa umunsi rwahawe...
4 July 2020 Yasuwe: 909 0