Kigali

Abanyuze mu bigo Ngororamuco basigiwe ihungabana baratabariza abo babisizemo

Amakuru   Yanditswe na: Iyamuremye Janvier 30 August 2017 Yasuwe: 2491

Bamwe mu baturage bafungiwe mu bigo ngororamuco baratabariza abo basizemo kuko batizeye ko bazavamo amahoro.

Barahamya ko ibyo bakorerwa biba bigamije kwica aho kwitwa ko ari ukugorora abakosheje. Gusa igipolisi cy’u Rwanda kirahakana cyivuye inyuma ko nta n’umuturage barya urwara mu baba bahafungiwe.

Ni ubuhamya bw’umwe muri benshi bafungiwe ku kigo ubutegetsi bwita ’ngororamuco’ cya Nyabishongo, giherereye mu murenge wa Mudende mu Karere ka Rubavu.

Abanyuze muri icyo kigo bambwiye Ijwi ry’Amerika ducyesha iyi nkuru ko inkovu basigiwe n’ubuzima bubi babayemo mu gihe bahamaze bafunzwe zikiri nshya kandi ko ibihe bibi bahagiriye bikomeza kubagaruka mu ntekerezo buri munsi.

Hari abavuga ko kubera inkoni n’ibindi bikorwa mbabazamubiri bakorewe byatumye bahahamuka ku buryo basigaye birinda icyo ari cyo cyose cyatuma bongera kuhafungirwa.

Raporo z’imiryango mpuzamahanga yita ku burenganzira bwa muntu nka Human Rights Watch zakunze gutunga u Rwanda agatoki ko ruhonganya uburenganzira bwa muntu mu bigo nk’ibi.

Iy’umwaka ushize wa 2016 yashyize mu majwi ikigo cya Gikondo, icya Muhanda, icya Mbazi mu karere ka Huye ndetse n’iki cya Nyabishongo muri Rubavu, igaragaza ko bafungwa binyuranyije n’amategeko kandi bagakorerwa iyicarubozo.

Ubutegetsi buvuga ko ibi bigo bifasha gusubiza ku murongo abakoresha ibiyobyabwenge, inzererezi, indaya, abajura boroheje, abazunguzayi, abasabiriza, abana n’abakuze barangwa n’imyitwarire ibangamye; abafite ibyaha binini bakanyuzwa muri ibyo bigo bakajya gufungwa abandi bakagororwa, bagahabwa ubumenyi mu myuga itandukanye; ariko raporo ya 2016 ya HRW yagaraje ko hari benshi barinze bafungurwa nta mwuga n’umwe bigishijwe kandi n’ubu hari abatashye bazi icyivugo cy’akarere gusa.

Haba kuri izi raporo za HRW cyangwa kuri ubu buhamya bw’abaturage bafungiwe muri ibi bigo, igisubizo cy’ubutegetsi gikomeza kuba kimwe.

Umuvugizi w’igipolisi cy’u Rwanda mu ntara y’Uburengerazuba CIP Theobald Kanamugire, ku murongo wa telefone yateye utwatsi amakuru y’uko igipolisi cyaba gitoteza abafungiwe mu bigo ngororamuco.

Bamwe mu basore banyuze mu kigo ngororamuco cya Gikondo.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Innocent

    Bene abo batanga ayo makuru barasebanya kuko nta muntu numwe wigeze cg uzigera akorerwa iyicarubozo mu Gihugu, cyacu ,abo ni abashaka kudusubiza inyuma kdi nta narimwe duteze kuzasubira inyuma

    3 months ago

Inzindi nkuru

Umuryango Sinapisi Rwanda wigeze kwakira ubutumwa buvuye kuri George W....

Umuryango Sinapisi Rwanda kuri uyu wa 9 Ukuboza 2017 wizihije imyaka 25...
10 December 2017 Yasuwe: 977 3

Perezida Kagame ari ku rutonde rw’ abafite ijambo rikomeye muri...

‘New African Magazine’ ku rutonde rwayo ngarukamwaka rw’ Abanyafurika 100...
8 December 2017 Yasuwe: 618 0

Misiri: P.Kagame yagaragaje ko hakwiye kwitabwa ku mpano z’abaturage

Perezida wa Repubulika Paul Kagame ari Sharm-El-Sheikh mu Misiri aho...
7 December 2017 Yasuwe: 294 0

Akari ku mutima wa Nsengimana na Musafiri bakuwe muri Guverinoma

Ku mugoroba wo kuwa gatatu tariki ya 06 Ukuboza 2017 nibwo Perezida wa...
7 December 2017 Yasuwe: 3740 0

Perezida Kagame yakuyeho Minisitiri w’Uburezi n’uw’ikoranabuhanga

Kuri uyu wa gatatu tariki ya 06 Ukuboza 2017 Perezida wa Repubulika y’u...
6 December 2017 Yasuwe: 1687 0

Ibyemezo byafatiwe mu nama y’Abaminisitiri idasanzwe yabaye kuri uyu wa...

None kuwa Kabiri tariki ya 5 Ugushyingo 2017, Inama y’Abaminisitiri...
5 December 2017 Yasuwe: 2624 0