Kigali

Abayoboke ba PL basobanuriwe ibikubiye muri gahunda ya guverinoma y’ imyaka 7

Amakuru   Yanditswe na: Nsanzimana Ernest 6 November 2017 Yasuwe: 443

Perezida w’ inteko ishinga y’ u Rwanda akaba n’ umuyobozi w’ ishyaka w’Ishyaka Riharanira Ukwishyira Ukizana kwa Buri Muntu/PL Mukabalisa Donatille yasobanuriye abagize Inama y’Igihugu y’ iri shyaka ibikubiye muri gahunda ya guverinoma y’ imyaka irindwi iri imbere.

Hari mu nama abagize Inama y’Igihugu y’ iri shyaka bahuriyemo tariki ya 05 Ugushyingo 2017.

Perezida w’Ishyaka PL yongeye gushimira abagize Inama y’Igihugu y’Ishyaka PL uko bitwaye mu matora y’Umukuru w’Igihugu, bakamamaza kandi bagatora Nyakubahwa KAGAME Paul, anabasaba kugira uruhare mu bikorwa byose bigamije ubukungu n’imibereho myiza y’Abanyarwanda, by’umwihariko mu ishyirwa mu bikorwa rya Gahunda ya Guverinoma y’imyaka irindwi (2017-2024) bikubiye mu nkingi eshatu ari zo Ubukungu, imibereho myiza y’abaturage n’imiyoborere myiza.

Yagaragaje intego ya Guverinoma ku bijyanye n’ubukungu harimo kurushaho kwihutisha iterambere ry’ubukungu bushingiye ku ishoramari ry’abikorera, ku bumenyi no ku mutungo kamere kandi butagira n’umwe buheza; ku biyanye n’imibereho myiza, intego ni ukugira Umunyarwanda ushoboye, ufite ubumenyi, ubuzima bwiza, kandi ubayeho neza mu muryango utekanye kugirango

Abanyarwanda barusheho gutera imbere no kwigira naho ku bijyanye n’imiyoborere, Guverinoma yihaye intego yo gukomeza gusigasira ibyiza dukesha imiyoborere myiza n’ubutabera Igihugu cyacu kimaze kwimakaza kugira ngo birusheho gushyigikira iterambere rirambye kandi rihuriweho n’Abanyarwanda bose.

Abagize Inama y’Igihugu y’Ishyaka Riharanira Ukwishyira Ukizana kwa Buri Muntu/PL bagejejweho ikiganiro na Hon. Nyirasafari Espérance, Minisitiri w’Uburinganire n’Iterambere ry’Umuryango ku “Ihame ry’Uburinganire n’Ubwuzuzanye bw’abagabo n’abagore n’uruhare rwa byo mu iterambere ry’umuryango n’Igihugu” wagaragaje ko uburinganire ari ngombwa kuko mbere na mbere ni uburenganzira n’inshingano kuri buri muntu kandi bukaba inkingi y’iterambere n’imiyoborere myiza, bikanagira uruhare mu gukoresha neza ubukungu dufite. Yanagaragaje ko kugira uruhare mu iterambere ry’umuryango bireba umugabo n’umugore kandi ko basangiye n’inshingano yo guha abana uburere bwiza no gufatanya kubitaho mubyo bakeneye byose kugirango umuryango urusheho kuba ishingiro ry’iterambere rirambye ry’Igihugu.

Minisitiri w’Uburinganire n’Iterambere ry’Umuryango yasabye abagize Inama y’Igihugu y’Ishyaka Riharanira Ukwishyira Ukizana kwa Buri Muntu/PL gukangurira abo bahagarariye guharanira kwimakaza ihame ry’uburinganire kugira ngo iterambere rikomeze kwihuta n’Igihugu cyacu gikomeze gitere mbere.

Abagize Inama y’Igihugu y’Ishyaka Riharanira ukwishyira ukizana kwa Buri Muntu/PL basuzumye kandi bemeza raporo y’ibikorwa by’Ishyaka PL (2016 – 2017), raporo y’imikoreshereze y’umutungo (2016 – 2017), banemeza Iteganyabikorwa ry’Ishyaka PL (Action Plan) 2017 – 2018.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Igihe Abadepite bashya baherutse gutorwa bazarahirira cyamenyekanye

Abadepite baherutse gutorerwa kwinjira mu Nteko Ishinga Amategeko y’u Rwanda...
18 September 2018 Yasuwe: 502 0

Ingabire Victoire ngo agiye gusabira imbabazi abarimo na Diane...

Umunyapolitiki utavugarumwe n’ Ubutegetsi bw’ u Rwanda akaba n’ umuyobozi w’...
17 September 2018 Yasuwe: 3534 0

U Rwanda rwagennye ba Ambasaderi bashya muri Kenya na Mozambique

Claude Nikobisanzwe Leta y’ u Rwanda yakoze impinduka mubijyanye na...
17 September 2018 Yasuwe: 1223 1

Pan African Movement yahaye Abanyarwanda barenga 200 ubwisungane mu...

Abanyamuryango ba Pan African Movement (PAM) mu karere ka Kicukiro bakoze...
16 September 2018 Yasuwe: 198 0

‘Imyemerere yagumisha Afurika aho imaze imyaka 100 ntabwo ari raporo...

Minisitiri w’ Ubutabera w’ u Rwanda Johnston Busingye asanga amadini menshi...
15 September 2018 Yasuwe: 650 0

‘Kurekura Kizito Mihigo na Victoire Ingabire ni intambwe nziza u Rwanda...

Ishyaka ritavugarumwe n’ ubutegetsi bw’ u Rwanda Democratic Green Party of...
15 September 2018 Yasuwe: 1769 0