Kigali

AMATORA 2017: Mpayimana uvuga ko aziyamamariza kuyobora u Rwanda afite bigwi ki?

Amakuru   Yanditswe na: 3 January 2017 Yasuwe: 3437


Kuri iki cyumweru Tariki ya mbere Mutarama 2017 nibwo Umunyarwanda Mpayimana Philippe ubarizwa muri Diaspora nyarwanda mu Ubufaransa yashyize ahagaragara itangazo avuga ko aziyamamariza kuyobora u Rwanda mu matora y’ umukuru w’ igihugu ateganyijwe muri uyu mwaka wa 2017.

Byatunguye abatari bake bitewe n’ uko uyu mugabo atamenyerewe muri politiki y’ u Rwanda. Dore amwe mu mateka n’ ibigwi bya Mpayimana uvuga ko aziyamamaza nk’ umukandida wigenga mu matora y’ umukuru w’ igihugu.

Mpayimana Philippe yavutse mu mwaka wa 1970, avukira mu mu ntara y’ amajyepfo. Amashuri yisumbuye yayize I Save naho kaminuza ayiga mu cyahoze ari Kaminuza nkuru y’ u Rwanda(NUR). Muri NUR niho Mpayimama yakuye impamyabumenyi y’icyiciro cya mbere mu ndimi n’ubuvanganzo nyafurika.

Mpayimana yakoze mu bitangaza bitandukanye birimo Televiziyo y’ U Rwanda na Radio Agatashya. Agatashya yari Radio yakoranaga n’imiryango yita ku mpunzi mu karere k’ibiyaga bigari no mu burengerazuba bwa Tanzania. Nyuma y’isenywa z’inkambi muri Kongo, yakomeje amashuri makuru muri Kameruni, ahakura impamyabumenyi ihanitse mu iyigandimi. Nyuma yakomereje mu Bufaransa yiga itangazamakuru. Nyuma aza kwigisha amateka n’ibidukijije mu Bufaransa.

Mpayimana ni umwanditsi w’ibitabo akaba n’impirimbanyi y’uburenganzira bwa muntu, mu bitabo yanditse byakunzwe cyane harimo ‘Réfugiés rwandais entre marteau et enclume’ (L’Harmattan, Paris 2004), La rue de la vie, poèmes du Rwanda (L’Harmattan, Paris, 2006), Rwanda, regard d’avenir, only forward looking (L’Harmattan, Paris, 2015) – Rwanda 2017, n’ikindi yise Indi ntambwe ya demokarasi n’iterambere (L’Harmattan, Paris, 2016).

Yashinze umuryango “Tuza” igamije guhuza abatuye mu bihugu byo mu biyaga bigari. Philippe Mpayimana afite 46 y’amavuko, arubatse afite umugore n’abana bane.

Uretse Mpayimana abandi bamaze kugaragaza ko bazatanga candidature zabo ku mwanya w’ umukuru w’ igihugu mu matora ateganyijwe tariki 3 Kanama ku bazatorera muri diaspora na tariki 4 Kanama kubazatorera mu Rwanda, Ni Dr Frank Habineza uzahagarira ishyaka Riharanira Demukarasi no kurengera ibidukikije Green Party of Rwanda na Padri Nahimana Thomas.

Padiri Nahimana Thomas byari biteganyijwe ko agera mu Rwanda mu kwezi gushize, ntibyamukundira gusa kuri ubu yamaze gutangaza ko azahagera bitarenze uku kwezi kwa Mutarama.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 3928 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1320 0

Perezida Kagame yatangaje uko intambara zihora Sahel zarangizwa

Perezida w’ u Rwanda Paul Kagame kuri ubu uyoboye Umuryango w’ ubumwe bw’...
18 February 2018 Yasuwe: 1989 1

RDC yashyikirijwe imibiri y’ingabo zayo zaguye mu mirwano yazihuje n’iz’u...

Kuri uyu wa Gatandatu tariki ya 17 Gashyantare, 2018 Repubulika Iharanira...
17 February 2018 Yasuwe: 3600 0

Perezida Kagame yaganiriye na Moussa Faki mu nama iri kubera mu...

Perezida wa Repubulika Paul Kagame uri mu gihugu cy’Ubudage yagiranye...
17 February 2018 Yasuwe: 430 0

Ruswa ishingiye ku gitsina iri hejuru mu bigo bya Leta

Mu bagore 100 batse akazi muri Leta 96 babwiye abashakashatsi ba...
16 February 2018 Yasuwe: 1377 6