Kigali

IMIHIGO: Ba meya bagiye kubwirwa amanota bahige indi

Amakuru   Yanditswe na: Nsanzimana Ernest 5 October 2017 Yasuwe: 4374

Kuri uyu wa 6 Ukwakira 2017 nibwo hateganyijwe gahunda yo kumurika ibyavuye mu isuzuma ry’ imihigo 2016/17. Ninabwo kandi abayobozi b’ uturere bazongera bagahigira imbere ya Perezida w’ u Rwanda Paul Kagame imihigo biyemeze kuzesa mu mwaka w’ ingengo y’ imari 2017/2018.

Biteganyijwe ko uyu muhango uzabera mu ngoro y’ inteko ishinga amategeko.

Nyuma y’ uko mu mwaka w’2000 hatangizwaga gahunda yo kwegereza abaturage ubuyobozi n’ubushobozi bityo buri rwego rw’imitegekere y’igihugu rugahabwa inshingano akenshi rwabaga rudasanganywe byabaye ngombwa ko hashyirwaho uburyo bushya bwo gukora ikurikiranabikorwa n’isuzumabikorwa.

Iyo gahunda yatumye inzego z’ibanze zihabwa inshingano yo gushyira mu bikorwa gahunda z’iterambere maze biba ngombwako ubuyobozi n’Abanyarwanda bashyiraho uburyo abayobozi batandukanye bagomba gusobanurira abaturage uko buzuza inshingano zabo. Ni muri urwo rwego mu mwaka wa 2006 hatangijwe Imihigo.

Ni ku nshuro ya 11 Abayobozi b’ uturere bagiye kugaragararizwa uko bashyize mu bikorwa imihigo basinyana na Perezida wa Repubulika.

Mbere y’ uko buri mwaka w’ ingengo y’ imari urangira, inzego zibishinzwe zizenguruka mu turere zireba ibyakonzwe bikagereranwa n’ ibyo abayobozi b’ uturere bahize kugeraho, bityo uturere tugahabwa amanota, tukanakorerwa urutonde hakaba akarere ka mbere n’ akanyuma mu kwesa imihigo.

Mu mwaka wa 2014-2015 akarere ka Kicukiro niko kabaye aka mbere Gatsibo iba iya nyuma (iya 30).

2015- 2016, akarere ka Gasabo niko kabaye aka mbere kagira amanota 81,6 aka Musanze kaba aka 30 n’ amanota 70,37.

Iyo hasigaye amasaha ngo hatangazwe amanota, buri munyeshuri aba yibaza umwanya azaba n’ amanota azagira. Ntawashidikanya kuvuga ko ariko bimeze no ku bayobozi b’ uturere bategereje ko ejo tariki 6 Ukwakira 2017 hagera bagatangirizwa uko bashyize mu bikorwa imihigo bahigiye imbere ya Perezida wa Repubulika tariki 9 Nzeli 2016.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Issa

    Meya Rutaburingoga akwiye kuba uwa mbere kuko atuyoboye neza.

    2 months ago
  • chat_bubble Jeanne

    @Perezida Kagame niba abameya ba mbere bahembwa n’ abanyuma bakwiye akanyafu. F. Kaboneka azashoboye. Nizere ko batazongera kutubwira ngo uturere twose twagize hejuru ya 80 kandi hari ibyo tubona abayobozi bemeye bitarakorwa

    2 months ago
  • chat_bubble Rukundo

    Tugerezanyije amatsiko menshi kumva akarere kahize utundi mu kwesa imihigo. Rulindo yigeze kujya iza mu myanya ya mbere ikiyoborwa na Kangwagye reka turebe ko meya mushya azamukorera mu ngata vizuri.

    2 months ago
  • chat_bubble Habimfura

    ubu wasanga Kicukiro ibaye iya mbere kd kwagura imihanda ntaho biragera.

    2 months ago

Inzindi nkuru

Impinduka ku muganda usoza umwaka wa 2017

Minisiteri y’ubutegetsi bw’igihugu (MINALOC) yatangaje ko ku matariki ya 30...
15 December 2017 Yasuwe: 149 0

U Rwanda rwiyambaje impuguke zo muri Amerika ngo ukuri ku ruhare rw’ u...

Minisitiri w’ububanyi n’amahanga n’ umuryango w’ Afurika y’ iburasirazuba...
15 December 2017 Yasuwe: 224 0

‘Kudutera uturutse hanze biragoye’ Perezida Kagame

Perezida Kagame yavuze ko nta mwanzi watera u Rwanda aturutse hanze y’...
14 December 2017 Yasuwe: 1368 4

Mukaruliza wagizwe ambasaderi muri Zambia yatanze impapuro zimwemerera...

Ambasaderi Monique Mukaruliza wahoze ari umuyobozi w’ umugi wa Kigali...
14 December 2017 Yasuwe: 398 0

2017: Abantu 35 batabawe bajyanywe gucuruzwa

Polisi y’u Rwanda irizeza Abaturarwanda ko hazakomeza kubaho umutekano mu...
14 December 2017 Yasuwe: 276 0

AMAFOTO utabonye ya Perezida Kagame ubwo yatahaga ingoro y’ amateka ya...

Perezida w’ u Rwanda ahagana saa tanu z’amanywa kuri uyu wa Gatatu tariki 13...
13 December 2017 Yasuwe: 1131 3