Kigali

“Baradutabye ariko ntabwo bari baziko Abanyarwanda turi imbuto zizashibuka” H. E Kagame

Amakuru   Yanditswe na: Nsanzimana Ernest 16 July 2017 Yasuwe: 823

Umukandida wa FPR Paul Kagame yongeye kunenga abanyamahanga basize u Rwanda ahabi bibwira ko igihugu kirangiye, ariko ubu ngo barashibutse, baramera barakura, ni ubukombe.

Ubu butumwa Kagame yabutangiye mu karere ka Kamonyi aho yiyamamarije kuri iki Cyumweru tariki 16 Nyakanga nyuma yo kwiyamamariza mu karere ka Huye na Nyamagabe.

Yagize ati “Baducukuriye urwobo, baradutabye, ariko ntabwo bari baziko Abanyarwanda turi imbuto zizashibuka. Abanyarwanda twabaye imbuto, turashibuka, ubu turi ubukombe.”

Ni bumwe mu butumwa yageneye abanyamuryango ba FPR-Inkotanyi, bari baje kumushyigikira mu gikorwa cyo kwiyamamaza yakoreye mu Karere ka Kamonyi, kuri iki cyumweru tariki 16 Nyakanga 2017.

Yavuze ko kuzuka ku Rwanda ruva mu mateka mabi rwagize, byatewe n’ubushake n’imbaraga ari na byo bigejeje igihugu aho kigeze ubu.

Ati “Ukuntu Abanyarwanda bari hamwe, ukuntu bashaka kubaka igihugu n’ukuntu bashaka kwiyubaka ntibisanzwe.”

Umukandida Kagame yavuze ko kugeza ubu hari amahanga akiri mu ihakana ku busugire bw’u Rwanda, ariko yizeje Abaturarwanda ko ari igihe gito kuko nayo azageraho akemera.

Ati “Abadutabye bazabona ko turi imbuto zishibuka, zigakura, zikagira ubuzima bwiza.”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Nkosisikelela

    U.S.A made

    5 months ago
  • chat_bubble Jeanne

    Yewe nibyo pe baradutabye turahuguta none twarashibutse nshuti yanjye !ryabara uwariraye. Bashatse batuza tukabana amahoro.

    5 months ago

Inzindi nkuru

‘Uwasigajwe inyuma n’ amateka kumwubakira inzu nziza ntabwo bihagije’...

Leta y’ u Rwanda irashimirwa n’ Urugaga rw’ amasendika akorera mu Rwanda...
17 December 2017 Yasuwe: 302 1

Perezida Kagame yongeye gutorerwa kuyobora FPR n’amajwi 99.9%

Ishyaka FPR Inkotanyi ryongeye gutora Perezida w’u Rwanda Paul Kagame...
17 December 2017 Yasuwe: 177 0

Perezida Kagame yunamiye Prof. Calestous Juma

Perezida w’ u Rwanda Paul Kagame yihanganishije umuryango w’ Umunyakenya...
16 December 2017 Yasuwe: 670 1

Abacuruzi ba SHISHA baravuga ko batewe igihombo no kuba yahagaritswe

Nyuma y’uko Minisiteri y’ubuzima itangarije ko itabi rizwi nka Shisha riciwe...
16 December 2017 Yasuwe: 313 0

‘Guhagarika Human Right Watch siwo muti’ Sibomana

Umuyobozi w’ urugaga rw’ amasendika akorera mu Rwanda COSYLI, (Conseil...
15 December 2017 Yasuwe: 789 2

Impinduka ku muganda usoza umwaka wa 2017

Minisiteri y’ubutegetsi bw’igihugu (MINALOC) yatangaje ko ku matariki ya 30...
15 December 2017 Yasuwe: 880 0