Kigali

Busabizwa niwe meya w’ agateganyo w’ umugi wa Kigali

Amakuru   Yanditswe na: Nsanzimana Ernest 16 April 2018 Yasuwe: 5274

Nyuma y’ uko Nyamulinda Pascal wari Umuyobozi w’ umugi wa Kigali yeguye mu buryo bwatunguye abatari bake, inama njyanama y’ umugi wa Kigali yateranye ku wa Gatanu yemeje ko Busabizwa Parfait aba Umuyobozi w’ umugi wa Kigali w’ agateganyo.

Amakuru y’ uko Nyamulinda wari umaze umwaka umwe atorewe kuyobora umugi wa Kigali yeguye yamenyekanye ku wa Gatatu tariki 11 Mata 2018, nyamara ku wa Kabiri tariki 10 uyu muyobozi yari yagiye mu kazi nk’ uko bisanzwe. Mu ibaruwa yanditse amenyesha ubuyobozi ko yeguye yavuzemo ko yeguye ku mpamvu ze bwite.

Njyanama y’ umugi wa Kigali ku wa Gatanu yarateranye yiga ku ibaruwa y’ ubwegure bwa Nyamulinda irabwemeza inashyiraho umuyobozi w’ umugi w’ agateganyo bwana Busabizwa Parfait usanzwe ari umuyobozi w’ umugi wungirije ushinzwe ubukungu n’ iterambere.

Itegeko riteganya ko iyo meya yeguye Njyanama iba igomba gutegura amatora yo kumusimbuza bitarenze amezi atatu.

Pascal Nyamulinda yeguye mu gihe umugi wa Kigali umaze amezi atanu udafite Umunyamabanga nshingwabikorwa dore ko Eng. Didier Sagashya wari kuri uyu mwanya yirukanywe mu Ugushyingo umwaka ushize wa 2017 ashinjwa imyitwarire idahwitse mu kazi.

Perezida wa Njyanama y’ umugi wa Kigali Anastase Rutabingwa avuga ko babizi ko icyuho cy’ Umunyamabanga nshingwabikorwa gihari gusa avuga ko barimo gushaka umusimbura dore ko uyu mwanya wo udatorerwa ahubwo apiganirwa binyuze mu gukora ikizamini cy’ akazi.

Rutabingwa amara impungenge abafite ubwoba ko hari imirimo ishobora gupfa kubera ko hari imyanya ibiri idafite abayobozi.

Yagize ati “Nta cyuho kiri mu buyobozi kuko dufite ba visi meya babiri, n’ umuyobozi w’ akarere w’ agateganyo mu gihe dutegereje gutora undi. Ku ruhande rwa tekinike dufite abatekinisiye bakora mu biro by’ umunyamabanga nshingwabikorwa”

Mu mirimo iraje ishinga umugi wa Kigali muri iyi minsi harimo gushyira mu bikorwa igishushanyo mbonera cy’ umugi, kwagura imihanda mu rwego rwo kugabanya ubucukike bw’ amamodoka no kongera ibikorwa remezo muri rusange.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble gasake

    umugi wa KIGALI bawuhe Rutabingwa awuyobore; ubwo azi namategeko byamworohera

    1 week ago

Inzindi nkuru

Ntaribasoba ngo yumvise aruhutse ubwo Nguzumubira yiregaga ko ariwe...

Umukecuru witwa Adele Ntaribasoba n’ umugabo witwa Nguzumubira Gabriel...
20 April 2018 Yasuwe: 1225 0

Abagore baragaya bagenzi babo bigometse ku bagabo babo babyita...

Abagore bo mu ntara y’iburasirazuba bavuze ko hari bagenzi babo bumvishe...
20 April 2018 Yasuwe: 519 1

Gitifu wa Nyabihu yasezeye ku mirimo

Ngabo James Umunyamabanga Nshingwabikorwa w’Akarere ka Nyabihu yasezeye ku...
18 April 2018 Yasuwe: 2693 0

Abasenateri basuzumye amategeko agenga ibigo bya Leta

Abasenateri bahuriye mu nteko rusange y’igihembe kidasanzwe yari yatumiwemo...
17 April 2018 Yasuwe: 435 0

Busabizwa niwe meya w’ agateganyo w’ umugi wa Kigali

Nyuma y’ uko Nyamulinda Pascal wari Umuyobozi w’ umugi wa Kigali yeguye mu...
16 April 2018 Yasuwe: 5274 1

Dr Gahakwa Daphrose na Dr Cyubahiro Bagabe birukanywe burundu muri...

Minisitiri w’Intebe, Ngirente Dr Edourad, yasezereye burundu mu mirimo ya...
12 April 2018 Yasuwe: 2865 0