Depite Habineza yagiriwe icyizere, Dr Ngabitsinze nawe yasimbuye Hon. Nkusi Juvenal
Yanditswe: Tuesday 09, Oct 2018
Inteko Ishinga Amategeko y’ u Rwanda kuri uyu wa Kabiri tariki 9 Ukwakira 2018 yatoye abayobozi b’ amakomisiyo umudepite wavuye mu ishyaka ritavugarumwe n’ ubutegetsi DGPR agirirwa icyizere na bagenzi be naho umudepite wavuye muri PSD atorerwa kuyobora PAC
Depite Dr NGABITSINZE Jean Chrysostome wari umunyamabanga w’ ishyaka riharanira demukarasi n’ imibereho myiza y’ abaturage PSD yatorewe kuba Perezida wa Komisiyo yo gukurikirana imikoreshereze y’ umutungo wa Leta PAC. PAC yayoborwaga na Nkusi Juvenal wamenyekanye cyane muri manda ishize y’ abadepite kubera guhata ibibazo abayobozi babaga barahombeje Leta. Nkusi Juvenal nawe ni umurwanashyaka wa PSD.
Dr Ngabitsinze Jean Chrysostome ni umwarimu muri Kaminuza y’u Rwanda akaba n’umushakashatsi mpuzamahanga.
Depite Habineza Frank yatorewe kuba Visi Perezida wa Komisiyo y’ imibereho myiza. Habineza ni Perezida w’ ishyaka riharanira demukarasi no kurengera ibidukikije DGPR.
Dore urutonde rw’ abatowe bose
Komisiyo Ishinzwe Gukurikirana Imikoreshereze y’Imari n’Umutungo by’Igihugu (PAC)
Perezida : NGABITSINZE Jean Chrysostome
Visi Perezida: MUKARUGWIZA Annonciata
Komisiyo y’Ubuhinzi Ubworozi n’Ibidukikije
Perezida: NYIRARUKUNDO Ignatienne
Visi Perezida: NYIRAHIRWA Veneranda
Komisiyo y’Ingengo y’Imari n’Umutungo by’Igihugu
Perezida: MUNYANEZA Omar
Visi Perezida: TENGERA TWIKIRIZE Fransesca
Komisiyo y’Ubumwe bw’Abanyarwanda, Uburenganzira bwa Muntu no Kurwanya na Jenoside
Perezida: MUKAMANA Elisabeth
Visi Perezida : KAREMERA Francis
Komisiyo y’Imibereho y’Abaturage
Perezida: MUHONGAYIRE Christine
Visi Perezida: HABINEZA Frank
Komisiyo y’Ububanyi n’Amahanga Ubutwererane n’Umutekano
Perezida: RWIGAMBA Fidel
Visi Perezida: MUKANDERA Iphigenie
Komisiyo y’Ubukungu n’Ubucuruzi
Perezida: MUNYANGEYO Théogène
Visi Perezida : UWAMARIYA Odette
Komisiyo y’Uburezi, Ikoranabuhanga, Umuco n’Urubyiruko
Perezida: NYABYENDA Damien
Visi Perezida: NDANGIZA Madina
Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu
Perezida: KANYAMASHURI KABEYA Janvier
Visi Perezida: MUKABIKINO Jeanne Henriette.
Ibitekerezo
Twifurije aba bayobozi bama komisiyo atandukanye munteko, ishya n,ihirwe mukuyobora zakomisiyo neza batorewe kuyobora,bazibuke kwegera abaturage kugirango bamenye ibibazo bafite banabikemure.