Depite Uwamariya arashinjwa kwangaza umwana yasigiwe n’umugabo we

10 January 2017. | Politiki | 38 Ibitekerezo | Nsanzimana Ernest
  • Depite Uwamariya arashinjwa kwangaza umwana yasigiwe n’umugabo we

Nyirabizeyimana Claudine avuga ko ubuzima bubi arimo abuterwa no kuba yarirukanwe mu rugo rwa Depite Uwamariya Devota, nyuma y’aho se umubyara yitabiye Imana.

Claudine avuga ko yabaga mu rugo rwa Devota na se Hakuziyaremye Bernard waje kwitaba Imana, ariko uyu Devota akaba atari we nyina umubyara nubwo mu byangombwa bamwiyandikishagaho bombi nk’umwana wabo.

Depite Uwamariya Devota ahagarariye abagore bo mu Ntara y’Amajyaruguru mu Nteko Ishinga Amategeko y’u Rwanda.

Nyirabizeyimana yabyawe na Hakuziyaremye Bernard na Siniyoberwa Agnes tariki ya 1 Kamena 1994.

Nyirabizeyimana ushinja Depite Uwamariya kumutera kubaho nabi

Siniyoberwa Agnes akaba yari yarashakanye na mukuru wa Hakuziyaremye waje kwitaba Imana mbere y’uko Nyirabizeyimana avuka. Bishatse kuvuga ko uyu mugore yamubyaranye na murumuna w’umugabo we.

Uyu mwana avuga ko yabyawe na Bernard atarasezeranye na nyina, nyuma aza gushaka undi mugore ari we Uwamariya Devota waje kuba umudepite mu mwaka wa 2008.

Claudine yabanye na nyina Agnes kugeza agize imyaka irindwi, hanyuma se (Bernard) amujyana mu rugo rwe (kwa Depite) aba ari ho amurerera. Icyo gihe bari batuye mu Murenge wa Kimironko mu Karere ka Gasabo.

Akigera muri urwo rugo ngo yakiriwe neza nk’abandi bana, aho papa we n’uwo mudepite ngo bari bamaze kubyarana abana bane, nyuma baje kumurihira amashuri abanza mu gihugu cya Uganda.

Mu buhamya bwe, Claudine avuga waje kubyara umwana nyuma yo kwirukanwa mu rugo rwa depite, yagize ati “Banyakiriye neza nk’umwana mu rugo. Ndahaba, igihe cyo kwiga kigeze banjyana ku ishuri n’imfura yabo dutangirira rimwe. Njyewe nahise njya mu mwaka wa mbere hari Kimironko, we ajya muri maternelle kuri International.”

Nyuma ngo baje kubajyana kwiga muri Uganda mu ishuri ryitwa St Anthony riherereye ku muhanda ugana ku Kibuga cy’Indege cya Entebbe, aho avuga ko bahize imyaka itanu, bakanahakorera ikizamini cya Leta.

Mu mwaka wa 2007, papa w’uyu mwana (Bernard) yaje kwitaba Imana ngo azize impanuka y’imodoka yabereye i Shyorongi.

Nyirabizeyimana avuga ko se yari umucuruzi ukomeye cyane mu Karere ka Gakenke no mu Mujyi wa Kigali, aho ngo yari afite inzu nyinshi, imodoka zitandukanye zirimo n’amakamyo yavanaga ibicuruzwa mu mahanga, ndetse n’ibindi bikorwa bikomeye, ahamya ko kuri ubu we ntacyo bimumariye kandi ari umwana umukomokaho.


Iyi ni inzu Claudine avuga ko bari batuyemo, ubu ngo isigaye ikodeshwa n’ivuliro. Iherereye Kimironko ku muhanda ugana Kibagabaga.

Uyu mwana anavuga ko yaje gusoza amashuri abanza mu gihugu cya Uganda, aza gukomereza amasomo yo mu cyiciro rusange mu ishuri riherereye i Kanombe mu Mujyi wa Kigali ryitwa King David. Icyo gihe ngo yahiganaga na murumuna we bavukana kuri se n’ubwo nyuma ngo yaje kuhavanwa akajyanwa muri rindi shuri ryiza rya Riviera High School, riherereye i Kabuga mu Mujyi wa Kigali.

Claudine avuga ko nyuma y’urupfu rwa se, uburyo uyu mudepite yamwitagaho bwagabanutse bigaragara, aho atakundaga kumusura ku ishuri nk’abandi bana be kuko ngo yamubwiraga ko adakunze kubona umwanya.

Byaje kugera aho, uyu mudepite ngo akomeza kumufata nabi ndetse aza no kumwirukana mu rugo, aho ngo yifashishije bamwe mu bapolisi bakoreraga kuri Sitasiyo ya Polisi ku Kimironko bakamufunga ijoro rimwe bakamufungura nk’ejo, ndetse bakamusinyisha inyandiko yemera ko atazongera gukandagira mu rugo rw’uwo mudepite.

Ati “Kugira ngo mve aho bamfungiye barabanje bansinyisha ibipapuro bivuga ko mpavuye nsanze mama wanjye (atuye mu Gakenke), bari kumbwira ngo nintabisinya bazajyana mu kigo cy’ibirara i Gikondo, nanjye ndabisinya kugira ngo mvemo. Mvuyemo ni bwo yahise anshyira mu modoka anzana inaha (mu Gakenke)”

Yunzemo ati “Tugeze mu mwaka wa kabiri wisumbuye ni bwo yahinduriye umwana we ishuri amujyana muri Riviera, njyewe arahansiga, namubaza akambwira ngo na we nutsinda nzahakujyana. Ntazajye aza kunsura ku ishuri, icyo nkeneye nkamuhamagara akambwira ngo nzaza bikarangira ataje, nanjye nkabyihorera.

Iyo twabaga turi mu rugo, nagiraga nk’icyo musaba ntabwo yakimpaga kereka umukobwa we w’imfura akinsabiye, na ho njyewe nta kintu namusabaga ngo akimpe. Yarambwiraga ngo nta mafaranga afite. Natuma umukobwa we akaba wenda ari bwo akimuha kuko yavugaga ko ari we ugishaka , ntabwo yavugaga ko ari njyewe ukimutumye.”

Nyirabizeyimana avuga ko muri 2015 ari bwo depite ubwe yamujyanye mu modoka akamujyana iwabo mu Gakenke amutegeka ko atazongera gusubira mu rugo rwe.

Bigaragara ko mu irangamimere depite ari we nyina

Uyu mwana avuga ko akimara kugera mu rugo kwa se, ngo bamufashe nk’umwana wabo ndetse bose bamwiyandikishaho mu irangamimerere, aho ahamya ko nta ruhare na ruto yigeze abigiramo.

Ibi kandi twabihamirijwe n’ibiro by’Irangamimerere mu Murenge wa Kimironko, aho umukozi uhakora witwa Muteteri Ange yatubwiye ko imyirondoro ya Nyirabizeyimana Claudine igaragaza ko papa we umubyara ari Hakuziyaremye ndetse na Uwamariya akaba nyina, gusa nta mazina ya gikirisitu ari ho.

Ni mu gihe Nyirabizeyimana, yiyemerera ko ubu abana na nyina wamubyaye Siniyoberwa Agnes bakaba batuye mu Murenge wa Mataba mu Karere ka Gakenke.

Claudine avuga ko nta ruhare na rumwe yigeze agira mu kwandikisha abo babyeyi be kuko igihe byakorwaga ngo yari umwana, aho ngo uwo mudepite ari we wamubwiye ngo ajye kwifotoza ngo azabone irangamuntu gusa, ndetse no mu gihe irangamuntu yafatwaga yigaga muri Uganda, akaba yarayifatiwe na depite.

Uretse mu irangamimirere, uyu mwana ngo no mu mashuri yose yizemo amazina y’ababyeyi be yari ayo.

Nyirabiziyaremye anafite ikarita yo kwivuza ya MEDIPLAN ya Sosiyete y’ubwishingizi ya SORAS yivurizagaho igihe se yari akiriho, aho yemeza ko na yo ari igihamya ko ari we umubyara.



Imibereho mibi nyuma yo kwirukanwa

Nyirabizeyimana ahamya ko kwirukanwa mu rugo rwa se byatumye imibereho ye iba mibi ndetse aza no kugwa mu gishuko aterwa inda ubu akaba ahetse umwana ugiye kuzuza umwaka, aho we n’umwana yabyaye babayeho mu buzima bubi bw’inzara.

Icyo gihe ngo yari ageze mu mwaka wa gatanu w’amashuri yisumbuye.

Amaze kubyara, hari igihe ngo yifuzaga amafaranga ngo agire icyo yigurira akayabura, agahitamo kugurisha imyenda yari afite akabona kugura icyo yabaga yifuza.

Avuga ko ababazwa cyane no kuba imitungo ya se iribwa n’ abandi we ntagire icyo abona kandi na we ari umwana wemewe n’amategeko.

Nyirabizeyimana anavuga kandi ko uwo mudepite yaje no gushaka undi mugabo muri Kanama 2015, ubu ngo bakaba basigaye batuye mu Murenge wa Kinyinya.

Iki kibazo yakigejeje mu zihe nzego?

Nyirabizeyimana avuga ko muri Nzeri 2016, yagiye kugisha inama ku Karere ka Gakenke ngo wenda bagire icyo bamufasha, ageze kwa MAJ (ugira abaturage inama mu by’amategeko) ahamagara depite Uwamariya ntiyamwitaba ahitamo kumwohereza kwa Meya.

Ageze kwa meya ngo yamusobanuriye ikibazo uko giteye, ahamagara depite, depite amubwira ko ikibazo bazagikemurira mu muryango, aho ahamya ko kugeza ubu ahamagara depite ntamwitabe ngo bagikemure.

Meya wa Gakenke, Nzamwita Déogratias, yavuze ko koko yahamagaye Depite Uwamariya akamubwira ko ikibazo kizakemukira mu muryango, akaba nta kindi yagikoraho.

Mu gushaka kumenya icyo Depite Uwamariya avuga kuri iki kibazo, twamuhamagaye kenshi tunamwoherereza ubutumwa bugufi ariko atugaragariza ko ntacyo ashaka kukivugaho.

Mu gihe cy’ibyumweru hafi bibiri, twagiye tumuhamagara rimwe akatwitaba ubundi ntiyitabe, yaba anitabye akavuga ko afite akazi kenshi nta mwanya afite wo kutuvugisha, gusa ko afasha uyu mwana ariko ko nta kindi yifuza kuvuga kuri iki kibazo, yabazwa icyo amufasha agahita akupa telefoni.

Kuri uyu wa mbere, ku nshuro ibanziriza iya nyuma mu zigera ku 10 twamuhamagaye, dukoresheje telefoni zitandukanye, yabanje kuvuga ati “Nta mwanya ndabona nuboneka nzaguhamagara.”

Umunyamakuru: Kuri telefoni se ntimwatubwira?

Depite Uwamariya: Oya kuri telefoni ntacyo nababwira, sinzi n’icyo munanshakira.

Umunyamakuru: Ariko twari twababwiye inkuru turi gukurikirana

Depite Uwamariya: Ariko nababwiye ko njyewe nta kibazo mfitanye na we, we niba hari ikibazo afite ubwo azakibabwire njyewe nta kibazo mfitanye na we.

Umunyamakuru: Muramufasha nk’uko bikwiye?

Depite Uwamariya: Sawa mwirirwe nari ndi mu kazi, ubwo nari ngize ngo ni undi muntu (kuko twari dukoresheje indi nimero) ariko nzabahamagara, nzabihera rendez vous.

Umunyamakuru: Ntabwo mwayiduha vuba aha

(Ahita akupa)

Kuri iki kibazo, Umunyamategeko Uwayo Jephtah avuga ko amategeko ateganya ko uyu mwana ari umuzungura wa se niba koko amwanditseho.

Src: Izubarirashe

Ibitekerezo
  • MyPassion

    Mizero
    12 January 2017 - Musubize

    aha Hon. Depite yari akwiye gutanga urugero rwiza. Fata umwana wese nk’uwawe. Niyo yaba yaratoye imico mibi, igisubizo ntabwo ari ukumutererana no kumujugunya, ahubwo wari ukwiye kumuba hafi ukamugira inama, byaba ngombwa ukanamushyiraho igitsure cya kibyeyi.

    None se ari uwawe wibyariye wamujugunya, nk’uko wajugunye uwo umugabo wawe yabyaranye n’undi mugore.

  • MyPassion

    Mimi
    12 January 2017 - Musubize

    Uyu mukobwa ni ikirara bidasubirwaho rwose ubundi se ko se yapfuye Devotha agasigara arera abana be kuki nyoko we atakurera? Byongeyeho ko yatangaga school fees koko ubuse ari nyoko wahita umujyana mu banyamakuru uzirushya ahubwo udasize na nyoko ukoshya ayo mabi

  • MyPassion

    eleonor
    12 January 2017 - Musubize

    njye nimureke mbigere ubuhamya kandi ikinyamakuru kunkundire kibutambutse. maranye n’umugabo imyaka 8,ntiyampishe rwose ko afite umwana ndetse ndanabyakira. twabaye aho ari umwana ari na nyina badakoma,usibye ko nyina yari afite n’ubushobozi. umugabo wanjye yaje kuvanwa ku kazi njye ariko nkagumaho ndetse mbona promotion. kubera ubushomeri bw’umugabo twarumvikanye nsinya contract ebyiri mu masaha y’umugoroba nkajya gukira consultance mu by’icungamari. narananirwaga cyane ariko nkanezezwa n’uko umugabo yanyitagaho akamba hafi ndetse numva ndushijeho kumukunda. ubwo muri iyo mirimo twaje kuvanamo inzu kuko twarakodeshaga kandi twari tumaze kugira abana babiri. Imana yakoze ibikomeye umugabo wanjye aza kubona akazi keza,ariko nanjye nkomeza twa tuzi twombi ubushobozi bugenda buza. tuza kubaka utuzu tw’ubucuruzi tugura na dyna igemura imyaka. ahantu umugabo wanjye yakoraga nta assurance bagiraga ariko njye nari maze kubona assurance. Mu byukuri sinarinzi ko uwo mugore babyaranye yaducungaga ibyo dukora byose,gusa sinakwirengagiza ko twamaze nk’imyaka 2 ntacyo tumufasha bitewe n’uko umugabo yari amaze igihe mu bushomeri. Umugore yaje guhamagara ari saa munani na 18 z’ijoro kubera ko phone yasakuzaga cyane umugabo ahita ayitaba. umugore aramubwira ati"ariko ujya wibuka ko ufite imfura yawe mu gasozi?" umugabo aramubwira ati umwana uri kumwe na Nyina ntaba ari mu gasozi. yamubajije igituma ahamagara iryo joro yirengagije ko aba ataryamye wenyine. umugore yaramubwiye ngo ntunkangishe uwo mugore kuko ninjye wakubanje nkubyarira imfura. ati umwana ararwaye kandi assurance yanjye kuyimushyiramo. Umugabo yaramubwiye ati nonese wabaye ushatse mutuel mu gihe hagishakishwa ubundi buryo?umugore yaramubwiye ngo sinzavuza umwana wanjye kuri centre de santé abaye barwara igicurane bakajya Faycal. umugabo wanjye yarumiwe yibaza aho amakuru ayavana kandi tutanatuye mu ntara zimwe. umugabo yamubwiye ko assurence dukoresha ari iyanjye kandi bidashoboka ko bayimushyiramo wumva na ya nyine bwite baranze kuyimushyiramo usibye ko byari n’amananiza
    ku bw’amahirwe kuri phone nari mfiteho 50 milles ambaza niba yamwohererezaho ndabimwemerera ahita ayamwoherereza muri iryo joro. umugore yahise amuhamagara aravuga ngo ndabona izina ry"umugore wawe mpise mbona ko wabimubwiye abizi,menye n’impamvu utita ku mwana wawe abagore ndabazi na roho mbi zabo. kwa kundi phone isohora amajwi narabyumvise,umujinya uranyica,numva indurwe irazamutse,cyakora umugabo wanjye yahise amubwira nabi.yarahindukiye asanga sinkoma biramubabaza ariko nanga kwikanyiza kugirango ubutaha atazajya ampisha.mu gitondo nasanze uwo mudamu yanyoherereje msg ati tura tugabane ku neza n’uyu ni umwana nk’abandi. ndabizi ko mufite amaza y’ubucuri amamodoka ishyano ryose amamoto n’ibibanza. nyamara ibi byose ntabyo mu byukuri twari dufite usibye ibyo navuze haruguru. nayeretse umugabo aherako aramuhamagara aramubwira ati ibyababaye ni ibyanjye nawe,umugore wanjye umufashe hasi. umugore ati ndaahaka gushaka umugabo kandi nta mugabo urera undi. umugabo ati ese ubwirwa n’. iki ko umugore wanjye wanjye we azakurerera neza? umugore yamwihenuyeho cyane ati arabitegetswe, urugo ni urw’umugabo. njye nahise mbona ko mu migambi afite harimo no kuturyanisha. nabwiye umugabo nti ntuzongere na rimwe kuvugisha uyu mugore,njye ngiye kubyikurikiranira keretse umwana ariwe ushatse kukuvugisha. ubwo naramuhamagaye muha gahunda njya no kumureba no kureba umwana kuko sinari mbazi. nkihagera nasanze hari abasore n’abagabo benshi numva akoba ariko ndicara gutangira ikiganiro birananira kubera ukuntu bandebaga. nahise noherereza umugabo msg nti ubanza ishyamba atari ryeru. yarampamagaye ntinya gufata phone ariko nihagararaho,mbaza uwo mugore niba twaganira twenyine n’umwana. turimo tuganira umwana aba ararize nyina arasakuza abantu baraza baramfata ngo naje kubatera ubwoba. iryo joro naraye kuri station ya police mu gitondo umugabo aza kundeba. nari nacitse intege ku buryo numvaga ntagomba no kujya nzira amakosa y’abandi. namaze iminsi ntavuga narihebeye mu kazi gusa. Naje gutungurwa na convocation yansabaga kwitaba umugabo aramperekeza, ku bw’ibyago by’uwo mugore itegeko ry’iminani ryari ryaravuyeho ariko dusabwa kuremera umwana no kumufasha kwiga. haje kubura ibimenyetso binshinja iterabwoba ariko abantu bari baramvumiye ku gahera nk’uko bari kubigenza kuri uyu depite usibye ko ntahakana ko hari n’abanga abana b’abagabo babo nta mpamvu. urukiko rwategetse umugore kutumva ko bagomba kugira uruhare rungana kuko umugabo afite abandi bana 3 kandi b’isezerano. bamubwiye kandi ko atagomba kurebera ku bushobozi buri mu rugo kuko atabushatse wenyine kandi igihe babyaranaga ntabwo yari afite. nubwo ibyo twasabwe twabikoze sinavuga ko byakemuye ikibazo pw! abana bavuka ku ruhande baragorana nubwo na ba mukase tutoroshye. nyabuna mushishoze

  • MyPassion

    benimana
    12 January 2017 - Musubize

    Ndasubiza bariya bose bavuga ngo depite asabe imbabazi, yishe amategeko. Ubwo abazi amategeko bataragira icyo babivugaho, mumenye ko depite ari umuntu nk’abandi. Murabizi uko kwandikisha umwana byakorwaga. Ni gute Bernard yandikishije umwana kuri nyina utari uwe kandi uwamubyaye ahari? Rwose abazi amategeko batumare impungenge, kuko niba umwana yarashyikirijwe nyina umubyara nta n’ubwo yangajwe yashubijwe mu muryango we. Jye ndabona ari inyungu ku bintu bashaka kandi ntibagaragaza uko bafashije kubishaka.

  • MyPassion

    ha
    12 January 2017 - Musubize

    Ubu koko ninde utabona ko uyu mukobwa yananije uyu mudepite koko akaba ashaka kumuharabika gusa koko?? Murebe kure! Ntimugendere mumarangamutima! :

    1. Kuki kwiga byamunaniye ? yabuze Minerval?
    2. Abababaye bose barasambana bagatwita?
    3. ngo Ntibamusuraga kwishuri? bituma arireka?
    4. Kuki Police yamufungaga? yabaga yagambaniwe?

    Nzaba ndeba!!!!

  • MyPassion

    Pastor peter
    12 January 2017 - Musubize

    Turamugaye pe pe pe, umwana ntabwo yabeshya kandi n’uwo mu girwa hon. akwiye kwisubiraho kuko n’umwana atasigiwe n’umugabo yamufata nku we.

  • MyPassion

    Benimana
    12 January 2017 - Musubize

    Abanyamakuru nta bucukumbuzi bakoze ngo batwereke icyo amategeko ateganya. Umwana yari afite se wamubyaye buraya. Nyina w’umwana ariho: hari aho yaba yarafashije se w’umwana gushaka iyo mitungo avuga? Umwana washakiwe amashuri meza ntiyige ngo arangize byatewe n’iki? Kuvuga ko yakennye bigatuma yiyandarika biratangaje: ahubwo muvuge ko ari uwa nyina naho depite ararengana. Niba umugabo yaramwandikishije abeshye umugore w’isezerano yamara gupfa umugore akabitahura, cyane ko bene abo bana barwana ku nyungu za ba nyina n’iki cyakorwa mushyize mu gaciro? Uwo mwana udashaka kubana na mama we ngo arashaka depite kandi yaramufashe afite imyaka 7 murumva ntacyo bihatse? Mubanze mumenye intandaro n’amategeko ubndi murekeraho kwandagaza depite. Ngo imitungo ya se, yayishakanye na nyina se depite ayizamo? Muzasome neza itegeko ry’izungura: ntaho bitegetswe guhabwa ibya se. Kuba yivugiye ko yanaiwe ishuri ntako depite atagize. Kabijwe amwandagaje, ubwo rero azahindukira asabe imbabazi. Guca bugufi ntacyo byari kumutwara kuko si we mfubyi wenyine Bernard yasize. Abandi baratuje. None mugiye kwinjira mu buzima bwihariye ngo depite yashatse undi mugabo. Aho bitemewe ni he?

  • MyPassion

    mundekere
    12 January 2017 - Musubize

    Ndasaba Me Evode kudufsha akadusobanurira twe tutazi amategeko.

    1. Ese burya abantu bajya mu nteko ishinga amategeko akaba aribo bayica?
    2. Ese Depite yaba ahakana ko uwo mwana atamwiyandikishijeho? Yabikoze akiri mu rukundo rw’uwo bashakanye, amaze kwitaba Imana aba arahumutse, kamere muntu ihita igaragara, avangura ibye n’ibitari ibye.

    3. Ese Me Evode itegeko ry’umuryango aha rivuga iki? Nibikunanira ubaze Mgr Nzakamwita arakunganira.

  • MyPassion

    agaciro peace
    12 January 2017 - Musubize

    Uwitwa Sam yabivuze neza abanyamakuru murabogama, ndetse akenshi ukabona uburyo inkuru zanyu zanditse bigaragara ko mwatumwe n’umuntu runaka. Kuko ikigaragara uyu mwana ni ikirara. Ntaho muvuga uburyo yanze kwiga, akikura muri aya mashuri meza yose bari baramushyizemo. Gufungwa no hafi kujyanwa mu kigo cy’inzererezi n’ibirara ntibyaje gutyo gusa; guterwa inda ntibyaje gutyo mu kirere.... niba na depite hari ibyo yabazwa ariko burya ngo agahwa kari kuwundi karahandurika.

  • MyPassion

    Athanase
    11 January 2017 - Musubize

    Depite muzima ubwo se ki ahagarariye abagore yabatangira ibutekerezo nkibyo! mugihe yiyandikishijeho umwana nareke kumuta kuko mumategeko nuwe yamaze kubyemera.Knd uwomwana anakeneye kubyase.

  • MyPassion

    Felly
    11 January 2017 - Musubize

    uwo mu Depite asabe imbabazi mu nteko abanyarwanda bose babyumve, yarahemutse cyane

  • MyPassion

    Joyeuse
    11 January 2017 - Musubize

    Honorable ariko nawe yakoze amakosa kare kose igihe yamwiyandikishagaho ataramubyaye. Wiziritseho igisasu ugirango urabuza umugabo wawe kuzongera kubonana na nyina w’umwana none birakugarutse. Muhe ibyo ku bya se nawe ni umwana we ni umwe mu bazungura be. None se ko imitungo ya se ihari wayimutungiyemo cyangwa ukayimuhaho harabura iki? Ibyo ni ubusambo ni bibi cyane

  • MyPassion

    niyigena james
    11 January 2017 - Musubize

    Andika Igitekerezo Hano mbega ariko kuki abantu bikunda niba aribyo na Depite natekerezeko atazahoraho kdi yabyaye afite abana arahemukira amaraso yumugabowe koko nakorere imana Itazamwitura nkibyo yakoze ngewe mfite ingero nyinshi kubo byabayeho gusa uwo mukobwa yihangane

  • MyPassion

    justine
    11 January 2017 - Musubize

    kujya murugo umugabo yarabyaye umwana mu busore ni umusaraba ukomeye.buriya ikinamico ya ’’Bazirunge zange zibe isogo" uwayihimbye ni umuhanga akwiye igikombe.Mubushakashatsi butimbitse nakoze ni uko abo bana banga kwiga,bagashaka ko icyo bavuze aricyo kiyobora umuryango,bakumva ko bakwiye kuruta abana bavutse nyuma,ntakubaha mukase,aramuhiga nkaho ariwe wagize uruhare mugutuma nyina ataba muri urwo rugo ntashima n’ibindi.ahubwo Depite arihangana naramuka anamuhaye umugabane we azawurya kandi ibyo amaze kumutakazaho nibyinshi.uzi kumukura ku inyange amujyana ahandi ukuntu byamugoye? nibige murubanza amuhe icyo amategeko ateganya kandi amwiyandukuzeho ave mu bazungura be kuko habayeho ibyago nawe agapfa urupfu rutunguranye yateza impagarara mubavandimwe be doko naho yashatse ahafite abandi bana badahuje se.

  • MyPassion

    niyigena james
    11 January 2017 - Musubize

    Andika Igitekerezo Hano mbega ariko kuki abantu bikunda niba aribyo na Depite natekerezeko atazahoraho kdi yabyaye afite abana arahemukira amaraso yumugabowe koko nakorere imana Itazamwitura nkibyo yakoze ngewe mfite ingero nyinshi kubo byabayeho gusa uwo mukobwa yihangane

  • MyPassion

    jj
    11 January 2017 - Musubize

    nyina w undi ni nyina w undi ese niba uwo mwana yari amnaniye iyo aba aruwo yabyaye yari kumuta or njye ndabona uwo mudepite ari umubyeyi mubi

  • MyPassion

    alias
    11 January 2017 - Musubize

    Depite weeeeeeee ntasoni

  • MyPassion

    mahoro
    11 January 2017 - Musubize

    ariko umwana ko afite nyina murashaka kumutsindira depite kubera iki? niba se yarapfuye atabahaye umunani kuko yagiye bitunguranye arashaka kuzungura se?
    ubwo ni aba muri inyuma bashaka amatikukuri depite nibamuhe amahoro

  • MyPassion

    Fernandel
    11 January 2017 - Musubize

    Kuki umwana ashaka kurerwa n’utari nyina? nasabe inkunga mu bya se ariko yegutesha uyu mubyeyi umutwe!

  • MyPassion

    dSBF
    11 January 2017 - Musubize

    Ooh nta kundi. Ni ukwihangana.

  • MyPassion

    Eugne Habarurema
    11 January 2017 - Musubize

    Gusa ndabona Depite yashakaga kuba umubyeyi ,uyu mwana aramunaniza! Gusa kubera uburenganzira bw’umwana muri iki gihe noneho w umukobwa !Biramugiraho ingaruka mbi cyane!!!

    Yihangane kandi nawe arabizi"Utakwambuye aragukerereza"

  • MyPassion

    che
    11 January 2017 - Musubize

    Niba ibi bintu aribyo birababaje. Inzego zibishinzwe ziba zikwiye gukora iperereza ryimbitse umwana akarengerwa, harya ntitugira ministeri y’umuryango ra? nayo ikwiye kubijyamo nta mpamvu ko umwana yabaho nabi ngo nuko bikorwa na depite, ese ubundi polisi yo yamufungiye iki??? Umwana arenganurwe pe!

  • MyPassion

    citoyen
    11 January 2017 - Musubize

    Intandaro ya byose ni uburyo bene wacu bo mu majyaruguru bakunda kubyara mu kajagari. Uyu yajyaga kwinjira no kubyarana n’umugore wa mukuru we iyo ashaka uwe? Noneho munyumvire nyakubahwa depite nawe ubu ntarwambaye arashyushye kuwundi mugabo, nyuma yo kubyarana kane n’uwa mbere! Nimushaka rero mumureke ni ingaruka z’imico yabo. Ariko igikomeye ni ukureba icyo amategeko ateganya ku burenganzira bw’uyu mwana n’ubwo bigaragara neza ko ari ikirumbo. Ntimwumva se ko yendaga kujyanwa i Gikondo?!

  • MyPassion

    Tupac Omar
    11 January 2017 - Musubize

    Cyakora birababaje cyane, gusa iryo kosa ntiragakwiye kuba kuwitwa intumwa ya rubanda, ubwo se atavuganiye umwana wumugabo we yavuganira njyewe mwene Kambali ka Migambi?? atazi naho nkomoka?? birumvikana ko nubundi ashakana na se ari imitungo yishakiraga kuko kwemera kumwiyandikaho ari amafranga yabikoraga!!!! @Depite nkugiriye inama umwana ninkundi kandi uwangwa niwe ukura, urwajyanye se ntugirengo ntiyari umugabo wawe !!! nawe ntuzatura nkibisi byahuye ( gusa singuteze iminsi) Tanga umusanzu wawe unihane kujujubya umwana. kuko nutabikora mbere Umusaza @Mr Presidend azabyikorera. kuko tuzabimugezaho kandi niyo waba uri mushiki we Mzee wacu ntazareba ngo uri depite. kuko abadepite nibenshi twazatora nabandi. Kuko wowe mubigaragara urananiwe ugeze naho gutinya itangaza makuru!! nibigaragaza ko ibyo wakoze ubizi. ariko si wowe uzafata umwanzuro kubuzima bwe.

    Gusa Police nayo ndumva itarabyitwayemo neza.

  • MyPassion

    mico
    11 January 2017 - Musubize

    Uyu mwana ikigaragara ni akarara, ukurikije ibyo avuga muri video ni macabiranya kabisa! umwana muzima se ubundi ava murugo adasabye uruhushya ajya he? ibaze kwandika ngo ugiye gusura umwana w’inshuti i cyangugu, yari yaramubuze se ngo amusabe uruhushya? ticket se ijyayo yayikuye hehe? n’ iyo depite yaba afite amakosa ariko uyu mwana nawe si shyashya.

  • MyPassion

    mbabazi
    11 January 2017 - Musubize

    mubyemere mubyange iy’inkoko ivuye mu magi arangirika,jye si mbogama gusa mbabwire ko kurer’umwana w’undi biragoye kurenz’uko abantu babivuga,abatabyumva babuzwa n’iki kubafata ko bahari?eeh ngo babyumve?bararushya jye ndamurera nasigiwe na murumuna wanjye ariko yagiye mu buraya yiga 5 primaire kdi ntacyo yabuze pe sec yo yayize imyaka 10 n’ubwo na ba nyina wundi baba batoroshye bijye byigwa ku mpande zombi

  • MyPassion

    Rubayita
    11 January 2017 - Musubize

    Nonese ko numva umwana yageze kubuyobozi kuki batamufashije ngo agane inkiko abone uburenganzira nk,umuzungura?ubwo Maj yananiwe kugira uyu Mwana inama cg batinye ko ari Depite Gusa?itegeko riri clear uwo Ni umuzungura mu Bya se,nagane inkiko

  • MyPassion

    Rubayita
    11 January 2017 - Musubize

    Nonese ko numva umwana yageze kubuyobozi kuki batamufashije ngo agane inkiko abone uburenganzira nk,umuzungura?ubwo Maj yananiwe kugira uyu Mwana inama cg batinye ko ari Depite Gusa?itegeko riri clear uwo Ni umuzungura mu Bya se,nagane inkiko

  • MyPassion

    uwimana
    11 January 2017 - Musubize

    MWe ntacyo muzi uyu mwana ni umunyamakosa . ndamuzi ndabamenyeshako nuyu Nina umubyara WO mu Gakenke bananiranwe . agahungira kwa musaza we . yavuye Kgli yanze ishuri ahubwo yaratorotse ajya cyangugu amarayo icyumweru 2 baramubuze nibwo police yamubazaga aho yari yaragiye kuko hon yari yara reppotinze ko yabuze umwana . nyuma yababwiye ko adakeneye kwiga burundu bamuhitishamo kwiga akaguma mu rugo cg gusanga nyina umubyara. aba aribyo ahitamo nuko yaje Gakenke.

  • MyPassion

    dieme
    10 January 2017 - Musubize

    Ubwo mwana yazanye ubugoryi kera igihe abyara.ubonye yiba uvuga uti nananiwe kwiga kubera ubushobozi buke.erega itegeko ryarahindutse umubyeyi aguha abishatse

Tanga Igitekerezo