Kigali

Frank Habineza yavuze ko batishimiye ibyavuye mu matora nk’ uko bari babyiteze, anifuriza amahirwe umukandida wa FPR

Amakuru   Yanditswe na: Nsanzimana Ernest 5 August 2017 Yasuwe: 3289

Dr Frank Habineza wari uhagarariye ishyaka riharanira demukarasi no kurengera ibidukikije mu Rwanda watsinzwe amatora y’ umukuru w’ igihugu ya 2017 yashimiye Paul Kagame watsinze amatora nk’ uko byagaragajwe n’ amajwi y’ ibanze.

Dr Habineza yavuze ko ishyaka ahagarariye ryatangiye ibikorwa byo kwiyamamaza harimo ibibazo ngo gusa ibi bibazo byaje gukemuka ibikorwa byo kwiyamamaza bikomeza neza.

Ibi Frank Habineza yabitangaje mu kiganiro yagiranye n’ Abanyamakuru kuri uyu wa Gatandatu tariki 5 Kanama 2017 aho yavugiye ko ashimira abarwanashyaka ba DGPR n’ abamutoye.

Dr Habineza yakomeje agira ati "Ndasaba komisiyo y’ amatora ko ubutaha yazakosora udukosa twabayemo turimo imyitwarire y’ abayobozi b’ inzego z’ ibanze no kuba zimwe mu ndorerezi za DGPR zarabangamiwe".

Yongeyeho ati “Twemeye ibyavuye mu matora…Ibyavuye mu matora twabyishimiye ariko ntabwo twabikunze kuko sibyo twatekerezaga”

Dr Habineza yavuze ko ashimira umukandida wa FPR ndetse ko anamwifuriza amahirwe masa. Yongeye ati " Ndasaba Abanyarwanda gukomeza ituze n’ umudendezo kuko turi mu nzira y’ iterambere"

Amajwi angana na 80% by’ abatoye bose niyo komisiyo yamaze gutangaza ibyayavuyemo. Umuyobozi wa komisiyo y’ amatora Prof Kalisa Mbanda yatangaje ko Paul Kagame yatsinze amatora kuko majwi 98, 66%, Mpayimana Philippe agatsindirwa kuri 0, 72, naho Dr Frank Habineza akaba yatsindiwe ku majwi 0 , 45%. Komisiyo y’ igihugu y’ amatora yavuze ko ibi bishobora guhindurwa n’ amajwi y’ agateganyo y’ ibyavuye mu matora atangaza kuri uyu wa Gatandatu tariki 5 Kanama ku isaha ya saa kumi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Impinduka ku muganda usoza umwaka wa 2017

Minisiteri y’ubutegetsi bw’igihugu (MINALOC) yatangaje ko ku matariki ya 30...
15 December 2017 Yasuwe: 149 0

U Rwanda rwiyambaje impuguke zo muri Amerika ngo ukuri ku ruhare rw’ u...

Minisitiri w’ububanyi n’amahanga n’ umuryango w’ Afurika y’ iburasirazuba...
15 December 2017 Yasuwe: 223 0

‘Kudutera uturutse hanze biragoye’ Perezida Kagame

Perezida Kagame yavuze ko nta mwanzi watera u Rwanda aturutse hanze y’...
14 December 2017 Yasuwe: 1366 4

Mukaruliza wagizwe ambasaderi muri Zambia yatanze impapuro zimwemerera...

Ambasaderi Monique Mukaruliza wahoze ari umuyobozi w’ umugi wa Kigali...
14 December 2017 Yasuwe: 398 0

2017: Abantu 35 batabawe bajyanywe gucuruzwa

Polisi y’u Rwanda irizeza Abaturarwanda ko hazakomeza kubaho umutekano mu...
14 December 2017 Yasuwe: 276 0

AMAFOTO utabonye ya Perezida Kagame ubwo yatahaga ingoro y’ amateka ya...

Perezida w’ u Rwanda ahagana saa tanu z’amanywa kuri uyu wa Gatatu tariki 13...
13 December 2017 Yasuwe: 1131 3