Kigali

Eng. Didier Sagashya yatsinze ikizamini cyo kuba Gitifu w’ Umujyi wa Kigali (yavuguruwe)

Amakuru   Yanditswe na: 17 February 2017 Yasuwe: 3276

Nyuma y’ uko Matabaro Jean Marie Vianney wari Umunyamabanga Nshingwabikorwa w’ Umujyi wa Kigali asezeye mu mirimo ye ku mpamvu ze bwite, Eng. Didier Sagashya yatsindiye uyu mwanya mu kizamini cy’akazi akaba arindiriye ko Inama Njyanama y’Umujyi wa Kigali imwemeza nk’uko mategeko abiteganya.

Eng Sagatwa ufite amahirwe menshi yo kuba Umunyabanga Nshingwabikorwa w’ Umujyi wa Kigali yari Umuyobozi w’Ikigo Gishinzwe Imiture mu Rwanda.

Taliki 6 Gashyantare nibwo Matabaro wari Umunyamabanga Nshingwabikowa w’Umujyi wa Kigali ashyikirije Inama Njyanama y’ Umujyi wa Kigali ibaruwa avuga ko kunera impamvu ze bwite asezeye ku kazi. Uyu mwanya yari awuriho kuva muri 2010.

Eng Didier Sagashya yagize amanota 41,8% mu kizami cyo kuvuga (Interview) yose hamwe agira 83,6%. Mu gihe uwitwa Rubunda Emmables yagize 32,1% mu kizami cyo kuvuga yose hamwe akagira 64, 20%.

Nta mezi abiri arashira, Umujyi wa Kigali umaze kubona abayobozi batatu bashya basimbura abari basanzwe ari abayobozi bawo barimo abahawe indi mirimo n’ umwe wasezeye ku mirimo ye ku mpamvu yavuze ko ari ize bwite.

Tariki 20 Ukuboza 2016, Madame Muhongerwa Patricia yatorewe kuba Umuyobozi w’ umujyi wa Kigali wungirije ushinzwe imibereho y’ abaturage. Muhongerwa yasimbuye Judith Kazayire wahinduriwe imirimo mu Ugushyingo 2016 akagirwa Guverineri w’ Intara y’ Iburasirazuba.

Kuri uyu wa Gatanu tariki 17 Gashyantare 2017, Pascal Nyamulinda yatorewe kuba umuyobozi mushya w’ Umujyi wa Kigali. Yasimbuye Mme Mukaruliza Monique wagizwe Ambasaderi w’ u Rwanda mu gihugu cya Zambia.

Kuri aba hiyongera na Eng. Didier Sagashya urindiriye ko Inama Njyanama imwemeza nk’Umunyamabanga Nshingwabikorwa nyuma yo gutsinda ikizamini cy’akazi.


Muhongerwa Patricia arahirira inshingano nshya yatorewe tariki 20/ 12/2016


Nyamulinda Pascal, Meya mushya w’ Umujyi wa Kigali


Eng. Sagashya urindiriye ko Inama Njyanama imwemeza

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba amafoto y’ ubudasa ya Perezida Kagame yafashwe ubwo hafatwaga amashusho...

Mu ijoro ryakeye Perezida w’ u Rwanda Paul Kagame yitabiriye ibirori byo...
24 April 2018 Yasuwe: 6853 0

Kera Abanyarwanda babyinaga amahoro n’ iterambere bidahari- Kangwagye

Umuyobozi mu Rwego rw’Igihugu rw’Imiyoborere (RGB) Ushinzwe Imitwe ya...
23 April 2018 Yasuwe: 576 1

Ntaribasoba ngo yumvise aruhutse ubwo Nguzumubira yiregaga ko ariwe...

Umukecuru witwa Adele Ntaribasoba n’ umugabo witwa Nguzumubira Gabriel...
20 April 2018 Yasuwe: 1399 1

Abagore baragaya bagenzi babo bigometse ku bagabo babo babyita...

Abagore bo mu ntara y’iburasirazuba bavuze ko hari bagenzi babo bumvishe...
20 April 2018 Yasuwe: 687 1

Gitifu wa Nyabihu yasezeye ku mirimo

Ngabo James Umunyamabanga Nshingwabikorwa w’Akarere ka Nyabihu yasezeye ku...
18 April 2018 Yasuwe: 2858 0

Abasenateri basuzumye amategeko agenga ibigo bya Leta

Abasenateri bahuriye mu nteko rusange y’igihembe kidasanzwe yari yatumiwemo...
17 April 2018 Yasuwe: 455 0