Kigali

FDLR yacitsemo ibice barimo kwicana hagati yabo

Amakuru   Yanditswe na: 26 April 2017 Yasuwe: 4263

Lieutenant Habyarimana David wari umwe mu barwanyi b’ umutwe w’ inyeshyamba zitavugarumwe n’ ubutegetsi bw’ u Rwanda FDLR yavuze ko uyu mutwe wacitsemo ibice abari abavandimwe bakaba barimo kwicana.

Hayarimana yageze mu Rwanda kuri uyu Kabiri tariki 25 Mata akaba yari amaze imyaka 19 muri FDLR.

Habyarimana David avuga ko yari umuyobozi w’abashinzwe kurinda Col Bernard Rishirabake uzwi ku mazina ya “Shima Serge”, ubarizwa ahitwa Rwindi muri Rutshuru .

Lieutenant Habyarimana yabwiye KT ko mu byo yari arambiwe muri uyu mutwe harimo kuba waracitsemo ibice bakaba barimo gusubiranamo no kwicana kandi ari abavandimwe. Ikind ngo ni ubuhanuzi bw’ urudaca kandi budasohora.

Uyu mugabo avuga ko abayobozi b’ abarwanyi ba FDRL bihorera mu masengesho ari nako bakira ubuhanzuzi bubabwira ko bari hafi gutaha mu Rwanda. Gusa ngo bategereza ko ubwo buhanuzi busohora amaso agahera mu kirere aribyo bituma bamwe mu barwanyi barambirwa bagahitamo gutaha mu gihugu cyababyaye

Yagize ati “Muri FDLR hari ibintu bigendana n’amasengesho kandi bikunzwe kuyoborwa n’abayobozi. Kuva nagera muri FDLR nasanze abayobozi ba FDLR babikunda.

Abo banyamasengesho bagahanurira FDLR ko igihe cyo gutaha kiri hafi abantu bagakomeza gutegereza, njye ndabirushye ndatashye mu Rwanda kuko abahagera bambwira ko ari amahoro.”

Lieutenant Habyarimana avuga ko mu myaka yamaze muri FDLR ntacyo abahanuzi bavuze cyabaye.

Ngo ntiyigize aha amatwi ibitangazwa n’umunyarwanda wavuye muri Malawi waje guhanurira Brig Gen Omega ubusanzwe witwa, Ntawunguka Pacifique, amubwira ko bari hafi gutaha.

Lieutenant Habyarimana wageze mu Rwanda atashye mu karere ka Nyabihu, akaba yarinjiye FDLR mu 1998 yinjiriye i Kinshasa.

Avuga ko nubwo FDLR ikoresha ubuhanuzi mu kugumana abarwanyi bayo, benshi bamaze kuyishiraho kubera kurambirwa ubuzima bubi.

Abandi bigiriye mu mu mutwe wa CNRD wiyomoye kuri FDLR, ubu bakaba bari mu ntambara kandi bari basanzwe bakorana.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Impinduka ku muganda usoza umwaka wa 2017

Minisiteri y’ubutegetsi bw’igihugu (MINALOC) yatangaje ko ku matariki ya 30...
15 December 2017 Yasuwe: 149 0

U Rwanda rwiyambaje impuguke zo muri Amerika ngo ukuri ku ruhare rw’ u...

Minisitiri w’ububanyi n’amahanga n’ umuryango w’ Afurika y’ iburasirazuba...
15 December 2017 Yasuwe: 223 0

‘Kudutera uturutse hanze biragoye’ Perezida Kagame

Perezida Kagame yavuze ko nta mwanzi watera u Rwanda aturutse hanze y’...
14 December 2017 Yasuwe: 1368 4

Mukaruliza wagizwe ambasaderi muri Zambia yatanze impapuro zimwemerera...

Ambasaderi Monique Mukaruliza wahoze ari umuyobozi w’ umugi wa Kigali...
14 December 2017 Yasuwe: 398 0

2017: Abantu 35 batabawe bajyanywe gucuruzwa

Polisi y’u Rwanda irizeza Abaturarwanda ko hazakomeza kubaho umutekano mu...
14 December 2017 Yasuwe: 276 0

AMAFOTO utabonye ya Perezida Kagame ubwo yatahaga ingoro y’ amateka ya...

Perezida w’ u Rwanda ahagana saa tanu z’amanywa kuri uyu wa Gatatu tariki 13...
13 December 2017 Yasuwe: 1131 3