Kigali

“Gutsindwa amatora y’ umukuru w’ igihugu birarura” Dr Mwangi

Amakuru   Yanditswe na: Nsanzimana Ernest 1 July 2017 Yasuwe: 659

Dr Haron Mwangi umushakashatsi wahoze ari umuyobozi mukuru w’ inama nkuru y’ itangazamakuru muri Kenya yavuze ko impamvu muri Afurika abenshi mu bakandida ku mwanya wa Perezida wa Repubulika batsindwa amatora bakavuga ko amatora yabayemo uburiganya ari uko gutsindwa amatora birura.

Uyu mushakashatsi yabitangarije mu kiganiro yahaye abanyamakuru bitabiriye amahugurwa yari agamije gufasha abanyamakuru kumva no gusobanukirwa itegeko ry’ itora n’ andi mategeko agenga amatora mu Rwanda.

Aya mahugurwa yatangiye ku wa Kabiri tariki 27 asozwa tariki 30 Kamena 2017.

Mu kiganiro Dr Mwangi yatanze yakomoje ku buryo umukino wa politiki ukinwa muri Afurika avuga ko bitandukanye no ku yindi migabane.

Yavuze ko ubusanzwe muri politiki ibitekerezo aribyo bihangana, gusa ngo ahenshi muri Afurika abantu nibo bahangana aho guhanganisha ibitekerezo byabo.

Yanakomoje ku ngingo yo kuba muri Afurika abakandadida ku mwanya wa Perezida wa Repubulika batsindwa amatora bakavuga ko babibye amajwi avuga ko biterwa n’ uko gutsindwa amatora y’ umukuru w’ igihugu ari ikintu kitari kiza.

Ati “Henshi muri Afurika nta we utsindwa amatora y’ umukuru w’ igihugu, buri gihe uwatsinzwe avuga ko bamwibye amajwi. Biterwa n’ uko gutsindwa amatora birura. Iyo umuntu atsinzwe abona nta kindi yavuga akavuga ko yibwe amajwi”

Dr Mwangi yabwiye abitabiriye aya mahugurwa ko itangazamakuru rikwiye kwibombarika mu gihe cy’ amatora rigakora kinyamwuga. Ngo iyo ridakoze kinyamwuga bigira ingaruka zikomeye zirimo ihungabana ry’ umutekano.

Uyu mushakashatsi yavuze itangazamakuru ryagize uruhare mu mvururu zakurikiye amatora ya Perezida wa Kenya muri 2007- 2008. Yatangaje akenshi iwabo abaturage bashyigikira umukandida bitewe n’ uko bahuje ubwoko. Muri Kenya hariyo amoko arenga 40.

Icyo gihe ngo itangazamakuru ryagize uruhare mu guhuza amoko n’ abakandida ku mwanya wa Perezida bituma abari bashyigiye umukandida watsinzwe bumva ko ubwoko bwabo aribwo bwatsinzwe imvururu zaduka ubwo.

Izi mvururu zaguyemo abarenga 1500. Nizo zatumye Perezida wa Kenya Uhuru Kenyatta yitaba urukiko mpuzamahanga ICC, gusa uru rubanza rwaje guteshwa agaciro bitewe n’ uko urukiko rwabuze ibimenyetso n’ abashinja Kenyatta. Mubakurikiranywe n’ urukiko icyo gihe harimo n’ umunyamakuru.

Abanyamakuru basabwe kudaha umwanya abakandida bibasira bagenzi babo

Dr Mwangi yagiriye abanyamakuru bo mu Rwanda inama yo kudaha umwanya abakandida ku mwanya ya Perezida wa Repubulika ngo bibasire bagenzi babo.

Yavuze ko uburyo bwiza bwo guhanganisha ibitekerezo by’ abakandida ari ukubatumira mu kiganiro mpaka bose bari kumwe. Yongeraho ko iyo umukandida avuze ikintu kuri mugenzi umunyamakuru akajya kubaza wa mukandida icyo avuga ku byo yavuzweho birangira umunyamakuru arimo kubashwanishwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 3856 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1303 0

Perezida Kagame yatangaje uko intambara zihora Sahel zarangizwa

Perezida w’ u Rwanda Paul Kagame kuri ubu uyoboye Umuryango w’ ubumwe bw’...
18 February 2018 Yasuwe: 1981 1

RDC yashyikirijwe imibiri y’ingabo zayo zaguye mu mirwano yazihuje n’iz’u...

Kuri uyu wa Gatandatu tariki ya 17 Gashyantare, 2018 Repubulika Iharanira...
17 February 2018 Yasuwe: 3590 0

Perezida Kagame yaganiriye na Moussa Faki mu nama iri kubera mu...

Perezida wa Repubulika Paul Kagame uri mu gihugu cy’Ubudage yagiranye...
17 February 2018 Yasuwe: 430 0

Ruswa ishingiye ku gitsina iri hejuru mu bigo bya Leta

Mu bagore 100 batse akazi muri Leta 96 babwiye abashakashatsi ba...
16 February 2018 Yasuwe: 1368 6