Kigali

Guverineri Gatabazi yanenze akagari kananiwe kwinjiza mu nyubako umuriro uri hafi y’ ibiro

Amakuru   Yanditswe na: Nsanzimana Ernest 21 September 2018 Yasuwe: 692

Umuyobozi w’ intara y’ amajyaruguru JMV Gatabazi yagaye ubuyobozi bw’ Akagari ka Kabirizi mu Murenge wa Gacaca mu karere ka Musanze bukorera mu biro bitarimo umuriro w’ amashanyarazi kandi umuyoboro wayo uri muri metero 3.

Kutagira umuriro muri iyi nyubako bituma abaturage badahabwa zimwe muri serivise zifashisha umuriro, zirimo gufotorerwa amadosiye, ibyangombwa gusharija za telefoni n’ibindi.

Gov. Gatabazi JMV yavuze ko kuba badaha agaciro gushyira umuriro mu nyubako bakoreramo bigaragaza uburangare n’intege nke z’ abo bayobozi nk’ uko byatangajwe na Kigali Today.

Yagize ati “Ibi mbifata nk’intege nke z’ubuyobozi, n’ubwo wakwegera abaturage babigufasha byihuse. Ntibyumvikana kuba umuriro uri muri metero eshatu ku kagari ariko ntugere mu nyubako yako”.

Akomeza agira ati “ Bidasubirwaho akagari kagomba kugira amashanyarazi. Kutayagira bidindiza serivise zihabwa abaturage kandi nubwo umuyobozi yakwitabaza abaturage iki kibazo bahita bakikemurira.”

Umunyamabanga Nshingwabikorwa w’akagari ka Kabirizi Iyamuremye Alexandre , avuga ko yumvise uguhiturwa yakorewe, avuga ko ukwezi kwa Nzeli kurangira umuriro wabonetse.

Ati “Icyizere kirahari ko uku kwezi kwa cyenda, kurangira umuriro wageze mu kagari, ubu abaturage biyemeje gutanga ijana kuri buri wese azifashishwa muri icyo gikorwa, twamaze gushaka umutekinisiye uzadufasha”.

Gitifu Iyamuremye, avuga ko kuba akagari katagira umuriro hari serivise zimwe na zimwe zidatangwa uko bikwiye.

Yemera ko hari serivise zitagenda neza bitewe no kutagira umuriro mu kagari, nko gusharija imashini bifashisha, kuba umuturage uje kwibaruza adashobora kubona aho ashariza terefoni ye naho afotoreza ibyangombwa.

Gitifu avuga kuba umuriro utaragejejwe mu kagari byatewe n’ uko umuyoboro w’amashanyarazi ufite ingufu nke aho ugenda ucikagurika, akavuga ko hari umushoramari uri kubafasha kuzana umuriro ufite ingufu aho mu minsi mike ako kagari kose kaba gacanirwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gen Kabarebe, Uwacu Julienne, Kaboneka Francis ntibagaragara muri...

Muri Guverinoma nshya Perezida Kagame yashyizeho kuri uyu wa kane hari...
18 October 2018 Yasuwe: 3975 0

Diane Rwigara yashimiye abamubaye hafi mu gihe cy’ umwaka yamaze mu...

Umunyapolitiki utavuga rumwe n’ ubutegetsi Diane Rwigara yashimiye abamubaye...
15 October 2018 Yasuwe: 8917 6

‘Perezida Kagame yabajijwe niba Afurika itangiye gushyira hamwe’

Paul Kagame, Perezida w’ u Rwanda akaba n’ Umuyobozi w’ Afurika yunze ubumwe...
13 October 2018 Yasuwe: 2689 1

Kuyobora Francophonie: ‘Iyo ntabibonamo akamaro gafatika ntabwo nari...

Umunyarwandakazi Louise Mushikiwabo watorewe kuba Umunyamabanga Mukuru wa...
13 October 2018 Yasuwe: 1215 0

Louise Mushikiwabo, ubutumwa yagenewe na Jeannette Kagame ngo bwamukoze ku...

Kimwe n’ abandi Banyarwanda benshi n’ abanyamahanga, Jeannette Kagame,...
13 October 2018 Yasuwe: 5027 0

Mu magambo y’ Igifaransa Perezida Kagame yagaragaje uko yakiriye intsinzi ya...

Ku mbuga nkoranyambaga zitandukanye by’ umwihariko Twitter isanzwe ikoreshwa...
12 October 2018 Yasuwe: 7276 3