skol
Kigali
startimes

Guverineri Gatabazi yavuze akari ku mutima nyuma yo gusubizwa ku mirimo ye na Perezida Kagame

Amakuru   Yanditswe na: Dusingizimana Remy 8 July 2020 Yasuwe: 2972

Guverineri w’Intara y’amajyaruguru Gatabazi JMV waraye yongeye kugirirwa icyizere na Nyakubahwa perezida wa Repubulika,Paul Kagame,agasubizwa ku mwanya wa Guverineri w’Intara y’Amajyaruguru,yavuze ko yishimiye iki cyemeza cya Perezida Kagame ndetse amwizeza kutazamutenguha.


Kuri uyu wa Kabiri tariki ya 07 Nyakanga 2020,nibwo Itangazo rya Minisitiri w’Intebe ryemeje ko Perezida wa Repubulika yasubije Gatabazi Jean Marie Vianney ku mwanya wa Guverineri w’Intara y’Amajyaruguru na ho Kayitesi Alice wari usanzwe ari Meya wa Kamonyi,agirwa Guverineri w’Intara y’Amajyepfo.

Nyuma yo gusubizwa ku nshingano ze Gatabazi yagize ati: “Mfashe uyu mwanya ngira ngo mbashimire mbikuye ku mutima Nyakubahwa Perezida Paul Kagame ubuhanga n’Ubushishozi mutuyoborana, mukaba mwongeye kungirira ikizere. Ndabizeza ko nzarushaho kwitangira abaturage no guharanira ko iterambere mubateganyiriza rigerwaho vuba. Imana ibahe umugisha.”

Yakomeje agira ati: “ Nyakubahwa Perezida nkomeje kubashimira wowe n’Umuryango RPF-Inkotanyi, ku kizere mukomeje kungirira. Nturi umuyobozi gusa ahubwo uri n’urugero rwiza rw’intwari mu rukundo, kwicisha bugufi, kutikubira ukaba n’umugabo uzirikana abantu bose. Utitaye ku buryo duhora tugutenguha, ntuhwema kutugira abagabo n’abagore b’abaciro. Mbijeje, Nyakubahwa n’Umuryango FPR-Inkotanyi, ko nzakomeza kuba indahemuka. Uyu mwanzuro mwafashe werekana UBUDASA bwanyu mu miyoborere.”

Mu Itangazo ryavuye mu Biro bya Minisitiri w’Intebe ku mugoroba wo kuwa 25/5/2020 ryemeje ko “Perezida wa Repubulika” yabaye ahagaritse ku myanya yabo Guverineri w’Intara y’Amajyepfo Emmanuel Gasana na Guverineri w’Intara y’Amajyaruguru Hon Gatabazi Jean Marie Vianey “kubera ibyo bagomba kubazwa bakurikiranweho”.

Nyuma y’iperereza,Gatabazi JMV yasubijwe ku mirimo ye naho Gasana we asimbuzwa madamu Kayitesi wari usanzwe ari Meya w’akarere ka Kamonyi.

Madamu Kayitesi nawe yashimiye Nyakubahwa perezida Kagame icyizere yagiriwe ndetse anizeza Perezida Kagame ko azakorana umurava inshingano yahawe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inama yagombaga guhuza abakuru b’ibihugu byo muri aka karere yongeye...

Inama yagombaga guhuza abakuru b’ibihugu by’akarere k’ibiyaga bigari kuri iki...
19 September 2020 Yasuwe: 4571 0

Paul Rusesabagina yahishuye ko ubwo yatabwaga muri yombi yari aziko agiye...

Kuwa Kabiri tariki ya 15 Nzeri 2020, Paul Rusesabagina watangiye igifungo...
18 September 2020 Yasuwe: 5358 1

Amasaha yo kugera mu rugo yavuye Saa Moya z’ijoro ashyirwa saa...

Inama y’Abaminisitiri yayobowe na Perezida Kagame kuri uyu wa Kane tariki ya...
11 September 2020 Yasuwe: 3039 0

U Rwanda rwasabiwe gufatirwa ibihano bitewe n’ifatwa rya Paul...

MRCD-Ubumwe, Ihuriro rihuza amashyaka arwanya ubutegetsi bw’u Rwanda,...
8 September 2020 Yasuwe: 20905 2

“Hakenewe Ubucuti buzima”-Perezida Kagame abwira Uganda n’Uburundi

Nyakubahwa Perezida wa Repubulika,Paul Kagame, yaganiriye na RBA, ku ngingo...
6 September 2020 Yasuwe: 2794 0

Ben Rutabana byavuzwe ko yishwe n’u Rwanda,byemejwe ko ari muzima aho ari...

Umunyarwanda Ben Rutabana ufite ubwenegihugu bw’u Bufaransa, waburiye ku...
2 September 2020 Yasuwe: 11112 0