Kuri uyu wa Gatanu tariki 17 Ugushyingo 2017, akarere ka Rubavu ko mu ntara y’ iburengerazuba kabonenye umuyobozi mushya ariwe Habyarimana Gilbert.
Habyarimana Gilbert yasimbuye kuri uyu mwanya Sinamenye Jeremie uherutse kwegura kuri uyu mwanya mu mezi ane ashize.
Habyarimana w’ imyaka 44 y’ amavuko arubatse afite umugore n’ abana batatu.
Uyu muyobozi mushya w’ akarere ka Rubavu yari asanzwe ari umuyobozi mukuru w’ ikigo cy’ igihugu cy’ amakoperative RCA.
Afite impamyabumenyi y’ ikiciro cya (...)

Sponsored Ad

Kuri uyu wa Gatanu tariki 17 Ugushyingo 2017, akarere ka Rubavu ko mu ntara y’ iburengerazuba kabonenye umuyobozi mushya ariwe Habyarimana Gilbert.

Habyarimana Gilbert yasimbuye kuri uyu mwanya Sinamenye Jeremie uherutse kwegura kuri uyu mwanya mu mezi ane ashize.

Habyarimana w’ imyaka 44 y’ amavuko arubatse afite umugore n’ abana batatu.

Uyu muyobozi mushya w’ akarere ka Rubavu yari asanzwe ari umuyobozi mukuru w’ ikigo cy’ igihugu cy’ amakoperative RCA.

Afite impamyabumenyi y’ ikiciro cya kabiri mu bukungu( masters in economy).

Meya Habyarimana Gilbert w’ imyaka 44 y’ amavuko yatowe n’ amajwi 91,2% mu gihe uwo bari bahanganye Mutimawurugo Jeanne d’ Arc yagize amajwi 8,2%.

Meya Habyarimana yavuze ko agiye gukorana n’ abo asanze kugira ngo akarere kihute mu iterambere kave ku mwanya wa nyuma (30) gaherutse kuba mu mihigo y’ uturere.

Sinamenye Jeremie yatawe muri yombi mbere y’ amatora y’ umukuru w’ igihugu yabaye muri Kanama 2017, akekwaho kubangamira abakandida bari bahanganye na Perezida Kagame mu matora y’ umukuru w’ igihugu.

Nyuma yo kurekurwa mu buryo butasobanutse neza yahise asezera kuri uyu mwanya asimbuzwa by’ agateganyo Mupenzi Jean Marie Vianney.