Kigali

Huye: Abafite ubumuga barasaba umudepite w’ umugabo n’ uw’ umugore

Amakuru   Yanditswe na: Nsanzimana Ernest 4 September 2018 Yasuwe: 561

Murorunkwere Seraphine

Abanyarwanda bafite ubumuga barashimira Leta y’ u Rwanda yabaye ijambo mu nteko ishinga amategeko gusa ngo barifuza abadepite babiri b’ ikiciro cyabo kuko umwe adahagije.

Babitangaje kuri uyu wa 2 Nzeli 2018, ubwo bari bitabiriye amatora y’ abadepite mu kiciro cy’ abafite ubumuga. Aya matora yabereye muri buri karere, mu karere ka Huye akaba yabereye mu nzu mberabyombi y’ akarere ka Huye.

Murorunkwere Seraphine Umunyamabanga ku rwego rw’ akarere mu nama y’ igihugu y’ abafite ubumuga yavuze ko kuba bafite umudepite mu nteko bibafitiye akamaro gusa byaba byiza babaye babiri.

Yagizea ati “Iyo turebye amategeko atorwa avugira abafite ubumuga uko biri kose hari icyo bisobanuye, ni nayo mpamvu twishimira gutora umudepite w’ ikiciro cy’ abafite ubumuga tunabona ko babaye babiri byatubera byiza kurushaho”

Tuyisabe Theonetse uhagarariye abafite ubumuga bo mu murenge wa Simbi asanga abafite ubumuga bagize abadepite babiri babahagarariye mu nteko umwe akaba umugabo undi akaba umugore ijwi ry’ ikiciro cyabo ryakumvikana kurushaho.

Yagize ati “Nibura baba umugore n’ umugabo kuko batoye umugabo ntabwo kumenya ibibazo abagore bagira byoroshye, umudamu yabwira ibibazo bye umudamu mugenzi we kurusha uko yaza kubimbwira njyewe w’ umugabo”

Umudepite wo mu kiciro cy’ abafite ubumuga atorwa n’ uhagarariye abafite ubumuga kuri buri murenge, n’ abahagarariye abafite ubumuga ku rwego rw’ akarere no ku rwego rw’ Intara.

Uyu mwaka batoye Eugene Moussoli akaba asimbuye Rusiha Gaston , bavuga ko yabakoreye ubuvugizi hagatorwa amategeko arengera abafite ubumuga

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 3708 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 1898 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5324 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3214 0

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 1254 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 475 0