Kigali
dnd

‘Icyemezo Afurika y’ Epfo yafashe cyo guhamagara ambasaderi wayo gishingiye ku bihuha’ u Rwanda

Amakuru   Yanditswe na: Nsanzimana Ernest 12 December 2018 Yasuwe: 2139

Guverinoma y’u Rwanda yatangaje ko icyemezo Afurika y’ Epfo iherutse gufata cyo guhamagaza ambasaderi wayo mu Rwanda gishingiye ku makuru atari ukuri yahawe n’ abarwanya u Rwanda.



Nta minsi myinshi irashira bimenyekanye ko Afurika y’Epfo yahamagaje igitaraganya Ambasaderi wayo i Kigali, George Nkosinati Twala. Itangazamakuru ryo muri Afurika y’ Epfo ryatangaje ko impamvu ariko Minisitiri w’Ububanyi n’amahanga wa Afurika y’Epfo, Lindiwe Sisulu yaraharabitswe.

Kuri uyu wa Gatatu tariki 12 Ukuboza Guverinoma y’u Rwanda yashyize ahagaragara itangazo ivuga ko Minisiteri y’Ububanyi n’Amahanga y’u Rwanda ibinyujije mu nzira za dipolomasi, yagaragaje impungenge ku bikorwa byo ku ruhande rwa Afurika y’Epfo, “bigamije gutinza cyangwa kunaniza urugendo rwo kunoza umubano.”

Riti “Birimo ibirego bidafite ishingiro bivugwa ku Rwanda binyuze mbwirwaruhame n’ibitangazamakuru, bishingiye ku bihuha bikwirakwizwa n’abanyarwanda barwanya ubutegetsi baba muri Canada na Afurika y’Epfo, n’ibitangazamakuru bikorana nabo. Biteye impungenge kubona Minisiteri y’Ububanyi n’amahanga ya Afurika y’Epfo ihitamo kwizera abantu nk’abo kurusha ibyo ibyirwa na Guverinoma y’u Rwanda.”

Minisitiri Lindiwe Sisulu, mu minsi ishize yatangaje ko yabanje kugirana ibiganiro na Kayumba Nyamwasa, mbere y’ibiganiro biteganywa hagati y’ibihugu byombi, bigamije kuzahura umubano.

Leta y’ u Rwanda yavuze koi bi biganiro ntabyo icyeneye yongeraho ko niba hari umuyobozi wa Afurika y’ Epfo ukeneye ibiganiro na Kayumba yabikora ariko ko u Rwanda rutazabyitabira.

Minisiteri y’Ububanyi n’Amahanga y’u Rwanda yanagaragaje impungenge “ku itumizwa rya hato na hato rya Ambasaderi w’u Rwanda i Pretoria ku mpamvu zitazwi na Guverinoma y’u Rwanda, zirimo inkuru ziba zasohotse mu binyamakuru byandika ibyo byiboneye.”

U Rwanda ruvuga ko umubano w’ibihugu byombi utari ukwiye kubangamirwa n’ibikorwa by’abantu “bahamijwe cyangwa bashakishwa ku byaha bakoze.”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Inama ya kabiri yiga ku ishyirwa mu bikorwa ry’amasezerano yo muri Angola...

Inama ya kabiri yo gushyira mu bikorwa amasezerano ya Luanda hagati...
13 December 2019 Yasuwe: 2527 1

Iyaba abarundi bashaka ubusugire bw’igihugu bakabaye baramaganye ibitero bya...

Umunyamabanga wa Leta muri Minisiteri y’Ububanyi n’Amahanga,ushinzwe...
29 November 2019 Yasuwe: 3668 0

Inama ya EAC yagombaga guhuza abaperezida yimuwe ishyirwa mu mwaka...

Inama ya 21 y’abakuru b’ibihugu 6 bigize umuryango wa Afurika y’Iburasirazuba...
19 November 2019 Yasuwe: 1152 1

Perezida Kagame yahakanye ko u Rwanda rudakoresha ikoranabuhanga rifasha...

Nyakubahwa Perezida Paul Kagame yabwiye abanyamakuru mu kiganiro yagiranye...
8 November 2019 Yasuwe: 3085 0

Perezida Kagame yamaganye umuco mubi wa bamwe mu baganga bagira ubusumbane...

Perezida Kagame yanenze abaganga bita cyane ku bayobozi bakomeye bakareka...
7 November 2019 Yasuwe: 2626 0

Perezida Kagame yakoze impinduka mu gisirikare cya RDF azamurira bamwe...

Perezida wa Repubulika akaba n’Umugaba w’Ikirenga w’Ingabo z’u Rwanda, yakoze...
5 November 2019 Yasuwe: 4143 0