Kigali

Impuguke yasobanuye ukuntu hari igihe umugore ahabwa umwanya ukomeye mu buyobozi akaba agushije ishyano iwe mu rugo

Amakuru   Yanditswe na: Nsanzimana Ernest 3 July 2017 Yasuwe: 966

Mu bigaragara inyuma umugore n’ umugabo bateye bitandukanye. Mu by’ ubwenge siko bimeze kuko mu bagore habamo abafite ubushobozi bw’ ubwenge buri ku kigero cyo hejuru n’ abafite ubushobozi bwo ku kigero kiringaniye nk’ uko bimeze mu bagabo.

Patrick Mico impuguke akaba n’ umushakashatsi mu by’ uburinganire bw’ abagabo n’ abagore avuga ko amateka n’ imiryango y’ abantu byafashe umugabo bikamuha amahirwe yo kugaragaza ubushobozi bw’ ubwenge afite. Mu mateka y’ u Rwanda ngo abagore ntabwo babonye amahirwe yo kugaragaza ubushobozi bw’ ubwenge bafite.

Mu kiganiro yatanze mu mahugurwa yabaye mu cyumweru gishize yo gufasha abanyamakuru gusobanukirwa amategeko agenga amatora no kubafasha gutangaza kinyamwuga inkuru z’ amatora Mico yavuze ko mu Rwanda rwo hambere igitekerezo cy’ umugore umugabo yakiyitiriraga.

Ngo ntabwo umugabo yashoboraga gufata icyemezo kireba urugo atagishije inama umugore ariko ngo byakorwaga mu ibanga rikomeye.

Ati “Umutware w’ umuryango yatumizaga abagabo bo mu muryango bagahurira ahantu hari ingingo bashaka kuganiraho. Bakaganira ariko abagabo bakirinda gufata umwanzuro bakabwira umutware ngo reka tuge kugisha inama ijoro”


Mico avuga ko icyo abagabo bitaga kugisha inama ijoro ari ukuganira n’ abagore babo. Ngo ku munsi ukurikiyeho abagabo barazaga bagatanga umwanzuro bagendeye ku nama bagiriwe n’ abagore babo ariko bakirinda ko humvikanamo ijambo umugore.

Iyi mpuguke ivuga ko ubwo bushobozi abagabo bagiye bahabwa kuva mu mateka bigikomeje kugira ingaruka magingo aya. Avuga ko kuri hari abagabo baba batifuza ko abagore babo bahabwa imyanya ikomeye mu buyobozi bumva ko umugore nahabwa umwanya umugabo aratakaza agaciro, icyubahiro n’ ijambo yari afite mu rugo. Ibi ngo bituma hari abagabo banga gushyikigira abagore babo iyo biyamamaje.

Ati “Umugabo agahorana ubwoba avuga ngo madamu wanjye baramugira Minisitiri ndasuzugurika”

Mico avuga ko ubwo yari akiri umuyobozi muri Minisiteri y’ uburinganire n’ iterambere uwari Minisitiri icyo gihe yatumije abagore bari mu myanya ikomeye y’ ubuyobozi agira ngo ababaze iby’ uko bageze mu myanya y’ ubuyobozi bagatangira gusuzugura abagabo no kutubahiriza inshingano z’ urugo.

Mico avuga ko abari muri iyo nama batunguwe n’ uburyo bamwe mu bagore bari mu myanya y’ ubuyobozi babaniwe n’ abagabo babo.

Bamwe muri aba bagore ngo bavuze ko abagabo babo babahoza ku nkeke, baba bagiye mu nama yatinda kurangira nk’ umugabo akandikira ubutumwa bugufi umugore we amubwira ngo nurenza saa mbili utaragera mu rugo urara inyuma y’ igipangu.

Ibi ngo bituma hari amasaha agera umugore ntiyongere uruhare mu bikorwa birimo kuba, ku mutima avuga ngo sinjye uzabona iyi manda irangira.

Ngo hari n’ abagore basanga batabivamo bagahitamo kuva mu rugo bakajya kwibana.

“Umugore nawe aravuga ati ninjya mu by’ ubuyobozi ndasenya urugo. Umugore nubwo yakwiyamama miliyoni zingahe zikamushyigikira nta mugabo we urimo ntabwo bimuryohera”


Patrick Mico amaze imyaka irenga 15 mu gitsibo cy’ ibijyanye n’ uburinganire

Mico yanakomoje ku kamaro ko kuba u Rwanda rufite abagore benshi mu myaka ikomeye y’ ubuyobozi, avuga ko kubaka ubushobozi bw’ umugore ari ukubaka ubushobozi bw’ igihugu.

Yagize ati “Iyo umugabo abonye amafaranga ayakoresha mu gushaka imbaraga n’ icyubahiro, ariko iyo umugore abonye amafaranga atekereza mbere na mbere ku rugo rwe n’ abana be”

Iki kiganiro Mico yagitanze mu gihe habura ukwezi n’ iminsi mike ngo Abanyarwanda binjire mu matora y’ umukuru w’ igihugu. Yasabye abanyamakuru kuzaha umwanya abagore bakagaragaza ibyo bashoboye.

Biri mu mategeko y’ u Rwanda ko abagore bagomba kugira nibura 30 mu nzego zifatirwamo ibyemezo. Mu nteko ishinga amategeko abagore ni 64%.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Meya wa Nyamagabe Mugisha Philbert yasezerewe ku buyobozi

Mugisha Philbert uherutse gutabwa muri yombi na Polisi y’Igihugu...
20 November 2017 Yasuwe: 965 0

Bishop Rugagi yatangije televiziyo ahabwa miliyoni zirenga 3

Umushumba w’ itorero Abacunguwe umaze kwamamara mu Rwanda kubera gukoreshwa...
18 November 2017 Yasuwe: 3804 1

Jeannette Kagame yashimiye ikinyamakuru cyamuhembye nk’ intwari yahinduye...

Jeannette Kagame yashimiye ikinyamakuru ‘The voice magazine’ cyamuhaye...
18 November 2017 Yasuwe: 693 0

Perezida wa Estonia yasoje uruzinduko rwe nyuma yo gusura ibikorwa...

Perezida wa Estonia Madamu Kersti Kaljulaid yasoje uruzinduko rw’iminsi 2...
18 November 2017 Yasuwe: 466 0

J.Kagame arashyikirizwa igihembo cy’umuyobozi w’indashyikirwa

Madame wa Perezida wa Republika Jeannette KAGAME ari ku rutonde...
17 November 2017 Yasuwe: 476 0

‘Ababyeyi turasa n’ abeguye ku mpamvu zacu bwite’ Madamu Ingabire

Umuyobozi w’ umuryango mpuzamahanga urwanya ruswa n’ akarengane ahuriza n’...
17 November 2017 Yasuwe: 770 0