Kigali

Indangamuntu y’ ikoranabuhanga ntabwo iteza ibibazo- Perezida Kagame

Amakuru   Yanditswe na: Nsanzimana Ernest 18 November 2018 Yasuwe: 1533

Perezida w’ u Rwanda akaba n’ umuyobozi wa Afurika yunze ubumwe Paul Kagame yasabye ibihugu bya Afurika kwimakaza ikoreshwa ry’ ikoranabuhanga mu rwego rwo gukorera mu mucyo avuga ko indangamuntu ikoresha ikoranabuhanga idateza ibibazo ahubwo yongera ubwizerane mu bantu.

Yabivugiye mu kiganiro we na Minisitiri w’ Intebe wa Ethiopia bayoboye kuri iki cyumweru mu nama ya 11 idasanzwe ya AU. Iki kiganiro kibanze ku ruhare ikoranabuhanga mu cyerekezo 2030-2063.

Perezida Kagame yavuze ko Afurika ikwiye kubyaza umusaruro iterambere ry’ ikoranabuhanga kuko rizongera gukorera mu mucyo muri za guverinoma no mu rwego rw’ abikorera.

Yavuze ko ibi bitashobora igihe amakuru y’ ibiri mu ikoranabuhanga atabitswe n’ abanyafurika ubwabo mu buryo butekanye kandi mu ibanga bubuza abanyabyaha ku bwinjiramo.

Perezida Kagame yavuze ko ukwinjirirwa mu makuru bimaze iminsi biba mu bigo bikomeye ari ikimenyetso cy’ uko umuntu agomba kwigirira ububiko bwe bw’ amakuru atagomba kuyabikirwa n’ abandi.

Yagize ati “Indangamuntu y’ ikoranabuhanga ntabwo ari isoko y’ ibibazo, igamije gukuraho urwikekwe mu gihe abantu bari muri bizinesi bari gukorana by’ umwihariko abambuka imipaka”

Perezida Kagame yavuze ko Afurika nk’ umugabane ushyize imbere isoko rusange ryayo ikeneye indangamuntu y’ ikoranabuhanga Digital Identity.

Yavuze ko Afurika ifite ubushobozi bwo kugira soft ware n’ ibikoresho byayifasha kubika amakuru yayo. Yavuze ko Komisiyo y’ ubukungu ya Afurika yunze ubumwe ifite inshingano yo gushyiraho ibipimo ngenderwaho by’ ikoranabuhanga.

Perezida Kagame yavuze ko mu nama itaha ya Afurika yunze ubumwe hazemezwa irangamuntu nyafurika y’ ikoranabuhanga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 241 0

‘Imyanzuro 9 yafatiye m’ Umushyikirano w’ ubushize umwe wahuye n’...

Minisitiri w’ Intebe u Rwanda Dr Edouard Ngirente yagaragaje uko imyanzuro 9...
13 December 2018 Yasuwe: 858 0

Umushyikirano16: Perezida Kagame yavuze ko ababuza u Rwanda umutekano aribo...

Perezida Kagame yasabye Abanyarwanda kunga ubumwe, kureba kure, no gukora...
13 December 2018 Yasuwe: 1920 0

‘Icyemezo Afurika y’ Epfo yafashe cyo guhamagara ambasaderi wayo gishingiye...

Guverinoma y’u Rwanda yatangaje ko icyemezo Afurika y’ Epfo iherutse gufata...
12 December 2018 Yasuwe: 2013 0

‘Kwihangira imirimo ntabwo bishaka uwabuze akazi kamuha umushahara’-Perezida...

Perezida Paul Kagame yabwiye urubyiruko ko amateka mabi y’ahahise h’u Rwanda...
12 December 2018 Yasuwe: 725 0

Me Evode yagaragaje ko hari ba noteri bakora nk’ inyeshyamba

Umunyamabanga wa leta muri Minisiteri y’Ubutabera, ushinzwe Itegeko Nshinga...
10 December 2018 Yasuwe: 756 0