Kigali

Ingabire Victoire ngo agiye gusabira imbabazi abarimo na Diane Rwigara

Amakuru   Yanditswe na: Nsanzimana Ernest 17 September 2018 Yasuwe: 5368

Umunyapolitiki utavugarumwe n’ Ubutegetsi bw’ u Rwanda akaba n’ umuyobozi w’ Ishyaka FDU inking ritemewe n’ amategeko y’ u Rwanda mu mpera z’ icyumweru gishize yafunguwe ku bw’ imbabazi za Perezida wa Repubulika yavuze yiyumvise amaze kumva ko agiye kurekurwa anavuga ko agiye gukomeza politiki idaharanira kujya mu buyobozi ahubwo isaba ubwisanzure bwa politiki.

Madamu Ingabire Victoire UMUHOZA yari yakatiwe gufungwa imyaka 15 n’ urukiko rw’ ikirenga, rumaze kumuhamya ibyaha birimo gushaka guteza umutekano muke n’ icyo gupfobya Jenoside yakorewe Abatutsi. Perezida Kagame yamuhaye imbabazi amaze imyaka 8 muri gereza we avuga ko ari ishuri.

Ngo akimara kumva ko Perezida Kagame yamuhaye imbabazi yaraye adasinziriye kubera ibyishimo. Aganira na BBC yanavuze uko byari byifashe muri gereza ubwo bumvaga ko we n’ izindi mfungwa zirenga 2000 zihawe imbabazi.

Yagize ati “Nabyumviye kuri Radiyo ku wa Kane saa tanu z’ ijoro, nari ndyamye numva abantu barasakuje cyane mfunguye radiyo mpita ngwa neza mpita ngwa ku itangazo amakuru yo kuri radiyo Rwanda amakuru atangiye saa tanu z’ ijoro. Sinasinziriye nyine narinze ngera mu gitondo ngikanuye kubera ibyishimo”.

Nubwo ariko Ingabire Victoire yavuze ko iri tangazo yaryumvishe ku wa Kane, yibeshye kuko iri tangazo ryatambutse kuva mu ijoro ryo ku Gatanu tariki 14 Nzeli 2018.

Uyu mugore w’ imyaka 49 yavuze ko atigeze asaba imbabazi kuko nta rukiko yigeze yemerera ko yakoze icyaha ahubwo ngo yasabye kurekurwa.

Yakomeje avuga ko ibikorwa bya politiki agiye kubikomeza kuko kuba agiye kujya yitaba kuri parike rimwe mu kwezi, kudasohoka igihugu adasabye uruhushya no gutanga impamvu igihe atagiye kwitaba ibi ngo ntabwo byamubuza gukomeza politiki.

Ati “Umugambi wa FDU – Inkingi twe ntabwo turi guharanira kujya mu butegetsi turaharanira ko urubuga rwa politiki rwafungurwa mu Rwanda.”

Abajijwe niba adafite impungenge zo kongera gufungwa bitewe no gusubira mu bikorwa bya politiki yagize ati “Nta kibi ndimo gukora ndimo ndatanga ibitekerezo by’ uburyo twakubaka umuryango nyarwanda tukawuha izindi mbaraga ukabaho neza kurusha uko uriho ubu ng’ ubu ntabwo mbona ko ibyo byaba impamvu yo kumfunga ariko biramutse binabaye impamvu yo kumfunga gereza ni ishuri, gereza ni urugendo rwa politiki n’ ubundi mba ndimo”

Ingabire Victoire Umuhoza yavuze ko agiye gusaba Leta u Rwanda gufungura Deogratias Mushayidi, Diane Rwigara, Visi Perezida wa FDU – inkingi Boniface Twagirimana n’ abandi. Murumuna wa Diane Rwigara, Anne Rwigara ari mubari mu birori kwa Ingabire Victoire yishimira ko arekuwe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Rugweba

    Wowe wiyita citoyen nta citoyen irimo namba.Wakwiyita citoyen gute abantu baborera muri gereza ukaba ciyoyen wigihugu gute mugihe wowe ubona ntacyo bikubwiye kandi bizakugiraho ingaruka wowe cyangwa abana babwe? Harya ntabwo uzibyo u Rwanda rwaguyemo kuva muri 1990? Mbera yaho Harabandi biyitaga ba citoyens bumvako ibintu byatunganye bibereye mu mahoro babyina Ndombolo ya Solo.

    September 2018
  • chat_bubble citoyen

    Ngo " yavuze ko agiye gusaba Leta y’u Rwanda gufungura Deogratias Mushayidi, Diane Rwigara, Visi Perezida wa FDU – inkingi Boniface Twagirimana n’ abandi"? We se yafunguwe bisabwe nande? Nabanze yige ikinyabupfura no kuvuga ibifite umumaro naho kwigira umu-star ku mugani ni ukutamenya ibyo akinamo!

    September 2018

Inzindi nkuru

Perezida Museveni yangiye Abuzukuru be kuza mu Rwanda mu ikipe ya...

Mu ikipe ya Uganda y’abakobwa n’abahungu ya Basketball yari igiye kuza mu...
10 June 2019 Yasuwe: 5005 2

Kwibuka25: Ubuhamya bwa Ngutete warokokeye ku Ibambiro ahiciwe abagore...

Ku cyumweru tariki ya 26/05/2019 mu Karere ka Nyanza, Umurenge wa Kibirizi...
30 May 2019 Yasuwe: 4075 2

Rucagu avuga ko muri 93 yandikiye Leta ya Habyalimana ayisaba kugabana...

Mu gice cya nyuma cy’ikiganiro twagiranye na Rucagu Boniface, yadutangarije...
2 April 2019 Yasuwe: 4746 2

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 6222 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12875 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2567 0